ຜົນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫລວງວຽງຈັນ

- Resualt of Meeting - ຜົນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫລວງວຽງຈັນ
- Untitled design - ຜົນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫລວງວຽງຈັນ

ກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫລວງວຽງຈັນຊຸດທີ I ໄດ້ສໍາເລັດລົງໃນວັນທີ 18 ກໍລະກົດນີ້, ພາຍຫລັງດໍາເນີນມາເປັນເວລາ 3 ວັນ, ພາຍໃຕ້ການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ພ້ອມດ້ວຍສະມາຊິກສະພາແຫ່ງຊາດປະຈຳເຂດເລືອກຕັ້ງທີ 1 ນະຄອນຫລວງວຽງຈັນ ແລະ ສະມາຊິກ ສະພາປະຊາຊົນນະຄອນຫລວງວຽງຈັນເຂົ້າຮ່ວມຢ່າງພ້ອມພຽງ. ກອງປະຊຸມໄດ້ພິຈາລະນາ ແລະ ຮັບຮອງຫລາຍບັນຫາສໍາຄັນຄື: ຮັບຮອງບົດລາຍງານຂອງທ່ານເຈົ້າຄອງນະຄອນຫລວງວຽງຈັນກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2018 ຂອງນະຄອນຫລວງວຽງຈັນ, ພິຈາລະນາ ແລະ ຮັບຮອງເອົາບົດສະຫລຸບການເຄື່ອນໄຫວວຽກງານ 6 ເດືອນຕົ້ນປີ ແລະ ແຜນວຽກຈຸດສຸມ 6 ເດືອນທ້າຍປີ 2018 ຂອງຄະນະປະຈຳສະພາປະຊາຊົນ ນະຄອນຫລວງວຽງຈັນ, ພິຈາລະນາ ແລະ ຮັບຮອງເອົານິຕິກຳ 2 ສະບັບຄື: ຮ່າງຂໍ້ຕົກລົງຂອງເຈົ້າຄອງນະຄອນຫລວງວຽງຈັນວ່າດ້ວຍການກຳນົດຫົວໜ່ວຍລາຄາທົດແທນຄ່າເສຍຫາຍໃຫ້ຜູ້ຖືກຜົນກະທົບຈາກໂຄງການກໍ່ສ້າງທາງດ່ວນວຽງຈັນ ແລະ ຮ່າງຂໍ້ຕົກລົງຂອງເຈົ້າຄອງນະຄອນຫລວງວຽງຈັນວ່າ ດ້ວຍການຫລຸດຜ່ອນອຸປະຕິເຫດ ແລະ ຮັກສາຄວາມປອດໄພຕາມທ້ອງຖະໜົນທົ່ວນະຄອນຫລວງວຽງຈັນ. ຮັບຟັງການລາຍງານຂອງອົງການໄອຍະການປະ ຊາຊົນນະຄອນຫລວງວຽງຈັນກ່ຽວກັບການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018, ໂດຍລົງເລິກການຕິດຕາມກວດກາການເຄົາລົບ ແລະ ການປະຕິບັດກົດໝາຍໃຫ້ຖືກຕ້ອງ. ຮັບຟັງການລາຍງານຂອງສານປະຊາຊົນນະຄອນຫລວງວຽງຈັນກ່ຽວກັບການຈັດ ຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ໂດຍລົງເລິກການເກັບກຳຂໍ້ມູນຫລັກຖານ ແລະ ການຊັ່ງຊາຕີລາຄາຫລັກຖານໃນການດຳເນີນຄະດີແພ່ງ. ຮັບຟັງການລາຍງານຂອງກອງບັນຊາການ ປກສ ນະຄອນຫລວງວຽງຈັນກ່ຽວກັບການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ໂດຍລົງເລິກວຽກງານດຳເນີນການສືບສວນ-ສອບສວນຂອງເຈົ້າໜ້າທີ່ຕຳຫລວດ ແລະ ການຄຸ້ມຄອງ, ປ້ອງກັນນັກໂທດ, ຜູ້ຖືກຫາ ແລະ ຜູ້ຝາກຂັງຢູ່ໃນຄ້າຍຄຸມຂັງດັດສ້າງ. ຮັບຟັງການລາຍງານຂອງພະແນກຍຸຕິທຳນະຄອນຫລວງວຽງຈັນກ່ຽວກັບການຈັດຕັ້ງປະຕິບັດຄຳຕັດສິນຂອງສານໃນໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ໂດຍລົງເລິກວຽກງານການຈັດຕັ້ງປະຕິ ບັດຄຳຕັດສິນຂອງສານ. ພ້ອມທັງໄດ້ຮັບຟັງການອະທິບາຍຊີ້ແຈງຂອງອົງການປົກຄອງ ແລະ ພະແນກການກ່ຽວຂ້ອງກ່ຽວກັບບາງບັນຫາພົ້ນເດັ່ນທາງດ້ານ ເສດຖະກິດ-ສັງຄົມ.

- Wave100S AD to Website 2020 0 - ຜົນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫລວງວຽງຈັນ
- WhatsApp Image 2020 05 27 at 5 - ຜົນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫລວງວຽງຈັນ
- WhatsApp Image 2020 05 27 at 5 - ຜົນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນນະຄອນຫລວງວຽງຈັນ
error: Alert: ເນື້ອຫາຂ່າວມີລິຂະສິດ !!