ປ່ອຍໃຫ້ຫລາຍໆ ຕາຍໃຫ້ໜ້ອຍໆ

- 37379713 1830758557013159 2201899122703728640 o - ປ່ອຍໃຫ້ຫລາຍໆ ຕາຍໃຫ້ໜ້ອຍໆ
- Untitled design - ປ່ອຍໃຫ້ຫລາຍໆ ຕາຍໃຫ້ໜ້ອຍໆ

ໂດຍ: ທິດກ່ຳ

ຕາມການຍືນຢັນຂອງ ລັດຖະມົນຕີ ກະຊວງກະສິກຳ ແລະ ປ່າໄມ້ ປີນີ້ທົ່ວປະ ເທດ ມີແຜນປ່ອຍປາໃຫ້ໄດ້ 45 ລ້ານໂຕ ເພາະວັນທີ13 ເດືອນ ກໍລະກົດນີ້ ເປັນວັນປ່ອຍປາ ແຫ່ງຊາດ ແລະ ວັນດັ່ງກ່າວ ຍັງເປັນວັນເກີດຂອງ ທ່ານ ປະທານ ສຸພານຸວົງ ຄົບຮອບ 109 ປີ.
ເທົ່າທີ່ ທິດກ່ຳ ໄດ້ຕິດ ຕາມໃນແຫລ່ງຂ່າວຄາວມາ ຮອດປັດຈຸບັນ, ເຫັນວ່າໄດ້ ມີຫລາຍທ້ອງຖິ່ນ ແລະ ຫລາຍ ກົມກອງມີການປ່ອຍປານາໆ ຊະນິດລົງສູ່ແຫລ່ງທຳມະ ຊາດ ຫ້ວຍໜອງຄອງບຶງ, ແມ່ນ້ຳລຳເຊ ຫລື ເຂດສະ ຫງວນ, ວັງສະຫງວນ ແລະ ໜອງສະຫງວນຂອງທ້ອງ ຖິ່ນໃນຫລາຍບ່ອນຫລາຍທີ່.

 

ເມືອງຈັນທະບູລີປ່ອຍປາ 15 ພັນໂຕ ຄືນສູ່ທຳມະຊາດ

ປີນີ້ທົ່ວປະເທດມີແຜນປ່ອຍປາໃຫ້ໄດ້ 45 ລ້ານໂຕ

ຄັນເວົ້າເລື່ອງການປ່ອຍປາລົງສູ່ແຫລ່ງທຳມະຊາດ ໃນແຕ່ລະປີນັ້ນ, ພວກເຮົາ ກໍເຄີຍປະຕິບັດກັນມາຫລາຍ ປີແລ້ວ ແລະ ກໍຂໍຊົມເຊີຍ ທີ່ ສຸດກັບແນວທາງຂອງພັກ- ລັດຖະບານກໍຄືແຜນການ ຂອງກົມກອງທ້ອງຖິ່ນເພາະມັນພົວພັນເຖິງການຜະລິດ ເຊິ່ງມັນກໍນອນຢູ່ໃນ 8 ມາດ ຕະການເພື່ອກະຕຸ້ນເສດຖະ ກິດຂອງລັດຖະບານວາງ ອອກໃນສະເພາະໜ້າ ແລະ ຍາວນານ.

ແຕ່ອັນສຳຄັນຕາມ ທິດ ກ່ຳວ່າ, ໃນເມື່ອປ່ອຍໄປແລ້ວ ຕ້ອງມີແຜນ ແລະ ມີມາດ ຕະການປົກປັກຮັກສາໃຫ້ເດັດຂາດ ແລະ ເຂັ້ມງວດປາຈຶ່ງ ບໍ່ຕາຍດັບຍ້ອນໄຟຟ້າຊ໊ອດ, ໃນແຜນການ ແລະ ມາດຕະ ການປົກປັກຮັກສານັ້ນ, ທາດ ແທ້ຂອງມັນກໍໝາຍເຖິງການສ້າງເຂດສະຫງວນ, ໜອງ ສະຫງວນ, ວັງສະຫງວນ ຫລື ເຂດອະນຸລັກໃຫ້ປາໄດ້ ອອກແມ່ແຜ່ລູກຂະຫຍາຍ ການ ເພາະພັນໃນແຕ່ລະປີໃຫ້ ກວ້າງຂວາງຫລວງຫລາຍ ແລະ ອຸດົມສົມບູນຕໍ່ໄປ ເລື້ອຍໆ.

- Wave100S AD to Website 2020 0 - ປ່ອຍໃຫ້ຫລາຍໆ ຕາຍໃຫ້ໜ້ອຍໆ

ສະພາບປັດຈຸບັນ, ເທົ່າທີ່ ທິດກ່ຳ ໄດ້ໄປເຫັນຕົວຈິງຢູ່ ຫລາຍທ້ອງຖິ່ນການຫາປາ ຂອງປະຊາຊົນສ່ວນຫລາຍ ແມ່ນຍັງແບບລາມພະລາມ ຈົວ, ຫາປາແບບຈິບຫາຍ ໂດຍບໍ່ມີຂໍ້ກຳນົດກົດເກນທັນ ໃຜທັນເຮັດ ລັກຊອກລັກຫາ ຈົນເຮັດໃຫ້ປາໃນແຫ່ງນ້ຳ ທຳມະຊາດໝົດໄປໃນຕົວສຸດທ້າຍ ກໍພາກັນອິດຫິວແລ້ວ ກໍມາຖິ້ມໂທດຈົ່ມວ່າໃສ່ເປັນ ຍ້ອນການນຳພາຂອງພັກ ຂອງລັດທີ່ບໍ່ຫົວຊາຕໍ່ຊີວິດ ການເປັນຢູ່ຂອງປະຊາຊົນບໍ່ ເບິ່ງບໍ່ແຍງ ວ່າຊັ້ນ. ຕາມ ເຮົາ ວ່າ, ເວົ້າເລື່ອງການປ່ອຍປາ ກໍຕ້ອງເວົ້າເລື່ອງການອະນຸ ຮັກຮັກສາໄປພ້ອມໆກັນ.

