ເຊັນສັນຍາຈັດຊື້-ຈັດຈ້າງ ໂຄງການພັດທະນາຕົວເມືອງ ຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ

- Signing 2 - ເຊັນສັນຍາຈັດຊື້-ຈັດຈ້າງ ໂຄງການພັດທະນາຕົວເມືອງ ຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ
- Untitled design - ເຊັນສັນຍາຈັດຊື້-ຈັດຈ້າງ ໂຄງການພັດທະນາຕົວເມືອງ ຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ

ພິທີເຊັນສັນຍາການຈັດຊື້-ຈັດຈ້າງບໍລິສັດທີ່ປຶກສາຕິດຕາມ ແລະ ຄຸ້ມຄອງສະໜາມກໍ່ສ້າງ ສຳລັບໂຄງການພັດທະນາຕົວເມືອງຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ (GMS) ລະຫວ່າງພະແນກໂຍທາທິການ ແລະ ຂົນສົ່ງແຂວງ ກັບ ບໍລິສັດ ອິນນາຄອນລູເລີ ເຟີຕິລີ, ບໍລິສັດໂກກັດດີຢັບ ຈາກປະເທດອິນໂດເນເຊຍ ​ໄດ້​ມີ​ຂຶ້ນ​ໃນ​ວັນ​ທີ 17 ກໍລະກົດນີ້ ທີ່​ນະຄອນ​ໄກສອນ ພົມວິຫານ ໂດຍເຂົ້າຮ່ວມຂອງທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນ​ນະ​ເຂດ.

ທ່ານ ພົມມາ ວົງພະຈິດ ຫົວໜ້າໂຄງການພັດທະນາຕົວເມືອງ ຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ ລາຍງານວ່າ: ໂຄງການດັ່ງກ່າວແມ່ນເງິນກູ້ຢືມ ແລະ ຊ່ວຍເຫຼືອລ້າຈາກທະນາຄານ ພັດທະນາອາຊີ ພ້ອມທັງທຶນສົມທົບຂອງລັດຖະບານລາວ ລວມມູນຄ່າທັງໝົດ 47 ລ້ານກວ່າໂດລາສະຫະລັດ, ລວມມີ 7 ໜ້າວຽກຄື: ນະຄອນໄກສອນ ພົມວິຫານ ມີ 5 ໂຄງການຍ່ອຍ ບໍ່ວ່າຈະເປັນວຽກກໍ່ສ້າງຮ່ອງລະບາຍນໍ້າເປື້ອນ ແລະ ຕິດຕັ້ງໂປມສູບສົ່ງນ້ຳຫ້ວຍລົງກົງ, ກໍ່ສ້າງປັບປຸງຍົກລະດັບຖະໜົນໄກສອນ ພົມວິຫານ, ກໍ່ສ້າງຍົກລະດັບຖະໜົນຟ້າງຸ່ມ, ປັບປຸງສະໜາມຂີ້ເຫຍື້ອ​ໃຫ້ຖືກຫຼັກສຸຂະອະນາໄມ, ກໍ່ສ້າງສິ່ງອຳນວຍຄວາມສະດວກສຳລັບການແຍກຂີ້ເຫຍື້ອ ແລະ ໂຮງງານຝຸ່ນບົ່ມ ​ແລະ ຈັດຊື້ພາຫະນະໃຫ້ແກ່ສະໜາມຂີ້ເຫຍື້ອ, ການກໍ່ສ້າງຄັນຄູກັນເຈື່ອນແມ່ນ້ຳຂອງຍາວ 980 ແມັດ ກວ້າງ 40 ຫາ 50 ແມັດ. ເມືອງພີນ ມີ 1 ໂຄງການຄື: ກໍ່ສ້າງຍົກລະດັບທາງປູຢາງໜຽວ 2 ຊັ້ນ ໃນເທສະບານ ພ້ອມກັບຮ່ອງລະບາຍນ້ຳທາງຍ່າງ ແລະ ໄຟເຍືອງທາງຍາວ 9 ກິໂລແມັດ. ນອກຈາກນີ້ ກໍ​ຈະມີການ​ກໍ່ສ້າງເສັ້ນທາງປູຢາງໜຽວສອງຊັ້ນ ພ້ອມຮ່ອງລະບາຍນ້ຳ ແລະ ໄຟເຍືອງທາງ ບ້ານແດນສະຫວັນ ເມືອງເຊໂປນ.
ຜ່ານມາທີມງານ ບໍລິສັດທີ່ປຶກສາເຂົ້າມາໃຫ້ການສະໜັບສະໜູນນຳພາການຈັດຕັ້ງປະຕິບັດເປັນຂົວຕໍ່ໃນການລາຍງານໃຫ້ທະນາຄານພັດທະນາອາຊີ ແລະ ມີການຈັດຝຶກອົບຮົມສ້າງຄວາມເຂັ້ມແຂງໃຫ້ໂຄງການມາ​ແລ້ວ ເຊິ່ງແມ່ນບໍລິສັດ ກຣອນມິດ ຫຼື ສະວີໂກ້ ຮ່ວມກັບ ບໍລິສັດລາວອາຊີ ໃຫ້ການປຶກສາການຈັດຕັ້ງປະຕິບັດໂຄງການ ເຊິ່ງເລີ່ມມາແຕ່ປີ 2014 ຫາ ວັນທີ 30 ມິຖຸນາ 2017 ແມ່ນສິ້ນສຸດສັນຍາ, ແຕ່ເນື່ອງຈາກວ່າການຈັດຊື້-ຈັດຈ້າງ ຄຸ້ມຄອງສະໜາມກໍ່ສ້າງມີການຊັກຊ້າ ຈຶ່ງມີການຕໍ່ສັນຍາ ກັບບໍລິສັດດັ່ງກ່າວອອກຈົນເຖິງວັນທີ 30 ກັນຍາ 2018 ເຊິ່ງມີ 2 ໜ້າວຽກຄື: ວຽກຄຸ້ມຄອງສະໜາມຮອດທ້າຍເດືອນກໍລະກົດ ແລະ ວຽກອອກແບບກັນເຈື່ອນແຄມຂອງຮອດທ້າຍເດືອນກັນຍາ 2018.

- Wave100S AD to Website 2020 0 - ເຊັນສັນຍາຈັດຊື້-ຈັດຈ້າງ ໂຄງການພັດທະນາຕົວເມືອງ ຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ
- WhatsApp Image 2020 05 27 at 5 - ເຊັນສັນຍາຈັດຊື້-ຈັດຈ້າງ ໂຄງການພັດທະນາຕົວເມືອງ ຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ
- WhatsApp Image 2020 05 27 at 5 - ເຊັນສັນຍາຈັດຊື້-ຈັດຈ້າງ ໂຄງການພັດທະນາຕົວເມືອງ ຕາມແລວທາງເສດຖະກິດຕາເວັນອອກ-ຕາເວັນຕົກ ອະນຸພາກພື້ນແມ່ນ້ຳຂອງ
error: Alert: ເນື້ອຫາຂ່າວມີລິຂະສິດ !!