ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້

- 1493710057316 960x0 - ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້
- Untitled design - ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້

- 1493710057316 960x0 300x169 - ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້     ວໍ​ຊິງ​ຕັນ 2 ພຶດສະພາ: ກອງທັບ​ອາ​ເມ​ລິ​ກາ​ຕັ້ງ​ເປົ້າກຳຈັດ​ກຸ່ມ​ລັດ​ອິສລາມ (IS) ຢູ່​ອັບ​ກາ​ນິດ​ສະຖານ​ໃຫ້​ໄດ້​ພາຍ​ໃນ​ປີ​ນີ້ ກ່ອນ​ສະມາຊິກ IS ທີ່​ພວມ​ຖືກ​ກົດ​ດັນ​ຢ່າງ​ໜັກ​ຢູ່​ອີຣັກ ​ແລະ ຊີຣີຈະ​ມາ​ສົມທົບ.

​ໂຄສົກ​ກອງ​ກຳລັງ​ອາ​ເມ​ລິ​ກາ​ຢູ່​ອັບ​ກາ​ນິດ​ສະຖານ​ກ່າວ​ວ່າ: ກຸ່ມ​ລັດ​ອິສລາມ-​ໂກຣາຊານ ຫລື ​ໄອ​ຊິ​ສ-​ເຄ ທີ່ສ້າງຕັ້ງຂຶ້ນ​ໃນ​ປີ 2015 ​ແລະ ມີ​ຖານ​ທີ່​ໝັ້ນຢູ່​ທາງ​ຕາ​ເວັນ​ອອກ​ຂອງ​ອັບ​ກາ​ນິດ​ສະຖານ​ໃກ້​ຊາຍ​ແດນ​ປາ​ກິດ​ສະຖານ​ເຄີຍ​ມີ​ກຳລັງ​ຄົນ​ສູງ​ສຸດ 2.500-3.000 ຄົນ, ​ແຕ່​​ເສຍ​ໄຊ​ໃນ​ການ​ຮົບ​ຈົນ​ເຫລືອ​ບໍ່​ເກີນ 800 ຄົນ ຈຶ່ງ​ເປັນ​ໂອກາດ​ອັນ​ດີ​ທີ່​ຈະ​ກຳຈັດ​ກຸ່ມ​ນີ້​ໃຫ້​ໄດ້​ພາຍ​ໃນ​ປີ​ນີ້. ຊາວ​ອາ​ເມ​ລິ​ກາ​ສ່ວນ​ຫລາຍ​ຫາ​ກໍ​ຮູ້ຈັກ​ກຸ່ມ​ນີ້ ​ເມື່ອ​ອາ​ເມ​ລິ​ກາ​ຖິ້ມລະ​ເບີດ​ຂະໜາດ​ໃຫຍ່​ທີ່​ເອີ້ນ​ວ່າ​ມານ​ດາ​ແຫ່ງ​ລະ​ເບີດ​ທັງ​ໝົດ​ຖະຫລົ່ມ​ຖານ​ທີ່​ມັ້ນຢູ່​ແຂວງນັນ​ກາ​ຮາ​ໃນ​ເດືອນ​ກ່ອນ.

​ເຖິງ​ຢ່າງ​ໃດ​ກໍ​ດີ, ນັກວິຊາການ​ຫລາຍ​ຄົນ​ໃຫ້​ເຫດຜົນ​ວ່າ: ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ຄາດ​ຄະ​ເນ​ໃນ​ແງ່​ດີ​ເກີນ​ໄປ ​ເພາະ​ເຖິງ​ວ່າ​ຈະ​ກຳຈັດ IS ຢູ່​ອັບ​ກາ​ນິດ​ສະຖານ​ໄດ້, ​ແຕ່​ສະມາຊິກ IS ທີ່​ພວມ​ຖືກ​ກວາດ​ລ້າງ​ຢູ່​ອີຣັກ ​ແລະ ຊີຣີອາດ​ຫລັ່ງ​ໄຫລ​ເຂົ້າມາ​ແທນ. ນອກຈາກ​ນີ້ ຍັງ​ມີ​ກຸ່ມ​ຕາ​ລີ​ບັນ ​ແລະ ອານ​ໄກ​ດາ​ເປັນ​ໄພ​ຄຸກ​ຄາມ​ຄວາມ​ໝັ້ນຄົງ​ອັບ​ກາ​ນິດ​ສະຖານ​ຢູ່. ປັດຈຸບັນ ອາ​ເມ​ລິ​ກາ​ມີ​ກອງ​ກຳລັງ​ຢູ່​ອັບ​ກາ​ນິດ​ສະຖານ 8.400 ຄົນ ສ່ວນ​ຫລາຍ​ຮ່ວມ​ຢູ່​ໃນ​ພາລະກິດ​ອົງການ​ສົນທິສັນຍາ​ອັດ​ລັງ​ຕິກ​ເໜືອ (ນາ​ໂຕ) ​​ເຮັດ​ໜ້າ​ທີ່​ອົບຮົມ ​ແລະ ​ໃຫ້​ຄຳ​ແນະນຳ​ກອງ​ກຳລັງ​ອັບ​ກາ​ນິດ​ສະຖານ.

- Wave100S AD to Website 2020 0 - ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້
- WhatsApp Image 2020 05 27 at 5 - ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້
- WhatsApp Image 2020 05 27 at 5 - ອາເມລິກາຕັ້ງເປົ້າກຳຈັດ IS ຢູ່ອັບການິດສະຖານໃຫ້ໄດ້ໃນປີນີ້
error: Alert: ເນື້ອຫາຂ່າວມີລິຂະສິດ !!