ໄມ້ນາຍທຶນໄດ້, ໄພທຳມະຊາດປະຊາຊົນຮັບ

- Deforetationlaos400x300 - ໄມ້ນາຍທຶນໄດ້, ໄພທຳມະຊາດປະຊາຊົນຮັບ
- Untitled design - ໄມ້ນາຍທຶນໄດ້, ໄພທຳມະຊາດປະຊາຊົນຮັບ

ໂດຍ: ທ່ຽງທຳ 

ສະບາຍດີ, ເພື່ອນຜູ້ອ່ານ ທີ່ຮັກແພງທັງຫລາຍ, ກໍນັບ ວ່າເປັນໜ້າເສຍດາຍ, ເມື່ອ ກ່ອນປະເທດເຮົາໄດ້ຂຶ້ນຊື່ ລືນາມວ່າ ເປັນປະເທດທີ່ມີ ຄວາມອຸດົມສົມບູນທາງທຳ ມະຊາດພູຜາປ່າໄມ້ດົກໜາ, ມີຊີວະນາໆພັນຢ່າງຫລວງ ຫລາຍ.
ປະຊາຊົນອາໄສຢູ່ກັບທຳ ມະຊາດໄດ້ຢ່າງກົມກືນ ແລະ ມີຊີວິດຊີວາ, ບໍ່ເຄີຍໄດ້ຍິນວ່າ ໄພນ້ຳຖ້ວມ ຫລື ເກີດໄພແຫ້ງ ແລ້ງແຕ່່ຢ່າງໃດ, ສະພາບດິນ ຟ້າອາກາດຢູ່ໃນເກນປົກກະ ຕິຕະຫລອດມາ, ແຕ່ມາຮອດ ໄລຍະໜຶ່ງເນື່ອງຈາກພວກ ເຮົາບໍ່ສາມາດຄຸ້ມຄອງຮັກສາ ສິ່ງອຸດົມສົມບູນດັ່ງກ່າວໄວ້ໄດ້ ໂດຍສະເພາະປ່າໄມ້ນັບມືຖືກ ທຳລາຍຈາກເງື່ອມມືມະນຸດ ເຮົາດ້ວຍການຖາງປ່າເຮັດໄຮ່ ຢ່າງບໍ່ມີກຳນົດ ແລະ ການ ຂຸດຄົ້ນໄມ້ເພື່ອແຫລ່ງລາຍຮັບ ຂອງໃຜຜູ້ໜຶ່ງຢ່າງບໍ່ມີຂອບ ເຂດ, ຕົ້ນໄມ້ຂະໜາດໃຫຍ່ທີ່ ມີອາຍຸຫລາຍຮ້ອຍປີຖືກຕັດ ລົງມາຢ່າງນັບບໍ່ຖ້ວນ, ຈົນ ຫລາຍໜ່ວຍພູໄດ້ກາຍເປັນ ປ່າເລົ່າ ແລະ ພູປອກໂລ້ນ ຈົນ ຈະຫາບ່ອນລີ້ຊ້ອນຂອງສັດ ສາວາສິ່ງຕ່າງໆ ກໍບໍ່ມີ.