ນອກຈາກບັນຫາທີ່ກ່າວມານີ້ແລ້ວ, ບ່ອນໃດມີເງື່ອນ ໄຂຜະລິດປາຕ້ອງມີແຜນຊຸກຍູ້ສົ່ງເສີມໃຫ້ປະຊາຊົນລ້ຽງ ແລະ ຊ່ວຍໃຫ້ເຂົາເຈົ້າໄດ້ ເຂົ້າ ຫາແຫລງທຶນຢ່າງເໝາະສົມ ເພື່ອກະຕຸ້ນໃຫ້ເຂົາຫ້າວຫັນ ໃນການຜະລິດ, ຈັດຕັ້ງກຸ່ມ ການຜະລິດໃຫ້ກຸ້ມກິນກ້າວ ໄປເຖິງໄດ້ຂາຍເປັນສິນຄ້າ.

ເມື່ອຕັ້ງໂຈດກັນວ່າ ເພື່ອ ກ້າວໄປເຖິງຈຸດນີ້ ແລະ ມີຜົນ ສຳເລັດຕາມທີ່ກ່າວມາແມ່ນ ໃຜຈະເປັນຜູ້ເຮັດ? ຕາມທິດ ກ່ຳຄິດ ຜູ້ເຮັດກໍແມ່ນປະຊາ ຊົນ ຫລື ຄົນໃນທ້ອງຖິ່ນ ພາຍໃຕ້ແຜນການ, ໂຄງການ ຂອງທ້ອງຖິ່ນເຊັ່ນ: ອົງການ ບ້ານ, ຂັ້ນເມືອງ ແລະ ຂັ້ນ ແຂວງເປັນຜູ້ສ້າງຂຶ້ນ ແລະ ກຳນົດເປົ້າໝາຍ, ຂະແໜງ ການປູກຝັງລ້ຽງສັດ ຫລື ການປະມົງເປັນຜູ້ແນະນຳ- ນຳພາ ແລະ ໃກ້ສິດຕິດແທດ ທາງດ້ານວິຊາການທັງສ້າງ ເປັນຄອບຄົວຕົວແບບໃຫ້ໄດ້ ຫລາຍໆ, ພະນັກງານກໍ່ສ້າງ ຮາກຖານເປັນຜູ້ປຸກລະດົມ ຊຸກຍູ້ຂົນຂວາຍໂດຍອີງໃສ່ ແຜນພັດທະນາຊົນນະບົດ ແລະ ລຶບລ້າງຄວາມທຸກ ຍາກ, ຫລື ວຽກງານ 3 ສ້າງ ມາເປັນຫລັກ ຫລື ວ່າເປັນ ບ່ອນອີງ.

ສະພາບບ້ານເຮົາໃນປັດຈຸບັນ, ເວົ້າເຖິງການ ສົ່ງເສີມ ການລ້ຽງປາ ແລະ ຜະລິດປາ ເປັນສະບຽງອາຫານເພື່ອ ກຸ້ມຕົນເອງໃນທ້ອງຖິ່ນ ແລະ ຂາຍເປັນສິນຄ້ານັ້ນຍັງຂ້ອນຂ້າງຈຳກັດ ແລະ ບໍ່ທັນອຸດົມ ສົມບູນເທ່ືອ.

ນັບທັງການປົກປັກຮັກ ສາປາໃນແຫລ່ງທຳມະຊາດກໍຍັງເປັນຄືໂສ້ບໍ່ເຄັ່ງຈຶ່ງເຮັດ ໃຫ້ຝືນຕໍ່ຫລັກການຄຸ້ມຄອງ ສັດນ້ຳ-ສັດປ່າທີ່ວ່າ ປ່ອຍໃຫ້ ຫລາຍໆ ຕາຍໃຫ້ໜ້ອຍໆ ກາຍເປັນທິດສະດີພາກັນເວົ້າຫລາຍແຕ່ເຮັດໄດ້ໜ້ອຍ./.

- 37379713 1830758557013159 2201899122703728640 o - ປ່ອຍໃຫ້ຫລາຍໆ ຕາຍໃຫ້ໜ້ອຍໆ
(ພາບປະກອບ)
- WhatsApp Image 2020 05 27 at 5 - ປ່ອຍໃຫ້ຫລາຍໆ ຕາຍໃຫ້ໜ້ອຍໆ
- WhatsApp Image 2020 05 27 at 5 - ປ່ອຍໃຫ້ຫລາຍໆ ຕາຍໃຫ້ໜ້ອຍໆ
error: Alert: ເນື້ອຫາຂ່າວມີລິຂະສິດ !!