ອີຢູ-ຍີ່ປຸ່ນ ລົງນາມຂໍ້ຕົກລົງການຄ້າເສລີ

- news ZjFsSPNDlN073109 533 - ອີຢູ-ຍີ່ປຸ່ນ ລົງນາມຂໍ້ຕົກລົງການຄ້າເສລີ
- Untitled design - ອີຢູ-ຍີ່ປຸ່ນ ລົງນາມຂໍ້ຕົກລົງການຄ້າເສລີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ທ່ານ ​ໂດ​ນັລ ທັສ ປະທານ​ຄະນະ​ມົນຕີ​ເອີຣົບ, ທ່ານ ມອງ ​ໂຄລດ ຍຸງ​ເກີ ປະທານ​ຄະນະ​ກຳມາ​ທິການ​ເອີຣົບ (EC) ​ແລະ ນາຍົກລັດຖະມົນຕີ ຊິນ​ໂຊ ອາ​ເບະ ລົງ​ນາມ​ຮ່ວມ​ກັນ​ໃນ​ເອກະສານ​ວ່າ​ດ້ວຍ​ຂອບ​ຂໍ​້ຕົກລົງ​ການ​ຄ້າ​ເສລີ​ລະຫວ່າງ​ ສະຫະພາບ​ເອີຣົບ (EU) ກັບ​ຍີ່ປຸ່ນ ​ໂດຍ​ພິທີ​ລົງ​ນາມ​ມີ​ຂຶ້ນທີ່​ທຳນຽບນາຍົກລັດຖະມົນຕີ ​ໃນ​ນະຄອນຫລວງ​ໂຕ​ກຽວ ​ວັນ​ທີ 17 ກໍລະກົດ ​ແລະ ຈາກ​ນັ້ນລັດຖະສະພາ​ຂອງ​ທັງ​ສອງ​ຝ່າຍ​ຕ້ອງ​ຮ່ວມ​​ໃຫ້​ສັດຕະຍາບັນ ​ເພື່ອ​ໃຫ້​ຂໍ້​ຕົກລົງ​ມີ​ຜົນ​ບັງຄັບ​ໃຊ້​ໃນ​ປີໜ້າ.

EU-Japan Free Trade: leaders seal the deal in Tokyo

EURONEWS NOW | The EU and Japan have signed a widespread trade deal that will eliminate nearly all tariffs. Both sides are heralding the deal, which covers a third of the global economy and more than 600 million people.Bryan Carter has more.euronews.com/live

Euronews Englishさんの投稿 2018年7月17日火曜日

- Wave100S AD to Website 2020 0 - ອີຢູ-ຍີ່ປຸ່ນ ລົງນາມຂໍ້ຕົກລົງການຄ້າເສລີ

​ເນື້ອ​ໃນ​ສຳຄັນ​ຂອງ FTA ສະບັບ​ດັ່ງກ່າວ ລວມ​ເຖິງ​ການ​ທີ່ EU ຈະ​ຍົກ​ເລີກ​ກຳ​ແພງ​ພາສີ 10% ສຳລັບ​ລົດຍົນ​ປະກອບ​ສຳ​ເລັດ​ໝົດ​ຄັນ​ຈາກ​ຍີ່ປຸ່ນ ພາຍ​ໃນ​ອີກ 8 ປີ​ຕໍ່ໜ້າ ​ແລະ ການ​ຍົກ​ເລີກ​ກຳ​ແພງ​ພາສີ 3% ສຳລັບ​ຊິ້ນສ່ວນ​ລົດຍົນ​ນຳ​ເຂົ້າຈາກ​ຍີ່ປຸ່ນ ​ເຊິ່ງຈະ​ມີ​ຜົນ​ທັນທີ. ນອກຈາກ​ນີ້ EU ຍັງ​ກຽມ​ຫລຸດ​ພາສີ​ສິນຄ້າ​ນຳ​ເຂົ້າຈາ​ກຍີ່ປຸ່ນ “​ເກືອບ​ທັງ​ໝົດ” ​ເຊິ່ງຈະ​ທະຍອຍ​ດຳ​ເນີນ​ການ​ຕໍ່​ໄປ.

