ຈີນໝັ້ນໃຈເສດຖະກິດປີນີ້ເຕີບໃຫຍ່ ຕາມເປົ້າໝາຍ ເຖິງວ່າຂໍ້ຂັດແຍ່ງການຄ້າ ກັບອາເມລິກາຮຸນແຮງຂຶ້ນ

- advert banner 728 90 728x90 - ຈີນໝັ້ນໃຈເສດຖະກິດປີນີ້ເຕີບໃຫຍ່ ຕາມເປົ້າໝາຍ ເຖິງວ່າຂໍ້ຂັດແຍ່ງການຄ້າ ກັບອາເມລິກາຮຸນແຮງຂຶ້ນ

ຄະນະກຳມະການ​ປະຕິ​ຮູບ ​ແລະ ພັດທະນາ​ແຫ່ງ​ຊາດ​ຂອງ​ຈີນ ໝັ້ນ​ໃຈ​ວ່າ: ​ເສດຖະກິດ​ປີ​ນີ້​ຈະ​ເຕີບ​ໃຫຍ່​ໄດ້​ຕາມ​ເປົ້າໝາຍ 6,5%, ​ເຖິງ​ວ່າ​ສ່ຽງ​ມີ​ບັນຫາ​ໄລຍະ​ 6 ​ເດືອນ​ທ້າຍ​ປີ ​ເພາະ​ຂໍ້​ຂັດ​ແຍ່ງ​ການ​ຄ້າ​ກັບ​ອາ​ເມ​ລິ​ກາ​ທະວີ​ຄວາມ​ຮຸນ​ແຮງ.

- new3 - ຈີນໝັ້ນໃຈເສດຖະກິດປີນີ້ເຕີບໃຫຍ່ ຕາມເປົ້າໝາຍ ເຖິງວ່າຂໍ້ຂັດແຍ່ງການຄ້າ ກັບອາເມລິກາຮຸນແຮງຂຶ້ນ

​ໂຄສົກ​ຄະນະ​ກຳມະການ ກ່າວ​ລະຫວ່າງ​ຖະ​ແຫລ​ງຂ່າວ​ໃນ​ວັນ​ທີ 17 ກໍລະກົດ​ວ່າ: ​ໂດຍ​ລວມ​ແລ້ວ​ຈີນ​ມີ​ຄວາມ​ເຊື່ອ​ໝັ້ນ, ປັດ​ໄຈ​ແວດ​ແລ້​ມ ​ແລະ ປະສິດທິພາບ​ພຽງພໍ​ຈະ​ຮັບ​ມື​ຢ່າງ​ມີ​ປະສິດທິ​ຜົນ​ກັບ​ຄວາມ​ບໍ່​ແນ່ນອນ​ຂອງ​ເສດຖະກິດ​ໂລກ ​ແລະ ໝັ້ນ​ໃຈ​ວ່າ​ຈະ​ບັນລຸ​ເປົ້າໝາຍ​ທີ່​ກຳນົດ​ໄວ້​ນັບ​ແຕ່​ຕົ້ນປີ, ຫລັງ​ຈາກ​ມີ​ບາງ​ຝ່າຍ​ເບິ່ງ​ວ່າ​ຈີນ​ຈະ​ປະສົບບັນຫາ​ໃນ​ການ​ພັດທະນາ​ເສດຖະກິດ​ແບບ​ມີ​ສະຖຽນ​ລະ​ພາບ​ໃນ​ໄລຍະ​ 6 ​ເດືອນ​ທ້າຍ​ປີ ​ເພາະ​ຂໍ້​ຂັດ​ແຍ່ງ​ການ​ຄ້າ​ກັບ​ອາ​ເມ​ລິ​ກາ ​ແລະ ບັນຫາ​ໂຄງ​ສ້າງ​ພາຍ​ໃນ​ປະ​ເທດ. ຜູ້​ກຳນົດ​ນະ​ໂຍບາຍ​ຂອງ​ຈີນ​ຈະ​ປັບ​ນະ​ໂຍບາຍ​ເສດຖະກິດ​ມະຫາ​ພາກ​ໃຫ້​​ເຄັ່ງ​ຫລາຍ​ຂຶ້ນ ​ແລະ ສ້າງ​ຫລັກ​ປະກັນ​ວ່າ​ພື້ນຖານ​ເສດຖະກິດ​ມະຫາ​ພາກ​ຈະ​ຍັງ​ມີ​ສະຖຽນ​ລະ​ພາບ. ຂະນະ​ດຽວ​ກັນ ຈະ​ຂະຫຍາຍ​ການ​ລົງທຶນ​ທີ່​ມີ​ປະສິດທິພາບ ​ແລະ ຫາ​ທາງ​ສົ່ງ​ເສີມ​ການ​ບໍລິ​ໂພ​ກພາຍ​ໃນ​ປະ​ເທດ.

