ລາວຟອດຊີຕີນໍາສະເໜີລົດ FORD Transit ​ໃໝ່

- fordpresent 2 - ລາວຟອດຊີຕີນໍາສະເໜີລົດ FORD Transit ​ໃໝ່
- Untitled design - ລາວຟອດຊີຕີນໍາສະເໜີລົດ FORD Transit ​ໃໝ່

ໃນວັນທີ 18 ກໍລະກົດນີ້, ລາວຟອດຊີຕີ ໄດ້ຈັດພິທີຢ່າງຄຶກຄື້ນ ເພື່ອນໍາສະເໜີລົດ ຟອດທຣານຊິດໃໝ່, ໂດຍການເຂົ້າຮ່ວມຂອງທ່ານ ດິລິບ ເຈສຸທາຊານ ອໍານວຍການບໍລິສັດ, ມີອົງການຕ່າງໆຈາກພາກລັດ ແລະ ເອກະຊົນເຂົ້າຮ່ວມຢ່າງຫຼວງຫຼາຍ.

ທ່ານ ທອງສຸກ ອິນຖາວອນ ທີ່ປຶກສາການຂາຍ ລາວຟອດຊີຕີ ກ່າວໃນງານດັ່ງກ່າວວ່າ: ຈຸດເດັ່ນຂອງລົດ ຟອດທຣານຊິດໃໝ່ນີ້, ຖືກອອກແບບໃຫ້ມີຄວາມກວ້າງ ແລະ ຫຼັງຄາສູງທີ່ໂດດເດັ່ນກວ່າລົດຕູ້ປະເພດອື່ນໆ, ສາມາດເຂົ້າ-ອອກລົດໄດ້ຢ່າງສະບາຍໂດຍບໍ່ຕ້ອງກົມຫົວ, ຊຶ່ງມີຄວາມສູງຈາກພື້ນປະມານ 2,5 ແມັດ ຫຼືສາມາດສັ່ງລຸ້ນທີ່ມີຫຼັງຄາສູງໄດ້ເຖິງ 2.7 ແມັດກໍມີ ແລະ ຂະໜາດບັນຈຸ 15 ບ່ອນນັ່ງ, ມາພ້ອມຊັ້ນວາງເຄື່ອງທັງສອງດ້ານ ຈະເພີ່ມພື້ນທີ່ ແລະ ຄວາມສະດວກສະບາຍໃຫ້ແກ່ລູກຄ້າໃນການເກັບສໍາພາລະສິ່ງຂອງຕ່າງໆ. ປ່ຽນຮູບໂສມຂອງກະຈັງໜ້າໃຫ້ມີຄວາມບືນຕົວຕາມແບບຂອງລົດຟອດລຸ້ນໃໝ່, ຊຶ່ງດ້ານໜ້າມີຮູບຮ່າງສ້ວຍແຫຼມ ເພື່ອຫຼຸດຜ່ອນແຮງຕ້ານຂອງລົມ ຈະຊ່ວຍໃຫ້ມີຄວາມປອດໄພໃນເວລາຂັບຂີ່ດ້ວຍຄວາມໄວສູງ ໂດຍເຄື່ອງຈັກກະຊວນ 2.2 ລິດ ຫຼື2.200 ຊີຊີ, ເກຍກະປຸກ 6 ເກຍ ທີ່ໃຫ້ກໍາລັງໄດ້ສູງເຖິງ 155 ແຮງມ້າ, ສາມາດບັນຈຸນໍ້າມັນເຊື້ອໄຟໄດ້ເຖິງ 95 ລິດ. ມີຕາໄຟໜ້າແບບໄຮໂດຼເຈນ ທີ່ໃຫ້ຄວາມສະຫວ່າງໄດ້ໄກ ແລະ ເຫັນໄດ້ກວ້າງ ມາພ້ອມກັບລະບົບ ໂຟໂລມີໂຮມ ໂດຍໄຟຕາໜ້າຍັງຈະເປີດຢູ່ 30 ວິນາທີ ໃນເວລາລົງ ຫຼືລັອກລົດ.

