​ເຈົ້າໜ້າທີ່​ຍັງ​ສືບຕໍ່​ຕິດຕາມ​ຜູ້​ໂຕນໜີຄ້າຍ​ຄຸມ​ຂັງ

- Untitled 2 copy 2 - ​ເຈົ້າໜ້າທີ່​ຍັງ​ສືບຕໍ່​ຕິດຕາມ​ຜູ້​ໂຕນໜີຄ້າຍ​ຄຸມ​ຂັງ
- Untitled design - ​ເຈົ້າໜ້າທີ່​ຍັງ​ສືບຕໍ່​ຕິດຕາມ​ຜູ້​ໂຕນໜີຄ້າຍ​ຄຸມ​ຂັງ

ທ່ານຫົວໜ້າກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ປັດຈຸບັນ, ​ເຈົ້າໜ້າທີ່​ຂອງ​ຕົນ​ກຳລັງ​ສືບຕໍ່ນຳ​ຈັບ​ຕົວ​ນັກ​ໂທດ​ຜູ້​ຖືກ​ຫາຈຳນວນ 11 ຄົນທີ່​ໂຕນ​ຄ້າຍ​ຄຸມ​ຂັງ​ຊົ່ວຄາວຂອງ ປກສ ​ເມືອງສີ​ສັດຕະ​ນາກ​ໃນ​ວັນ​ທີ 11 ພຶດສະພາຜ່ານ​ມານີ້, ຊຶ່ງ​ມາ​ຮອດ​ດຽວນີ້, ສາມາດນຳ​ຈັບ​ໄດ້​ແລ້ວ 6 ຄົນ ​ແລະ ​ໃນ​ວັນ​ທີ 3 ມິຖຸນາຜ່ານ​ມານີ້​ໄດ້​ມີ​ຜູ້​ຖືກ​ຫາຈຳນວນ 35 ຄົນໂຕນ​ຄ້າຍ​ຄຸມ​ຂັງ​ຊົ່ວຄາວ ປກສ ​ເມືອງສີ​ໂຄດ​ຕະບອງ, ຊຶ່ງ​ຈັບ​ຄືນ​ມາ​ໄດ້​ແລ້ວ 24 ຄົນ, ສ່ວນ​ທີ່​ຍັງ​ເຫລືອ​ແມ່ນ​ກຳລັງ​ເລັ່ງຕິດຕາມ​ນຳ​ຈັບ​ຕົວ​ມາ​ດຳ​ເນີນ​ຄະດີ​ໃຫ້​ໄດ້​ໂດຍ​ໄວ.

ຫົວໜ້າກອງ​ບັນຊາ​ການ ປກສ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ​ເຫດການ​ທີ່​ຜູ້​ຖືກ​ຫາ​ໄດ້​ໂຕນ​ຄ້າຍ​ຄຸມ​ຂັງ​ທັງ​ສອງ​ແຫ່ງດັ່ງກ່າວ ຖື​ເປັນ​ປະກົດ​ການ​ຫຍໍ້​ທໍ້ ໜຶ່ງ, ຍ້ອນ​ສາ​ເຫດຄ້າຍ​ຄຸມ​ຂັງ, ​ຫ້ອງ​ຂັງ ​ບໍ່​ໄດ້​ມາດຕະຖານ, ​ເກົ່າ​ແກ່​ຊຸດ​ໂຊມ, ນັກ​ໂທດ ​ແລະ ຜູ້​ຕ້ອງ​ຫາ​ເກີນ​ມາດຕະຖານ, ຍ້ອນ​ການ​ກວດກາ​ຫ້ອງ​ຂັງ, ການ​ປ້ອງ​ກັນ​ເວນຍາມ​ຂອງ​ເຈົ້າໜ້າທີ່​ບໍ່​ເຂັ້ມ​ງວດ, ​ໂດຍ​ກົງ​ແມ່ນ​ຜູ້​ຮັບຜິດຊອບ​ຄ້າຍ​ຄຸມ​ຂັງ, ປະໝາດ​ເລີ່ນ​ເລີ້, ຂາດ​ສະຕິ​ຕິດຕາມ​ກວດກາ ​ແລະ ຍ້ອນ​ນັກ​ໂທດ, ຜູ້​ຖືກ​ຫາ ບໍ່ຍອມ​ຝຶກ​ຝົນ​ດັດ​ສ້າງ ​ແລະ ປ່ຽນ​ແປງ​ຕົນ​ເອງ.

ປັດຈຸບັນ, ກອງ​ບັນຊາ​ການ ປກສ ນະຄອນຫລວງ​ວຽງຈັນ ມີ​ຄ້າຍ​ຄຸມ​ຂັງ-ດັດ​ສ້າງ 1 ​ແຫ່ງ, ຄ້າຍ​ຄຸມ​ຂັງ​ຊົ່ວຄາວ 10 ​ແຫ່ງ, ຊຶ່ງ​ມີ​ຜູ້​ຕ້ອງ​ຫາ, ນັກ​ໂທດ ​ແລະ ຜູ້​ຝາກ​ດັດ​ສ້າງກວ່າ 5 ພັນ​ຄົນ, ​ເຮັດ​ໃຫ້​ກຳລັງ​ເວນຍາມ​ປ້ອງ​ກັນ​ບໍ່ພຽງພໍ​ຕາມ​ຫລັກ​ວິຊາ​ສະ​ເພາະ ​ແລະ ຈຳນວນ​ພໍ່-​ແມ່ຜູ້​ປົກຄອງ​ຝາກລູກ​ຫລານ​ບຳບັດ​ຕິດ​ຢາ​ເສບ​ຕິດມີ​ຈຳນວນ​ຫລາຍ, ສະຖານ​ທີ່​ຫ້ອງ​ຂັງ​ບໍ່ພຽງພໍ​ເຮັດ​ໃຫ້​ເປັນ​ປະກົດຫຍໍ້​ທໍ້.

- Wave100S AD to Website 2020 0 - ​ເຈົ້າໜ້າທີ່​ຍັງ​ສືບຕໍ່​ຕິດຕາມ​ຜູ້​ໂຕນໜີຄ້າຍ​ຄຸມ​ຂັງ
- WhatsApp Image 2020 05 27 at 5 - ​ເຈົ້າໜ້າທີ່​ຍັງ​ສືບຕໍ່​ຕິດຕາມ​ຜູ້​ໂຕນໜີຄ້າຍ​ຄຸມ​ຂັງ
- WhatsApp Image 2020 05 27 at 5 - ​ເຈົ້າໜ້າທີ່​ຍັງ​ສືບຕໍ່​ຕິດຕາມ​ຜູ້​ໂຕນໜີຄ້າຍ​ຄຸມ​ຂັງ
error: Alert: ເນື້ອຫາຂ່າວມີລິຂະສິດ !!