​ໂຄສົກ​ເປີດ​ເຜີຍ​ວ່າ: ຈີນ​ມີ​ປັດ​ໄຈ​ສະໜັບສະໜູນ​ເສດຖະກິດ​ຫລວງຫລາຍ, ລັດຖະບານ​ມີ​ຍອດ​ຂາດດູນ​ງົບປະມານ ​ແລະ ໜີ້​ໃນ​ລະດັບ​ຕໍ່າ, ທະນາຄານ​ການ​ຄ້າ​ມີ​ອັດຕາສ່ວນ​ເງິນ​ກອງ​ທຶນ​ຕໍ່​ສິນ​ຊັບ​ສ່ຽງ ​ແລະ ອັດຕາ​ສ່ວນ​ຄ່າ​ເຜື່ອ​ໜີ້​ສົງ​ໄສ​ຈະ​ສູນ​ຕໍ່​ສິນ​ເຊື່ອ​ດ້ອຍ​ຄຸນ​ນະພາ​ບ​ໃນ​ລະດັບ​ສູງ, ຂະ​ແໜງ​ທຸລະ​ກິດ​ມີ​ໜີ້​ຫລຸດ​ລົງ ​ແລະ ທາງການ​ມີ​ເຄື່ອງມືນະ​ໂຍບາຍ​ໃຫ້​ໃຊ້​ຫລວງຫລາຍ. ນອກຈາກ​ນີ້ ​ໄລຍະ​ 6 ​ເດືອນ​ຕົ້ນປີ ຄະນະ​ກຳມະການ​ໄດ້​ອະນຸມັດ​ໂຄງການ​ລົງທຶນ​ໃນ​ຊັບ​ສິນ​ຖາວອນ​ເຖິງ 102 ​ໂຄງການ ມູນ​ຄ່າ 260.300 ລ້ານ​ຢວນ.

- lattana 1 - ຈີນໝັ້ນໃຈເສດຖະກິດປີນີ້ເຕີບໃຫຍ່ ຕາມເປົ້າໝາຍ ເຖິງວ່າຂໍ້ຂັດແຍ່ງການຄ້າ ກັບອາເມລິກາຮຸນແຮງຂຶ້ນ

​ ​ໃນ​ວັນ​ທີ 16 ກໍລະກົດ ຈີນ​ແຈ້ງວ່າ: ​ໄຕ​ມາດ​ສອງ​ຂອງ​ປີ​ນີ້​ເສດຖະກິດ​ເຕີບ​ໃຫຍ່​ໃນ​ອັດຕາ​ທີ່​ຫລຸດ​ລົງ ​ແລະ ກິດຈະກຳ​ໂຮງງານ​ເດືອນ​ມິຖຸນາ​ຂະຫຍາຍຕົວ​ຕໍ່າ​ທີ່​ສຸດ​ໃນ​ຮອບ 2 ປີ ສະທ້ອນ​ໃຫ້​ເຫັນ​ວ່າ: ສະພາບ​ການ​ທາງ​ທຸລະ​ກິດຈະ​ຫລຸດ​ລົງ​ໃນ​ຫລາຍ​ເດືອນ​ຕໍ່ໜ້າ ​ເພາະ​ແຮງ​ກົດ​ດັນ​ທາງ​ການ​ຄ້າ​ເລີ່​ມມີ​ຂຶ້ນ.

error: Content is protected !!