ຜົນສຳ​ເລັດ​ການ​ທົບ​ທວນ​ລາຍ​ງານ​ດ້ານ​ສິດທິ​ມະ​ນຸດ​ຂອງ ສປປ ລາວ​ ທີ່​ເຊີ​ແນວ

- UN11120718 - ຜົນສຳ​ເລັດ​ການ​ທົບ​ທວນ​ລາຍ​ງານ​ດ້ານ​ສິດທິ​ມະ​ນຸດ​ຂອງ ສປປ ລາວ​ ທີ່​ເຊີ​ແນວ
- Untitled design - ຜົນສຳ​ເລັດ​ການ​ທົບ​ທວນ​ລາຍ​ງານ​ດ້ານ​ສິດທິ​ມະ​ນຸດ​ຂອງ ສປປ ລາວ​ ທີ່​ເຊີ​ແນວ

ໃນລະຫວ່າງວັນທີ 11-12 ກໍລະກົດ 2018 ຄະນະຜູ້ແທນ ສປປ ລາວ ນຳໂດຍ ທ່ານ ບຸນເກີດ ສັງສົມສັກ, ລັດຖະມົນຕີປະຈຳສຳນັກງານນາຍົກລັດຖະມົນຕີ, ປະທານຄະນະຊີ້ນຳລະດັບຊາດໃນການປະສານງານດ້ານສິດທິມະນຸດ ໄດ້ເຂົ້າຮ່ວມກອງປະຊຸມຄັ້ງທີ 123 ຂອງຄະນະກຳມະການສິດທິມະນຸດ ສປຊ (UN Human Rights Committee) ທີ່ນະຄອນເຊີແນວ, ປະເທດສະວິດ ເພື່ອທົບທວນບົດລາຍງານການຈັດຕັ້ງປະຕິບັດສົນທິສັນຍາວ່າດ້ວຍສິດທິທາງການເມືອງ ແລະ ສິດທິຂອງພົນລະເມືອງເປັນຄັ້ງທຳອິດນັບແຕ່ ສປປ ລາວເປັນພາຄີໃນປີ 2009. ການທົບທວນການຈັດຕັ້ງປະຕິບັດສົນທິສັນຍາດັ່ງກ່າວໄດ້ ຈັດຂຶ້ນພາຍໃຕ້ການເປັນປະທານຂອງ ທ່ານ ຢູວອນ ຊານີ (Yuval SHANY) ປະທານຄະນະກຳມະການສິດທິມະນຸດ, ມີບັນດາຊ່ຽວຊານທີ່ເປັນສະມາຊິກຂອງຄະນະກຳມະການສິດທິມະນຸດ, ຄະນະຜູ້ແທນຈາກ ສປປ ລາວ ແລະ ຜູ້ສົນໃຈຈຳນວນໜຶ່ງເຂົ້າຮ່ວມ. ໃນກອງປະຊຸມ ທ່ານ ບຸນເກີດສັງສົມສັກ, ຫົວໜ້າຄະນະຜູ້ແທນໄດ້ຍົກໃຫ້ເຫັນການ ເອົາໃຈໃສ່ຢ່າງຕໍ່ເນື່ອງຂອງ ສປປ ລາວ ໃນການຈັດຕັ້ງປະຕິບັດສົນ ທິສັນຍາວ່າດ້ວຍສິດທິທາງການ ເມືອງ ແລະ ສິດທິຂອງພົນລະ ເມືອງ (ICCPR), ການຄ້ຳປະ ກັນສິດທິມະນຸດ ແລະ ສິດທິຂອງ ພົນລະເມືອງລາວໃນລັດຖະທຳ ມະນູນ, ການຜັນຂະຫຍາຍພັນທະ ແລະ ຄຳໝັ້ນສັນຍາ ຂອງ ສປປ ລາວ ພາຍໃຕ້ສົນທິສັນຍາດ້ານ ສິດທິມະນຸດ ທີ່ ສປປ ລາວເປັນ ພາຄີເຂົ້າໃນກົດໝາຍ ແລະ ນິຕິ ກຳໃຕ້ກົດໝາຍ. ສະເພາະຢ່າງ ຍີ່ງ ທ່ານຍັງກ່າວວ່າຕະຫຼອດໄລ ຍະ 43 ປີຜ່ານມາ ສປປ ລາວ ໄດ້ມີຜົນສຳເລັດອັນໃຫຍ່ຫຼວງ ໃນການປະຕິບັດສອງໜ້າທີ່ຍຸດ ທະສາດຄືປົກປັກຮັກສາ ແລະ ພັດທະນາປະເທດຊາດ, ສປປ ລາວ ມີສະຖຽນລະພາບທາງ ດ້ານການເມືອງອັນໜັກແໜ້ນ, ເສດຖະກິດຂະຫຍາຍຕົວຢ່າງ ຕໍ່ເນື່ອງ, ປະຊາຊົນລາວດຳລົງ ຊີວິດໃນສັນຕິພາບ, ຄວາມເປັນ ເອກະລາດແຫ່ງຊາດ, ໄດ້ຮັບ ການປັບປຸງຊີວິດການເປັນຢູ່ທາງ ດ້ານວັດຖຸ ແລະ ຈິດໃຈດີຂຶ້ນຢ່າງ ຕໍ່ເນື່ອງ. ຫົວໜ້າຄະນະຜູ້ແທນ ລາວ ຍັງໄດ້ຍົກໃຫ້ເຫັນປະຫວັດ ສາດອັນຍາວນານທີ່ລະອິດລະ ອ້ຽວຂອງຊາດລາວຊຶ່ງໄດ້ຜ່ານ ຜ່າຄວາມຫຍຸ້ງຍາກນາໆປະ ການ, ເຄີຍຕົກຢູ່ພາຍໃຕ້ການ ຄອບຄອງ ແລະ ຫົວເມືອງຂຶ້ນ ຂອງຕ່າງຊາດ, ປະຊາຊົນລາວ ເວລານັ້ນຂາດສິດທິມະນຸດ ແລະ ເສລີພາບຂັ້ນພື້ນຖານ. ການ ສ້າງຕັ້ງ ສປປ ລາວ ໃນປີ 1975 ໄດ້ໄຂສັງກາດໃໝ່ໃຫ້ປະຊາຊົນ ລາວບັນດາເຜົ່າໄດ້ເປັນເຈົ້າຂອງ ປະເທດຊາດ, ເລືອກເອົາລະບອບ ການເມືອງທີ່ສອດຄ່ອງກັບຄວາມ ເປັນຈິງທາງດ້ານປະຫວັດສາດ, ວັດທະນະທຳ-ສັງຄົມຂອງຊາດ, ຕອບສະໜອງເຈດຈຳນົງ ແລະ ຄວາມມຸ່ງມາດປາຖະໜາຂອງ ປະຊາຊົນລາວບັນດາເຜົ່າບົນ ພື້ນຖານສິດໃນການຕັດສິນຊາ ຕາກຳຂອງຕົນໂດຍຕົນເອງ. ລັດຖະບານລາວດຳເນີນນະໂຍ ບາຍປັບປຸງບູລະນະລະບອບປະ ຊາທິປະໄຕປະຊາຊົນ, ສ້າງລັດ ແຫ່ງກົດໝາຍ, ສ້າງຄວາມເຂັ້ມ ແຂງໃຫ້ແກ່ອົງການຕຸລາການ ແລະ ການເຂົ້າເຖິງຂະບວນຍຸ ຕິທຳ. ມາຮອດປັດຈຸບັນ ສປປ ລາວໄດ້ຮັບຮອງເອົາກົດໝາຍ ຫຼາຍກວ່າ 120 ສະບັບ ແລະ ໃຫ້ ສັດຕະຍາບັນສົນທິສັນຍາດ້ານ ສິດທິມະນຸດຈຳນວນ 7 ສະບັບ ແລະ ອະນຸສັນຍາເພີ່ມເຕີມ 2 ສະບັບ ໃນຈຳນວນສົນທິສັນ ຍາຫຼັກດ້ານສິດທິມະນຸດທັງໝົດ 9 ສະບັບ ຂອງ ອົງການ ສປຊ. ກອງປະຊຸມທົບທວນບົດ ລາຍງານຂອງ ສປປ ລາວ ໃນ ຄັ້ງນີ້ ໄດ້ດຳເນີນໄປດ້ວຍຄວາມ ເປີດອົກເປີດໃຈ ແລະ ກົງໄປກົງ ມາ, ຄະນະຜູ້ແທນລາວໄດ້ຕອບຄຳຖາມ, ສະໜອງຂໍ້ມູນ ແລະ ໃຫ້ຄວາມກະຈ່າງແຈ້ງຕໍ່ຄຳ ຖາມເຈາະຈີ້ມຂອງຄະນະກຳມະ ການ ຊຶ່ງກ່ຽວຂ້ອງກັບບົດບັນຍັດຂອງສົນທິສັນຍາ ວ່າດ້ວຍ ສິດທິທາງການເມືອງ ແລະ ສິດ ທິຂອງພົນລະເມືອງ, ບົດລາຍ ງານສະບັບທຳອິດຂອງ ສປປ ລາວ ແລະ ຄຳຕອບຕໍ່ຄຳຖາມ ເຈາະຈີ້ມເປັນລາຍລັກອັກສອນ ທີ່ໄດ້ສົ່ງໃຫ້ຄະນະກຳມະການ ກ່ອນໜ້ານີ້, ໃນນັ້ນລວມມີການ ຜັນຂະຫຍາຍບົດບັນຍັດຂອງສົນທິສັນຍາເຂົ້າໃນກົດໝາຍພາຍໃນ, ການພົວພັນລະຫວ່າງ ສົນທິສັນ ຍາ ແລະ ກົດໝາຍພາຍໃນຂອງ ສປປ ລາວ ແລະ ບັນຫາອື່ນໆ ທີ່ກ່ຽວຂ້ອງກັບສົນທິສັນຍາ ດັ່ງກ່າວ. ຕໍ່ຄຳຖາມທີ່ຄະນະກຳມະ ການຍົກຂຶ້ນນັ້ນຄະນະຜູ້ແທນໄດ້ ເປັນເຈົ້າການຊີ້ແຈງອະທິບາຍ ຢ່າງຈະແຈ້ງ, ລະອຽດ, ຊັດເຈນ ໂດຍຍົກໃຫ້ເຫັນບົດບັນຍັດລັດຖະທຳມະນູນ, ບັນດາກົດໝາຍ ແລະ ນິຕິກຳທີ່ກ່ຽວຂ້ອງຂອງ ສປປ ລາວ, ນະໂຍບາຍ, ມາດຕະ ການ ແລະ ຄວາມພະຍາຍາມ ຂອງລັດຖະບານລາວໃນການປົກປ້ອງ ແລະ ສົ່ງເສີມສິດທິທາງ ດ້ານການເມືອງ ແລະ ສິດທິຂອງ ພົນລະເມືອງຢູ່ ສປປ ລາວ ອັນ ໄດ້ເຮັດໃຫ້ຄະນະກຳມະການສິດ ທິມະນຸດ ສປຊ ແລະ ຜູ້ມີຄວາມສົນໃຈອື່ນໆ ມີຄວາມຮັບຮູ້ ແລະ ເຂົ້າໃຈ ກ່ຽວກັບສະພາບຄວາມ ເປັນຈິງໃນການຈັດຕັ້ງປະຕິບັດ ສິດທິມະນຸດຢູ່ ສປປ ລາວ, ແນວ ທາງນະໂຍບາຍຂອງພັກ-ລັດແຫ່ງ ສປປ ລາວ, ຄວາມຖືກ ຕ້ອງເປັນທຳຂອງລະບອບການ ເມືອງ- ການປົກຄອງຂອງ ສປປ ລາວ ບົນພຶ້ນຖານລັດຖະທຳ ມະນູນ, ກົດບັດ ສປຊ ແລະ ກົດໝາຍສາກົນ. ກອງປະຊຸມທົບ ທວນດັ່ງກ່າວນີ້ ຍັງເປັນໂອກາດ ອັນດີໃຫ້ແກ່ຄະນະຜູ້ແທນ ສປປ ລາວ ໄດ້ແລກປ່ຽນບົດຮຽນ ແລະ ປະສົບປະການກັບຜູ້ຊ່ຽວຊານທີ່ ເປັນສະມາຊິກຂອງຄະນະກຳມະ ການອີກເພື່ອຈຸດປະສົງການຈັດ ຕັ້ງປະຕິບັດພັນທະສາກົນຂອງ ສປປ ລາວ ໄດ້ຮັບຜົນດີຂຶ້ນ ເລື້ອຍໆ

- Wave100S AD to Website 2020 0 - ຜົນສຳ​ເລັດ​ການ​ທົບ​ທວນ​ລາຍ​ງານ​ດ້ານ​ສິດທິ​ມະ​ນຸດ​ຂອງ ສປປ ລາວ​ ທີ່​ເຊີ​ແນວ
- WhatsApp Image 2020 05 27 at 5 - ຜົນສຳ​ເລັດ​ການ​ທົບ​ທວນ​ລາຍ​ງານ​ດ້ານ​ສິດທິ​ມະ​ນຸດ​ຂອງ ສປປ ລາວ​ ທີ່​ເຊີ​ແນວ
- WhatsApp Image 2020 05 27 at 5 - ຜົນສຳ​ເລັດ​ການ​ທົບ​ທວນ​ລາຍ​ງານ​ດ້ານ​ສິດທິ​ມະ​ນຸດ​ຂອງ ສປປ ລາວ​ ທີ່​ເຊີ​ແນວ
error: Alert: ເນື້ອຫາຂ່າວມີລິຂະສິດ !!