ສະພາບດິນຟ້າອາກາດ ນັບມື້ມີການປ່ຽນແປງ, ໄພ ທຳມະຊາດໄດ້ກັບມາຮຸກ ຮານ ການດຳລົງຊີວິດຢ່າງມີ ຄວາມສຸກຂອງປະຊາຊົນ ເຮົາ, ໄພແຫ້ງແລ້ງໄດ້ເກີດມີ ຂຶ້ນຫ້ວຍຮ່ອງຄອງບຶງອັນມີ ຄວາມອຸດົມສົມບູນໃນເມື່ອ ກ່ອນໄດ້ບົກແຫ້ງລົງ, ການຜະລິດພົບຄວາມຫຍຸ້ງຍາກ, ໄຮ່ ນາທີ່ເຄີຍໃຫ້ໝາກໃຫ້ຜົນໃນ ເມື່ອກ່ອນໄດ້ກາຍເປັນທົ່ງນາ ເຮື້ອເນື່ອງຈາກໄພທຳມະຊາດ ຝົນຕົກບໍ່ສະໝ່ຳສະເໝີ ແລະ ຮ້າຍແຮງໄປກວ່ານັ້ນກໍເກີດ ມີສະພາບນ້ຳຖ້ວມ, ນ້ຳຊຸ, ດິນເຈື່ອນຖົມເອົາຊີວິດຂອງ ຄົນເຮົາໄປຫລາຍລາຍ, ສະພາບອາກາດ ຮ້ອນແຮງຂຶ້ນ ສົ່ງຜົນໃຫ້ການປູກຝັງບໍ່ໄດ້ ຮັບຜົນຊີວິດຂອງປະຊາຊົນ ຕົກທຸກໄດ້ຍາກ, ເຊິ່ງທັງໝົດນີ້ກໍເນື່ອງມາຈາກການ ທຳລາຍປ່າໄມ້່ຢາງຮ້າຍ ແຮງ ຂອງປະເທດເຮົາ ແລະ ກໍນັບ ວ່າໂຊກດີ, ເມື່ອລັດຖະບານ ຊຸດນີ້ຂຶ້ນມາບໍລິຫານບ້ານ ເມືອງ ເພິ່ນຈິ່ງມອງເຫັນ ແລະ ມີມາດຕະການເຂັ້ມງວດໃນ ການຈຳກັດການຕັດໄມ້ທຳ ລາຍປ່າ, ດັ່ງຄຳສັ່ງເລກທີ 15/ນຍ ຂອງ ທ່ານ ນາຍົກລັດ ຖະມົນຕີ, ໄດ້ປະກາດນຳໃຊ້, ຈິ່ງເຮັດໃຫ້ຂະບວນການລັກລອບຕັດໄມ້ທຳລາຍປ່າຫລຸດ ໜ້ອຍຖອຍລົງ, ຂະບວນການ ປູກໄມ້ໄດ້ຄອຍໆ ມີປະສິດ ທິຜົນສູງຂຶ້ນ, ແຕ່ເຖິງຢ່າງ ໃດປະເທດເຮົາກໍຈະຕ້ອງໃຊ້ ເວລາຍາວນານບັນດາປ່າໄມ້ ເລົ່ານັ້ນ ຈິ່ງຈະ ຄອຍໆ ຟື້ນຟູຂຶ້ນມາທົດແທນໄດ້, ດັ່ງຄາດໝາຍທີ່ລັດຖະບານເຮົາວາງໄວ້ຮອດປີ 2020 ໃຫ້ປ່າໄມ້ກວມເນື້ອທີ່ທົ່ວປະເທດ 70%, ນີ້ຈະເປັນບາດລ້ຽວ ສຳຄັນ ເພື່ອພວກເຮົາຈະສາມາດຄືນຄວາມອຸດົມສົມບູນ ໃຫ້ທຳມະຊາດ, ພູຜາປ່າໄມ້ ປະເທດເຮົາ ອີກຄັ້ງໜຶ່ງ ແລະ ຮອດເວລານັ້ນໄພທຳມະຊາດ ກໍຈະບໍ່ມາ ຂົ່ມຂູ່ຊີວິດການ ເປັນຢູ່ຂອງປະຊາຊົນເຮົາ ອີກແລ້ວ./.

- Wave100S AD to Website 2020 0 - ໄມ້ນາຍທຶນໄດ້, ໄພທຳມະຊາດປະຊາຊົນຮັບ

ເມືອງມະຫາໄຊທຳລາຍຈັກຕັດໄມ້ບໍ່ໄດ້ຮັບອະນຸຍາດ 1.376 ເຄື່ອງ

ການລັກລອບຕັດໄມ້ຍັງມີຢູ່

- Deforetationlaos400x300 - ໄມ້ນາຍທຶນໄດ້, ໄພທຳມະຊາດປະຊາຊົນຮັບ
(ພາບປະກອບ)
- WhatsApp Image 2020 05 27 at 5 - ໄມ້ນາຍທຶນໄດ້, ໄພທຳມະຊາດປະຊາຊົນຮັບ
- WhatsApp Image 2020 05 27 at 5 - ໄມ້ນາຍທຶນໄດ້, ໄພທຳມະຊາດປະຊາຊົນຮັບ
error: Alert: ເນື້ອຫາຂ່າວມີລິຂະສິດ !!