ຍອດຜູ້ເສຍຊີວິດຈາກຕຶກຖະຫລົ່ມ ຢູ່ອິນເດຍເພີ່ມເປັນ 9 ຄົນ

- 1531981932611 800x0 - ຍອດຜູ້ເສຍຊີວິດຈາກຕຶກຖະຫລົ່ມ ຢູ່ອິນເດຍເພີ່ມເປັນ 9 ຄົນ
- Untitled design - ຍອດຜູ້ເສຍຊີວິດຈາກຕຶກຖະຫລົ່ມ ຢູ່ອິນເດຍເພີ່ມເປັນ 9 ຄົນ

ສຳນັກງານ​ມອດ​ໄຟອິນ​ເດຍຖະ​ແຫລ​ງວ່າ: ຍອດ​ຜູ້​​ເສຍ​ຊີວິດ​ຈາກ​ອາຄານ​​ນອກ​ນະຄອນຫລວງ​ນິວ​ເດ​ລີ​ພັງຖະຫລົ່ມ​ລົງ​ມາ​ເພີ່ມ​ເປັນ 9 ຄົນ​ໃນ​ວັນ​ທີ 19 ກໍລະກົດ​ນີ້ ​ເນື່ອງ​ຈາກ​ໜ່ວຍ​ສຸກ​ເສີນ​ກູ້​ມາ​ໄດ້​ອີກ 4 ຄົນ​ຈາກ​ຊາກ​ຫັກ​ພັງ ​ແລະ ​ເສດ​ເຫລັກ.

ອາຄານ​ສູງ 6 ຊັ້ນຖະຫລົ່ມ​ລົງ​ມາ​ທັບ​ອາຄານ​ທີ່ຢູ່​ໃກ້​ຄຽງ ​ໃນ​ຄືນ​ວັນ​ທີ 17 ກໍລະກົດ ​ເຮັດ​ໃຫ້​ມີ​ຜູ້​ຕິດ​ຢູ່​ພາຍ​ໃນກວ່າ 12 ຄົນ ລວມທັງ​ກຳມະກອນ ​ແລະ ສອງ​ຄອບຄົວ​ໃນ​ເຂດ​ເກຣດ​ເທີນ​ອຍດາ ທາງ​ຕາ​ເວັນ​ອອກ​ຂອງ​ເມືອງ​ຫລວງ​ອິນ​ເດຍ, ຫລັງ​ທີ່​ນຳ​ຮ່າງ​ຜູ້​ເສຍ​ຊີວິດ​ອອກ​ມາ​ໄດ້ 5 ຄົນ​ໃນ​ວັນ​ທີ 18 ກໍລະກົດ ​ແລະ ກູ້​ໄພ​ເກືອບ 150 ຄົນ ຕ້ອງ​ໃຊ້​ອຸປະກອນ​ເຫລັກ ​ແລະ ​ເຄື່ອງ​ເຈາະ ລວມທັງ​ໝາ​ດົມ​ກິ່ນ ​ເຂົ້າຄົ້ນຫາ​ຜູ້​ລອດ​ຊີວິດ​ຕາມ​ຊາກ​ຫັກ​ພັງ ​ແລະ ​ເສດ​ເຫລັກ​ນ້ຳໜັກ​ຫລາຍ​ໂຕນ. ຜູ້​ບັນຊາ​ການ​ສຳນັກງານ​ມອດ​ໄຟ​ທ້ອງ​ຖິ່ນ​ລາຍ​ງານ​ວ່າ: ພົບ​ຜູ້​ເສຍ​ຊີວິດອີກ 4 ຄົນ ​ແຕ່​ຍັງ​ກູ້​ໄພ​ຕໍ່​ໄປ​ຈົນ​ກວ່າ​ຈະ​ເກັບ​ກວາດ​ພື້ນທີ່​ໄດ້​ທັງ​ໝົດ. ຕຳຫລວດ​ຍັງ​ຄວບຄຸມ​ຕົວ 4 ຄົນ ​ເຊິ່ງລວມທັງ​ເຈົ້າຂອງ​ທີ່​ດິນ​ໃນ​ຂໍ້​ຫາ​ເຮັດ​ໃຫ້​ມີ​ຜູ້​ເສຍ​ຊີວິດ​ໂດຍ​ປະໝາດ ​ແລະ ຕ້ອງ​ສືບສວນ​ອີກ 20 ຄົນ. ຂະນະ​ທີ່​ມີ​ການ​ກໍ່ສ້າງ​ອາຄານ​ທີ່ຢູ່​ອາ​ໄສ​ລາຄາ​ຖືກ​ນະຄອນຫລວງ​ນິວ​ເດ​ລີ​ຫລາຍ​ແຫ່ງ​ໃນ​ໄລຍະ​ສອງ​ສາມ​ປີຜ່ານມາ ທ່າມກາງ​ການ​ເຕີບ​ໃຫຍ່​ຢ່າງ​ວ່ອງ​ໄວ, ​ແຕ່​ບໍລິສັດ​ຜູ້​ຮັບ​ເໝົາ​ມັກ​ປະຢັດ​ເຫລັກ ​ແລະ ​ໃຊ້​ວັດ​ສະ​ດຸ​ລາຄາ​ຖືກ​ໃນ​ການ​ກໍ່ສ້າງ.

- Wave100S AD to Website 2020 0 - ຍອດຜູ້ເສຍຊີວິດຈາກຕຶກຖະຫລົ່ມ ຢູ່ອິນເດຍເພີ່ມເປັນ 9 ຄົນ
- WhatsApp Image 2020 05 27 at 5 - ຍອດຜູ້ເສຍຊີວິດຈາກຕຶກຖະຫລົ່ມ ຢູ່ອິນເດຍເພີ່ມເປັນ 9 ຄົນ
- WhatsApp Image 2020 05 27 at 5 - ຍອດຜູ້ເສຍຊີວິດຈາກຕຶກຖະຫລົ່ມ ຢູ່ອິນເດຍເພີ່ມເປັນ 9 ຄົນ
error: Alert: ເນື້ອຫາຂ່າວມີລິຂະສິດ !!