ຂະນະ​ທີ່​ຍີ່ປຸ່ນ​ຫລຸດ​ພາສີ​ນຳ​ເຂົ້າ​ເນີຍ​ແຂງ​ຫລາຍ​ຊະນິດ​ຈາກ​ເອີຣົບ ​ໃຫ້​ເຫລືອ 0% ຈາກ​ປັດຈຸບັນ​ສູງ​​ເຖິງ 30% ພາຍ​ໃນ​ໄລຍະ​ເວລາ 15 ປີ ​ແລະ ລັດຖະບານ​​ໂຕ​ກຽວ​ຍອມຮັບ​ກົດໝາຍ​ຄຸ້ມ​ຄອງ​ຜະລິດ​ຕະພັນ​ການ​ຄ້າ​ຂອງ EU ​ໂດຍ​ສະ​ເພາະ​ສິນຄ້າ​ທີ່​ມີ “​ເຄື່ອງໝາຍ​ບົ່ງ​ບອກ​ທາງ​ພູມ​ສາດ​” (Geographical Indication) ຫລື “ຈີ​ໄອ” (GI) ​ເຊັ່ນ: ປາມາ​ແຮມ, ​ວາຍ​ບອກ​ໂດ ຫລື ວອດ​ກ້າ​ໂປ​​ໂລ​ຍ, ​ແຕ່​ສະ​ກອດ​ວິສກີ້​ອາດ​ບໍ່​ທັນ​ໄດ້​ຮັບ​ຜົນ​ປະ​ໂຫຍ​ດນີ້ ​ເນື່ອງ​ຈາກ​ສະຫະ​ຣາຊະ​ອານາຈັກ​ຈະ​ອອກ​ຈາກ​ການ​ເປັນ​ສະມາຊິກ EU ພາຍ​ໃນ​ປີ 2019.

ສຳລັບ FTA ອີ​ຢູ-ຍີ່ປຸ່ນ ຖື​ເປັນ​ການຈັດຕັ້ງຕະຫລາດ​ການ​ຄ້າ​ເສລີ​ຂະໜາດ​ໃຫຍ່​ທີ່​ສຸດ​ໃນ​ໂລກ ​ໃນ​ອັດຕາ​ສ່ວນ​ລວມຍອດ​ຜະລິດ​ຕະພັນ​ພາຍ​ໃນ (GDP) ທີ່​ຄິດ​ເປັນ 1 ​ໃນ 3 ຂອງ GDP ທົ່ວ​ໂລກ ​ໂດຍ​ຍີ່ປຸ່ນ​ເປັນ​ປະ​ເທດ​ທີ່​ມີ​ຂະໜາດ​ເສດຖະກິດ​ໃຫຍ່​ເປັນອັນ​ດັບ 3 ຂອງ​ໂລກ ​ແລະ ມີ​ມູນ​ຄ່າ GDP ຫລາຍ​ກວ່າ​ເຢຍລະ​ມັນ​ເຖິງ 30%. ຂະນະ​ທີ່ EU ຖື​ເປັນ​ຕະຫລາດ​ດຽວ​ຂະໜາດ​ໃຫຍ່​ທີ່​ສຸດ​ຂອງ​ໂລກ ​ຈາກ​ຈຳນວນ​ສະມາຊິກ​ໃນ​ປັດຈຸບັນ 28 ປະ​ເທດ ​ແລະ ມີ​ປະຊາຊົນ​ລວມກັນ​ຫລາຍ​ກວ່າ 500 ລ້ານ​ຄົນ. ​ເຖິງ​ຢ່າງ​ໃດ​ກໍ​ຕາມ, ຍີ່ປຸ່ນ​ຢູ່​ໃນ​ອັນ​ດັບ 6 ຂອງ​ການ​ເປັນ​ຕະຫລາດ​ສົ່ງ​ອອກ​ສິນຄ້າ​ຈາກ EU ຕາມ​ຫລັງ​ອາ​ເມ​ລິ​ກາ, ຈີນ ​ແລະ ສະ​ວິດ.

- WhatsApp Image 2020 05 27 at 5 - ອີຢູ-ຍີ່ປຸ່ນ ລົງນາມຂໍ້ຕົກລົງການຄ້າເສລີ
- WhatsApp Image 2020 05 27 at 5 - ອີຢູ-ຍີ່ປຸ່ນ ລົງນາມຂໍ້ຕົກລົງການຄ້າເສລີ
error: Alert: ເນື້ອຫາຂ່າວມີລິຂະສິດ !!