ນອກນີ້, ລົດດັ່ງກ່າວຍັງມີລະບົບຄວາມປອດໄພ ແລະ ຄວາມສະດວກສະບາຍ ໂດຍລະບົບຕ່າງໆຄື: ລະບົບຄວບຄຸມລົດເວລາເຂົ້າໂຄ້ງ ໂດຍລົດຈະບໍ່ແຫກໂຄ້ງຖ້າເຮົາຂັບຂີ່ດ້ວຍຄວາມໄວ, ລະບົບຄວບຄຸມຄວາມສົມດຸນ ແລະ ປ້ອງກັນລົດປີ້ນ ໃນເວລາຫັກຫຼົບສິ່ງກີດຂວ້າງແບບສຸກເສີນ ແລະ ທັງເປັນຄວາມສົມດຸນເວລາບັນທຸກໜັກອີກດ້ວຍ, ພ້ອມມີລະບົບຕ້ານບໍ່ໃຫ້ລົດຖອຍຫຼັງລົງຄ້ອຍໃນເວລາອອກຕົວຢູ່ທາງຊັນ ໂດຍເວລາເຮົາປ່ອຍຕີນອອກຈາກເບກ ລົດຈະຢຸດຢູ່ປະມານ 3 ວິນາທີ ເພື່ອໃຫ້ເຮົາປ່ຽນຕີນຢຽບຄັນເລັ່ງ. ມີປະຕູເລື່ອນດ້ານຂ້າງກວ້າງຂວາງ ແລະ ສູງ ມີຄວາມສະດວກ ແລະ ປອດໄພໃນການເຂົ້າອອກ. ສ່ວນແວ່ນດ້ານຫຼັງມີຂະໜາດໃຫຍ່ສາມາດເບິ່ງໄດ້ຮອບທິດທາງ, ຕີນທັງ 4 ດ້ານແມ່ນຂອບ 16 ແບບກະທະທີ່ລຽບງ່າຍ ມາພ້ອມກັບລະບົບເບກ ABS ແລະ ລະບົບຊ່ວຍເບກແບບເອເລັກໂທຼນິກ EBD, ສ່ວນດ້ານຫຼັງຈະເປັນປະຕູເປີດແບບ 2 ບານ ທີ່ສາມາດໄຂກວ້າງໄດ້ເຖິງ 270 ອົງສາ ເພື່ອຄວາມສະດວກສະບາຍເວລາຂົນເຄື່ອງຂຶ້ນ-ລົງຈາກລົດ, ພ້ອມນັ້ນ, ຕາຫຼັງກໍມີລັກສະນະຍາວລົງມາ ເພື່ອໃຫ້ລົດທີ່ຕາມຫຼັງມາສາມາດເຫັນໄດ້ໄຟສັນຍານລ້ຽວ ຫຼືໄພເບກໄດ້ງ່າຍ. ສ່ວນທາງດ້ານຄົນຂັບ ແລະ ຜູ້ໂດຍສານດ້ານໜ້າ ກໍມີຖົງນິລະໄພ ເພື່ອເພີ່ມຄວາມໝັ້ນໃຈໃນເວລາຂັບຂີ່.  ຊຶ່ງມີລາຄາຂາຍ 378 ລ້ານກີບ (45 ພັນໂດລາ) ທ່ານໃດສົນໃຈຂໍ້ມູນເພີ່ມເຕີມ ກໍສາມາດຕິດຕໍ່ໄດ້ທີ່ເບີ 021 241108 ຫຼືທາງ www.facebook.com/LaoFordCity.

- Wave100S AD to Website 2020 0 - ລາວຟອດຊີຕີນໍາສະເໜີລົດ FORD Transit ​ໃໝ່

 

- WhatsApp Image 2020 05 27 at 5 - ລາວຟອດຊີຕີນໍາສະເໜີລົດ FORD Transit ​ໃໝ່
- WhatsApp Image 2020 05 27 at 5 - ລາວຟອດຊີຕີນໍາສະເໜີລົດ FORD Transit ​ໃໝ່
error: Alert: ເນື້ອຫາຂ່າວມີລິຂະສິດ !!