ບໍລິສັດ​ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳຈຳກັດ ​ເຈົ້າ​ຂອງໃໝ່ບໍ່​ຄຳ​-ທອງ​ເຊ​ໂປ​ນ

- Untitled design - ບໍລິສັດ​ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳຈຳກັດ ​ເຈົ້າ​ຂອງໃໝ່ບໍ່​ຄຳ​-ທອງ​ເຊ​ໂປ​ນ

ບໍລິສັດ​ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳ ຈຳກັດ ​​ໄດ້ເປີດ​ໂຕ​ໃນ ສປປ ລາວ ພາຍຫລັງ​ຊະ ນະ​ການ​ປະມູນ​ຊື້​ຮຸ້ນ 90% ​ໃນ​ບໍລິສັດ ລ້ານ​ຊ້າງ​ມິ​ເນ​ໂຣນສ ລິ​ມິດ​ເຕັດ ບໍ່​ຄຳ​-ທອງ​ເຊ​ໂປ​ນ ​ (MMG LXML) ໃນ​ມູນ​ຄ່າ 275 ລ້ານ​ໂດ​ລາ​ສະຫະລັດ ແລະ ຄາດ​ອາຍຸ​ການ​ຂອງ​ໂຄງການ​ຂຸດ​ຄົ້ນ-ຜະລິດ-ປຸງ​ແຕ່ງ ທອງ​ເຊ​ໂປ​ນ ຈະ​ແກ່ຍາວ​​ຮອດ​ ປີ 2020.

ພິທີ​​ແນະນຳ​ໂຕ​ຂອງ​ບໍລິສັດ ດັ່ງກ່າວ​ໄດ້​ຈັດ​ຂຶ້ນໃນ​ວັນ​ທີ 16 ກໍ ລະກົດນີ້ ທີ່​ນະຄອນຫລວງ​ວຽງ​ຈັນ, ​​ໂດຍ​ການ​ເຂົ້າ​ຮ່ວມ​ຂອງ​ທ່ານ ຈັນ​ສອນ ​ແສນ​ບຸດຕະລາດ ຮອງ​ລັດຖະມົນຕີ​ ກະຊວງພະລັງງານ ​ແລະ ບໍ່​ແຮ່, ທ່ານ ສີ​ລາ ວຽງ​ແກ້ວ ຮອງລັດຖະມົນຕີ ກະຊວງ​ການ​ເງິນ, ທ່ານ ສະໝານ ອະ​ເນ​ກາ ອຳນວຍ​ການ​ໃຫຍ່ MMG LXML ​ແລະ ທ່ານ ຫລິວ ສຽວ​ ຊາວ ປະທານ​ບໍລິສັດ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳ ຈຳກັດ, ພ້ອມ​ຄະນະ ​ເຂົ້າ​ຮ່ວມ.

​ບໍລິສັດ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳ ຈຳກັດ ​ເປັນ​ບໍລິສັດ​ຂຸດ​ຄົ້ນ​ຄຳຂອງ​ຈີນ ມີ​ພະນັກງານ​ເກືອບ 4.000 ຄົນ, ​ເຊິ່ງມີ 6 ບໍລິສັດ​ໃນ​ເຄືອ​ຂ່າຍ ​ໃນ ສປ ຈີນ, ​ໃນ​ນັ້ນ 3 ບໍລິສັດ​ ແມ່ນ​ສຸມ​ໃສ່​ການ​ຂຸດ​ຄົ້ນ​ບໍ່​ແຮ່​ໃຕ້​ດິນ ​ແລະ 2 ບໍລິສັດ ​ໃນ​ເຄືອ​ຂ່າຍ​ອຸດສາຫະກຳ​ສິ່ງ​ແວດ​ລ້ອມ ​ແລະ ສະ​ຖາ​ບັນ​ຄົ້ນ​ຄວ້າ​ດ້ານ​ການ​ສຳ​ຫລວດ​ຄໍາ.

