ນັກມວຍລາວ ເດີນທາງໄປຝຶກຊ້ອມທີ່ປະເທດໄທ

- 37388359 833921633485078 3528850228243333120 n - ນັກມວຍລາວ ເດີນທາງໄປຝຶກຊ້ອມທີ່ປະເທດໄທ
- Untitled design - ນັກມວຍລາວ ເດີນທາງໄປຝຶກຊ້ອມທີ່ປະເທດໄທ

ໃນວັນທີ 16 ກໍລະກົດ ນັກກິລາມວຍສາກົນທີມຊາດລາວຈໍານວນ 9 ຄົນ ໄດ້ອອກເດີນທາງເຂົ້າສູນຝຶກຊ້ອມທີ່ປະເທດໄທ ເຊິ່ງໃນນັ້ນລວມມີຄູຝຶກ 3 ຄົນ ແລະ ນັກກິລາ 6 ຄົນ ຍິງ 1  ຄົນ ໂດຍຈະຝຶກຊ້ອມລະຫວ່າງວັນທີ 16 ກໍລະກົດ ຫາ 10 ສິງຫາ 2018 ເພື່ອກຽມຄວາມພ້ອມເຂົ້າຮ່ວມງານມະຫາກໍາກິລາເອຊຽນ ເກມ ຄັ້ງທີ 18 ທີ່ປະເທດອິນໂດເນເຊຍ ຈັດຂຶ້ນທ້າຍເດືອນສິງຫານີ້.

ທ່ານ ສົມພອນ ມະນີຄຳ ເລຂາສະຫະພັນກິລາມວຍແຫ່ງຊາດລາວ ໃຫ້ສຳພາດວ່າ: ກ່ອນຈະເຂົ້າຮ່ວມການແຂ່ງຂັນງານມະຫາກຳກິລາເອຊຽນເກມ ຄັ້ງທີ 18 ທີ່ປະເທດອິນໂດເນເຊຍ ທີ່ຈະຈັດຂຶ້ນລະຫວ່າງວັນທີ 18 ສິງຫາ ຫາ 2 ກັນຍານີ້.  ດັ່ງນັ້ນ, ສະຫະພັນມວຍສາກົນແຫ່ງຊາດລາວ ໄດ້ວາງແຜນການຢ່າງຮອບດ້ານ ໂດຍໄດ້ເຊີນເອົາຄູເຝິກຈາກປະເທດຣັດເຊຍ ມານຳພານັກກິລາມວຍສາກົນທີມຊາດລາວເກັບຕົວຝຶກຊ້ອມເກືອບ 2 ເດືອນ ແລະ ໄດ້ສົ່ງນັກກິລາມວຍສາກົນທີມຊາດລາວ 3 ຄົນ 3 ຮຸ່ນ (ຊາຍໝົດ) ເຂົ້າຮ່ວມການແຂ່ງຂັນມວຍສາກົນສະໝັກຫລິ້ນ ທັງພາຍໃນ ແລະ ຕ່າງປະເທດ.

ສຳລັບນັກກິລາທີ່ເດີນທາງເຂົ້າຮ່ວມເກັບຕົວຝຶກຊ້ອມໃນຊຸດນີ້ ຄູເຝິກປະກອບມີທ່ານ ສຸກສະຫວັນ ແສງທະວີສຸກ, ທ່ານ ວັນໂຕ້ ວິໄລພອນ ແລະ ທ່ານ ດີມາ ມາໂຣຊົກ ຄູເຝິກປະເທດຣັດເຊຍ, ສ່ວນນັກກິລາປະກອບມີ: ທ້າວ ຄໍາພູວັນ ຄໍາສະທອນ, ທ້າວ ວຽງໄຊ ອັກຄະສິດ, ທ້າວ ນັນທະວົງ ສິມພະວົງ, ທ້າວ ສາຄອນ ລາຊະວົງສີ, ທ້າວ ຈັນສະໝອນ ວິໄລສັກ ແລະ ນາງ ມະຍຸລີ ຈັນທິລາດ.

- Wave100S AD to Website 2020 0 - ນັກມວຍລາວ ເດີນທາງໄປຝຶກຊ້ອມທີ່ປະເທດໄທ
- WhatsApp Image 2020 05 27 at 5 - ນັກມວຍລາວ ເດີນທາງໄປຝຶກຊ້ອມທີ່ປະເທດໄທ
- WhatsApp Image 2020 05 27 at 5 - ນັກມວຍລາວ ເດີນທາງໄປຝຶກຊ້ອມທີ່ປະເທດໄທ
error: Alert: ເນື້ອຫາຂ່າວມີລິຂະສິດ !!