ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ

- 37058979 2044739939110685 1988237337384976384 n - ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ
- Untitled design - ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ
- 37229565 1018429944985170 2208009409466990592 o - ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ
ນ້ຳຖ້ວມເທສະບານເມືອງໄກສອນ ພົມວິຫານ

ໃນ​ຕອນ​ເຊົ້າ​ຂອງວັນ​ທີ 17 ກໍ​ລະ​ກົດຜ່ານ​ມານີ້, ຍ້ອນ​ຝົນ​ຕົກ​ແຮງ​ເປັນ​ເວ​ລາ​ຫລາຍ​ຊົ່ວ​ໂມງ ເຮັດ​ໃຫ້​ເກີ​ດ​ມີ​ນ້ຳ​ຖ້ວມ​ຢູ່ຫລາຍ​ຈຸດໃນ​ເທ​ສະ​ບານ​ນະ​ຄອນ​ໄກ​ສອນ​ ພົມ​ວິ​ຫານ ​ແຂວງ​ສະຫວັນ​ນະ​ເຂດ ເປັນ​ຕົ້ນຖະ​ໜົນ​ໄກ​ສອນ ​ພົມ​ວິ​ຫານ ບ່ອນ​ທີ່​​ນ້ຳຖ້ວມ​ສູງ​, ຈາກນັ້ນກໍແມ່ນ​ແຖວ​ໜ້າ​ທາງ​ເຂົ້າ​ພັດ​ທະ​ຄານ​ດາວ​ຮຸ່ງ​ສອງ, ສາມ​ແຍກ​ຕະ​ຫລາດ​ສາ​ມັກ​ຄີ​ໄຊ, ຖະ​ໜົນລາດ​ຊະ​ວົງ​ເສິກ, ຖະ​ໜົນ​ສີ​ສະ​ຫວ່າງວົງ ແລະ ​ທາງ​ຊອຍ​ອີກ​ຫລາຍ​ເສັ້ນ ໄດ້​ຖືກ​ນ້ຳ​ຖ້ວມ​ແລ້ວ​ໄຫຼ​ເຂົ້າ​ເຮືອນ​ປະ​ຊາ​ຊົນ ​ໂດຍ​ສະ​ເພາະເຮືອນ​​ທີ່​ຢູ່​ແຄມ​ຫ້ວຍ​ລົງ​ກົງ ນ້ຳ​ຖ້ວມ​ສູງ​ເຖິງ 70-80 ຊັງ​ຕີ​ແມັດ ໄດ້​ຮັບ​ຄວາມ​ເສຍ​ຫາຍ​ເປັນ​ບໍ່​ໜ້ອຍ.

- 37058979 2044739939110685 1988237337384976384 n - ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ
ນ້ຳຖ້ວມເມືອງຄຳເກີດ ແຂວງບໍລິຄຳໄຊ

ສາ​ເຫດ​ອັນ​ຫລັກໆກໍຍ້ອນ​ມີ​ຝົນ​ຕົກ​ແຮງ, ນ້ຳ​ໄຫລບໍ່​ທັນ, ຮ່ອງ​ລະ​ບາຍ​ນ້ຳ​​ນ້ອຍ ເຮັດ​ໃຫ້​ນ້ຳ​ອັ່ງ​, ​ແຕ່​ຮອດ​ເວລາ​ປະມານ 9 ​ໂມງ​ຂອງ​ວັນ​ດຽວ​ກັນ ສະ​ຖາ​ນະ​ການກໍ​ເກືອບ​ວ່າປົກ​ກະ​ຕິ, ແຕ່​ມີບາງ​ຄອບຄົວ​ໄດ້​ຮັບ​ຜົນ​ກະທົບ ​ເຄື່ອງ​ໃຊ້​ໃນ​ຄອບຄົວ​ໄດ້​ຮັບ​ຄວາມ​ເສຍ​ຫາຍ​ເຊັ່ນ: ຕູ້​ເຢັນ, ລົດ​ຈັກ ແລະ​ ອື່ນໆ ທີ່​ຍົກ​ຍ້າຍ​ໜີບໍ່​ທັນ. ​ເຫດ​ການ​ຄັ້ງ​ນີ້ຈຶ່ງ​ຢາກ​ແຈ້ງ​ເຕືອນ​ປະ​ຊາ​ຊົນຜູ້​ທີ່​ມີ​ຄວາມ​ສ່ຽງຕ້ອງ​ລະ​ມັດ​ລະ​ວັງ, ໃຫ້​ເອົາ​ເຄື່ອງ​ທີ່​ຈຳ​ເປັນ​ໄປ​ໄວ້​ສູງ​ກ່ອນ​ ເພື່ອ​ຫລີກ​ລ້ຽງ​ຜົນ​ເສຍ​ຫາຍ​ທີ່​ຈະ​ຕາມ​ມາ.

ຂ່າວ​ໃຫ້​ຮູ້​ອີກ​ວ່າ: ​ໃນ​ມື້ດຽວ​ກັນ ຢູ່ເມືອງຄຳເກີດ ​ແຂວງ​ບໍລິ​ຄຳ​ໄຊ ກໍ​ເກີດ​ສະພາບ​ນ້ຳຖ້ວມ​ເນື້ອທີ່ການຜະລິດຂອງປະຊາຊົນ​ເຂດບ້ານໃຫຍ່ທົ່ງແສນ ແລະ ກຸ່ມບ້ານໜອງອໍ້ນາແປ ຍ້ອນມີຝົນຕົກໝັກຕິດຕໍ່ເປັນກັນເປັນເວລາຫລາຍວັນ ຈຶ່ງເຮັດໃຫ້ມີນໍ້າປ່າ ແລະ ນໍ້າຫ້ວຍ​ແຕ່​ລະສາຍລົ້ນຝັ່ງໄຫລຖ້ວມພື້ນທີ່ທຳການຜະລິດຂອງປະຊາຊົນຄື: ເນື້ອທີ່ປູກເຂົ້ານາປີ,  ສວນສາລີ, ສວນປູກຫຍ້າ, ສວນປູກຖົ່ວດິນ ແລະ ອື່ນໆ ​ປະມານ 60% ຂອງກຸ່ມບ້ານໜອງອໍ້-ນາແປ ມີເນື້ອທີ່ປູກເຂົ້ານາປີ, ສວນສາລີ, ສວນໝາກເພັດ ແລະ ສວນປູກຜັກອື່ນໆ ຖືກນໍ້າຖ້ວມ​ປະມານ 70% ຂອງ​ເນື້ອທີ່​ທັງ​ໝົດ.

- Wave100S AD to Website 2020 0 - ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ

 

- WhatsApp Image 2020 05 27 at 5 - ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ
- WhatsApp Image 2020 05 27 at 5 - ນ້ຳ​ຖ້ວມ​ອັ່ງຫລາຍ​ຈຸດໃນ​ເທ​ສະບານນະ​ຄອນ​ໄກ​ສອນ ​ແລະ ​ເມືອງ​ຄຳ​ເກີດ
error: Alert: ເນື້ອຫາຂ່າວມີລິຂະສິດ !!