ທ່ານ ຫລິວ ສຽວ​ ຊາວ ​​ກ່າວ​ວ່າ: ການ​ຂຸດ​ຄົ້ນ​ແຮ່​ຄຳ​ພຸ​ພັງ ທີ່​ເຂົ້າ​ຫາ​ໄດ້​ງ່າຍ​ນັ້ນ ​ແມ່ນ​ໄດ້​ສິ້ນ​ສຸດ​ລົງ​ຕັ້ງ​ແຕ່​ປີ 2013 ​ໃນ​ຂະນະ​ທີ່ ສິນ​ແຮ່​ທອງ​ຢູ່​ໜ້າດິນ​ກໍ​ເກືອ​ນຈະ​ໝົດ​ແລ້ວ. ຢູ່​ໃຕ້​ດິນ​ແມ່ນ​ມີ​ປະ ລິມານ​ສິນ​ແຮ່​ທອງ​ຄຸນ​ນະພາ​ບຕໍ່າ​ສັບປົນ, ​ແຕ່​ປະລິມານ​ສິນ​ແຮ່​ຄຳ​ ເພື່ອ​ສຳ​ຫລວດ​ຍັງ​ຫລວງຫລາຍ ​ແມ່ນ​ລໍຖ້າ​ໃຫ້​ພວກ​ເຮົາ​ໄປ​ພັດທະນາ ​ແລະ ນຳ​ໃຊ້​ຢ່າງຮອບ​ຄອບ. ພ້ອມ​ດຽວ​ກັນ​ນີ້, ພວກ​ເຮົາ​ກໍ​ຮັບ​ຮູ້​ເຖິງ​ສິ່ງ​ທ້າ​ທາຍ​ອັນ​ໃຫຍ່​ຫລວງ ທີ່​ຕິດ​ພັນ​ກັບ​ການ​ຂຸດ​ຄົ້ນ ​ແລະ ປັບປຸງ​ຊັບພະຍາກອນ​ເຫລົ່າ​ນີ້​ ເຊັ່ນ: ມີ​ຄວາມ​ເປັນ​ໄປ​ໄດ້​ສູງ ທີ່​ສິນ​ແຮ່​ສັບປົນ​ເຫລົ່າ​ນີ້ ຈະ​ມີ​ຜົນ​ເຮັດ​ໃຫ້​ກັ່ນ​ຕອງ ​ແລະ ການ​ສະກັດ​ເອົາ​ໂລ ຫະມີ​ຄວາມ​ຫຍຸ້ງຍາກ​ກວ່າ​ເກົ່າ ​ແລະ ການ​ປ່ຽນ​ແປງ ຂອງ​ສິ່ງ​ແວດ​ລ້ອມ​ທາງ​ທໍລະນີ​ ອາດ​ຈະ​ນຳ​ໄປ​ສູ່​ຕົ້ນ​ທຶນ​-ຄ່າ​ໃຊ້​ຈ່າຍ​ການ​ຂຸດ​ຄົ້ນ​ທີ່ສູງຂຶ້ນ.

- Wave100S AD to Website 2020 0 - ບໍລິສັດ​ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳຈຳກັດ ​ເຈົ້າ​ຂອງໃໝ່ບໍ່​ຄຳ​-ທອງ​ເຊ​ໂປ​ນ

ທ່ານ ຫລິວ ສຽວ​ ຊາວ ​ກ່າວ​ຕື່ມວ່າ: ບໍ​ລະ​ສັດ​ພວກ​ເຮົາ​ຈະ​ຮັບ​ມື​ກັບ​ສິ່ງ​ທ້າ​ທາຍ​ເຫລົ່າ​ນີ້ ດ້ວຍ​ຈຸດ​ແຂງ​ທີ່​ພວກ​ເຮົາ​ມີ ດ້ວຍ​ຄວາມ​ຊຳນານດ້ານ​ການ​ຂຸດ​ຄົ້ນ​ຄຳ ​ເພື່ອ​ເພີ່ມ​ຄຸນຄ່າ​ຂອງ​ຊັບພະຍາກອນ​ໃຫ້​ສູງ​ທີ່​ສຸດ​ໂດຍ​ສຸມ​ໃສ່​ການ​ສຶກສາ​ດ້ານ​ວິຊາ​ການ, ການ​ປັບປຸງ​ຂັ້ນ​ຕອນ​ຕ່າງໆ, ການ​ສຳ​ຫລວດ​ແຫ​ລ່ງ​ແຮ່ທີ່ຢູ່​ໃນ​ລວງ​ເລິກ​ ​ແລະ ຢູ່​​ວົງ​ກວ້າງ​ກວ່າ​ເກົ່າ ​ເພື່ອ​ໜູນ​ໃຊ້​ຊັບ​ສິນ​ໃຫ້​ມີ​ປະສິດທິ​ຜົນ​ສູງ​ສຸດ.

ບໍລິສັດ MMG LXML ​ໄດ້​ເລີ່​ມຜະລິດ​ຄຳ ​ເປັນ​ຄັ້ງ​ທຳ​ອິດ​ໃນ​ປີ 2003, ຕາມ​ມາ​ດ້ວຍ​ການ​ຂຸດ​ຄົ້ນ-ປຸງ​ແຕ່ງ-ຜະລິດ​ທອງ​ຢ່າງ​ມະຫາສານ ນັນ​ແຕ່​ປີ 2005. ສິບ​ກວ່າ​ປີ​ຜ່ານ​ມາ ບໍລິສັດ ຜະລິດ​ແຜ່ນ​ໂລຫະ​ທອງ​ໄດ້​ຫລາຍ​ກວ່າ 900.000 ​ໂຕນ ​ແລະ ​ໂລຫະ​ຄຳ​ໄດ້​ຫລາຍ​ກວ່າ 1.2 ລ້ານ​ອອນ​.

- WhatsApp Image 2020 05 27 at 5 - ບໍລິສັດ​ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳຈຳກັດ ​ເຈົ້າ​ຂອງໃໝ່ບໍ່​ຄຳ​-ທອງ​ເຊ​ໂປ​ນ
- WhatsApp Image 2020 05 27 at 5 - ບໍລິສັດ​ ຊື​ເຟີ​ງ ຈີ​ຫລົງ ຂຸດ​ຄົ້ນ​ບໍ່​ຄຳຈຳກັດ ​ເຈົ້າ​ຂອງໃໝ່ບໍ່​ຄຳ​-ທອງ​ເຊ​ໂປ​ນ
error: Alert: ເນື້ອຫາຂ່າວມີລິຂະສິດ !!