ໂຮງງານ​ຜະລິດ​​ເຫຍື່ອ​ເຈ້ຍສົ່ງ​ກິ່ນ​ເໝັນ ຍ້ອນລະບົບເຄື່ອງຈັກບໍ່ທັນສົມບູນແບບ

- Factory - ໂຮງງານ​ຜະລິດ​​ເຫຍື່ອ​ເຈ້ຍສົ່ງ​ກິ່ນ​ເໝັນ ຍ້ອນລະບົບເຄື່ອງຈັກບໍ່ທັນສົມບູນແບບ
- Untitled design - ໂຮງງານ​ຜະລິດ​​ເຫຍື່ອ​ເຈ້ຍສົ່ງ​ກິ່ນ​ເໝັນ ຍ້ອນລະບົບເຄື່ອງຈັກບໍ່ທັນສົມບູນແບບ

ແຫລ່ງຂ່າວ ຂປລ ໃຫ້ຮູ້ວ່າ: ອຳນາດການປົກຄອງເມືອງເຊໂປນແຂວງ ສະຫວັນນະເຂດ ແລະ ຂະແໜງການຕ່າງໆທີ່ກ່ຽວຂ້ອງໄດ້ພ້ອມກັນຄົ້ນຄວ້າ, ປຶກສາຫາລື ແລະ ຮ່ວມມືກັນແກ້ໄຂບັນຫາທີ່ໂຮງງານຜະລິດເຫຍື່ອເຈ້ຍຂອງບໍລິສັດ ຊັນເປເປີໂຮນດິງລາວ ຈຳກັດ ທີ່ເມືອງເຊໂປນ ໄດ້ສົ່ງກິ່ນເໝັນ ແລະ ຜົນກະທົບຕໍ່ສິ່ງແວດລ້ອມ..

ທ່ານ ວົງໄຊ ໄຊຍະຈັກ ເຈົ້າເມືອງເຊໂປນ ​ໄດ້ໃຫ້​ສຳພາດ​ຕໍ່ນັກຂ່າວສຳນັກຂ່າວສານປະເທດລາວ ໃນ​ໂອກາດໄປ​ຢ້ຽມຢາມ​ໂຮງງານດັ່ງກ່າວ​ໃນ​ວັນ​ທີ 14 ກໍລະ​ກົດຜ່ານມານີ້ວ່າ: ຕໍ່ກັບບັນຫາດັ່ງກ່າວ, ທາງອຳນາດການປົກຄອງເມືອງເຊໂປນບໍ່ໄດ້ປະລະ, ​ເມີນ​ເສີຍ ​ໂດຍ​ໄດ້​ປະສານ​ສົມທົບ​ກັບ​ຂະ​ແໜງ​ການ​ທີ່​ກ່ຽວຂ້ອງ​ຂັ້ນ​ແຂວງ, ຂັ້ນ​ສູນ​ກາງ ​ແລະ ເຈົ້າຂອງໂຮງງານ​​ເພື່ອ​ຫາ​ທາງ​ອອກໃນ​ການແກ້​ໄຂ​ກິ່ນ​​ເໝັນ​ໃຫ້​ໝົດ​ໄປ ແລະ ​ໄດ້​ເຮັດ​ບົດ​ບັນທຶກ​ກັບ​ບໍລິສັດເພື່ອ​ລົງມືແກ້​ໄຂ, ພ້ອມ​ທັງ​ໄດ້​ແຈ້ງ​ມາ​ຍັງ​ອຳນາດ​ການ​ປົກຄອງ ແລະ ຊາວບ້ານ​ທີ່​ໄດ້​ຮັບ​ຜົນ​ກະທົບ​ໃຫ້​ຮູ້.​

ທ່ານ ​ເສີນ​ເວິນຈຸ້ນ ຜູ້ອຳ​ນວຍ​ການບໍລິສັດ ຊັນ​ເປ​ເປີໂຮນດິງລາວ ຈຳກັດ ກໍ​ໄດ້​ຊີ້​ແຈງ​ວ່າ: ສາ​ເຫດ​ທີ່​ໂຮງງານ​ໄດ້​ສົ່ງ​ກິ່ນ​ເໝັນດັ່ງກ່າວ​ແມ່ນ​ເນື່ອງ​ຈາກລະບົບທຳ​ງານ​ຂອງ​ເຄື່ອງ​ຈັກຍັງ​ບໍ່​ທັນ​ສົມບູນ​ແບບ 100%, ເພາະວ່າ​ຢູ່​ໃນ​ໄລຍະ​ທົດ​ລອງ​ການ​ຜະ​ລິດ. ປັດຈຸບັນ​, ພວກ​ເຮົາກຳລັງເລັ່ງປັບປຸງ​ແກ້​ໄຂ ​ເພື່ອ​​ເຮັດ​ໃຫ້​ບັນຫາ​ກິ່ນ​ເໝັນ​ໝົດ​ໄປໂດຍໄວ ​ເພື່ອ​ບໍ່​ໃຫ້​ມີ​ຜົນ​ກະທົບ​ຕໍ່​ການ​ດຳລົງ​ຊີວິດ​ຂອງ​ປະຊາຊົນ, ຕໍ່​ສິ່ງ​ແວດ​ລ້ອມ ​ແລະ ຕໍ່​ລະບົບ​ນິ​ເວດທາງ​ທຳ​ມະ​ຊາດ.

- Wave100S AD to Website 2020 0 - ໂຮງງານ​ຜະລິດ​​ເຫຍື່ອ​ເຈ້ຍສົ່ງ​ກິ່ນ​ເໝັນ ຍ້ອນລະບົບເຄື່ອງຈັກບໍ່ທັນສົມບູນແບບ

ໂຮງງານ​ຜະລິດ​ເຫຍື່ອ​ເຈ້ຍດັ່ງກ່າວ, ຕັ້ງ​ຢູ່​ບ້ານ ມັນ​ຈີ ​ເມືອງ​ເຊ​ໂປ​ນ ​ແຂວງສະຫວັນ​ນະ​ເຂດ ​ໃນ​ເນື້ອ​ທີ່ 180 ​ເຮັກຕາ, ​ໂດຍ​ມີ​ກຳລັງ​ການ​ຜະລິດທັງ​ໝົດ 300.000 ​ໂຕນ​ຕໍ່ປີ.

- WhatsApp Image 2020 05 27 at 5 - ໂຮງງານ​ຜະລິດ​​ເຫຍື່ອ​ເຈ້ຍສົ່ງ​ກິ່ນ​ເໝັນ ຍ້ອນລະບົບເຄື່ອງຈັກບໍ່ທັນສົມບູນແບບ
- WhatsApp Image 2020 05 27 at 5 - ໂຮງງານ​ຜະລິດ​​ເຫຍື່ອ​ເຈ້ຍສົ່ງ​ກິ່ນ​ເໝັນ ຍ້ອນລະບົບເຄື່ອງຈັກບໍ່ທັນສົມບູນແບບ
error: Alert: ເນື້ອຫາຂ່າວມີລິຂະສິດ !!