ຝົນ​ຕົກ​ຫນັກ​ເຮັດ​ໃຫ້​ຫລາຍ​ທ້ອງ​ຖິ່ນ​ເກີດ​ໄພ​ນ້ຳຖ້ວມ

- Screen Shot 2018 07 17 at 13 - ຝົນ​ຕົກ​ຫນັກ​ເຮັດ​ໃຫ້​ຫລາຍ​ທ້ອງ​ຖິ່ນ​ເກີດ​ໄພ​ນ້ຳຖ້ວມ
- Untitled design - ຝົນ​ຕົກ​ຫນັກ​ເຮັດ​ໃຫ້​ຫລາຍ​ທ້ອງ​ຖິ່ນ​ເກີດ​ໄພ​ນ້ຳຖ້ວມ

ຕາມການລາຍງານຂ່າວ ຈາກປະຊາຊົນຊາວເມືອງທ່າແຂກ, ແຂວງຄໍາມ່ວນ ໃນຕອນແລງຂອງວັນທີ 16 ກໍລະກົດນີ້ວ່າ: ໃນໄລຍະ 3-4 ວັນຜ່ານມານີ້, ໄດ້ມີສະພາບຝົນຕົກໜັກ ເຮັດໃຫ້ນໍ້າຖ້ວມອັ່ງຖະໜົນຫົນທາງ, ໄຮ່ນາຮົ້ວສວນ ແລະ ໄຫລເຂົ້າຖ້ວມບ້ານເຮືອນປະຊາຊົນຢ່າງໜັກ ເຊັ່ນ: ຢູ່ເຂດບ້ານສົມສະໜຸກ, ເລົ່າໂພໄຊ, ເລົ່າໂພເງິນ, ນັນທະຄາມ, ນາໂບ, ຫ້ວຍນາງລີ້, ນາ ບົງ, ຫລັກສອງ, ສົມສະອາດ, ວຽງວິໄລ, ສຸກສະຫວັນ ເມືອງທ່າແຂກ, ສົ່ງຜົນເຮັດໃຫ້ລົດລາງພາຫະນະນ້ອຍ-ໃຫຍ່ໄປມາຫຍຸ້ງ ຍາກລໍາບາກ, ປະຊາຊົນໄດ້ຮັບຄວາມເດືອດຮ້ອນໃນການໄປມາຫາສູ່ກັນຕະຫລອດຮອດການ ດໍາລົງຊີວິດປະຈໍາວັນຍ້ອນຂາດ ນໍ້າສະອາດ ແລະ ມາຮອດປັດຈຸບັນນໍ້າຄ່ອຍໆບົກແຫ້ງລົງແດ່ແລ້ວ, ແຕ່ຝົນຍັງສືບຕໍ່ຕົກລົງມາຢ່າງບໍ່ຂາດສາຍ ແລະ ຕາມການ ລາຍງານຈາກປະຊາຊົນເຂດບ້ານປາກແບງ, ເມືອງຮຸນແຂວງອຸດົມໄຊ ໃຫ້ຮູ້ວ່າ: ໄດ້ມີສະພາບຝົນຕົກແຮງຕິດຕໍ່ກັນເຊິ່ງນັບແຕ່ ວັນທີ 14 ມາຮອດປັດຈຸບັນ, ຝົນກໍຍັງຕົກລົງມາບໍ່ຂາດສາຍ ຈຶ່ງເປັນເຫດເຮັດໃຫ້ມີນໍ້າຖ້ວມອັ່ງຖະໜົນຫົນທາງ ແລະ ເຮືອນຊານ ບ້ານຊ່ອງປະຊາຊົນເຂດດັ່ງກ່າວຢ່າງໜັກໜ່ວງ. ສວ່ນສະພາບການຢູ່ແຂວງສະຫວັນນະເຂດ ແມ່ນຢູ່ເຂດໃຈກາງຂອງນະຄອນ ໄກສອນ ພົມວິຫານ ກໍເກີດສະພາບນໍ້າຖ້ວມຢ່າງໜັກໜວ່ງ ຍ້ອນການລະບາຍນໍ້າບໍ່ທ່ວງທັນ ແລະ ຄາດວ່າສະພາບນໍ້າຖ້ວມ ອັ່ງດັ່ງກ່າວຄົງຈະບົກແຫ້ງລົງ ໃນໄວໆນີ້. ເຖິງຢ່າງໃດກໍຕາມ, ນອກຈາກສາມແຂວງທີ່ໄດ້ລາຍງານມານີ້ແລ້ວ, ອາດຈະມີແຂວງອື່ນໆ ອີກເກີດມີສະພາບນໍ້າຖ້ວມອັ່ງດັ່ງກ່າວ, ຖ້າຝົນຫາກຍັງສືບຕໍ່ຕົກ ລົງມາຢ່າງເນື່ອງນິດລຽນຕິດແບບນີ້, ເພາະສະນັ້ນ, ຈຶ່ງຂໍໃຫ້ແຕ່ລະທ້ອງຖິ່ນບໍ່ວ່າຢູ່ເຂດພາກເໜືອ, ກາງ ແລະ ພາກໃຕ້ ຈົ່ງພ້ອມກັນເອົາໃຈໃສ່ຢ່າໄດ້ປະໝາດໃນການເຝົ້າລະວັງ ແລະ ຕິດຕາມລະດັບນໍ້າຖ້ວມຄັ້ງນີ້ ເພື່ອຫາວິທີປ້ອງກັນ ແລະ ແກ້ໄຂໃຫ້ທັນເວລາ.

- Wave100S AD to Website 2020 0 - ຝົນ​ຕົກ​ຫນັກ​ເຮັດ​ໃຫ້​ຫລາຍ​ທ້ອງ​ຖິ່ນ​ເກີດ​ໄພ​ນ້ຳຖ້ວມ
- WhatsApp Image 2020 05 27 at 5 - ຝົນ​ຕົກ​ຫນັກ​ເຮັດ​ໃຫ້​ຫລາຍ​ທ້ອງ​ຖິ່ນ​ເກີດ​ໄພ​ນ້ຳຖ້ວມ
- WhatsApp Image 2020 05 27 at 5 - ຝົນ​ຕົກ​ຫນັກ​ເຮັດ​ໃຫ້​ຫລາຍ​ທ້ອງ​ຖິ່ນ​ເກີດ​ໄພ​ນ້ຳຖ້ວມ
error: Alert: ເນື້ອຫາຂ່າວມີລິຂະສິດ !!