ບົດຮຽນການແກ້ໄຂ ບາງຄະດີໃນຕ່າງແດນ

- 9522 - ບົດຮຽນການແກ້ໄຂ ບາງຄະດີໃນຕ່າງແດນ
- Untitled design - ບົດຮຽນການແກ້ໄຂ ບາງຄະດີໃນຕ່າງແດນ

# ວິເສດ ສະແຫວງສຶກສາ

ມື້ນີ້ຂໍພາ ທ່ານ ຜູ້ອ່ານໄປ ເບິ່ງການຕັດສິນ 3 ຄະດີຢູ່ ບາງປະເທດ ເຊິ່ງຢູ່ບ້ານເຮົາ ກໍພວມ ປະເຊີນຢູ່ບໍ່ໜ້ອຍຄືກັນ ເຊັ່ນບັນຫາຢາເສບຕິດ, ການ ຄ້າມະນຸດ ແລະ ການຫລິ້ນ ການພະນັນ ທີ່ຜິດກົດໝາຍ.

ເປັນຫວ່ງເລື່ອງການພະນັນປະກົດມາຫລາຍຮູບແບບ

ຫລຸດຜ່ອນການພະນັນແມ່ນໜຶ່ງປັດໄຈປະຢັດ

ຫວ່າງບໍ່ເຫິງມານີ້ ມີ ຂ່າວວ່າ ເຈົ້າໜ້າທີ່ຕຳຫລວດ ຫວຽດນາມ ໄດ້ບຸກເລິກຮື້ ບ່ອນມົ້ວສຸມຫລິ້ນການພະນັນ ອອນລາຍໃນລະດັບ “ອິນເຕີ” ເພາະມີເຄືອຂ່າຍເສີບເວີບໍລິ ການຕັ້ງຢູ່ປະເທດຟີລິບປິນ.

ຜ່ານບັ້ນເລິກຮື້ໃນ ຫລາຍໆຕົວເມືອງໃຫຍ່, ເຈົ້າ ໜ້າທີ່ສາມາດຈັບຫົວໂປ່ໂຕ ການໄດ້ 6 ຄົນສ່ວນຂອງ ກາງກໍມີລົດໃຫຍ່ 3 ຄັນ ແລະ ເງິນສົດອີກຫລາຍແສນ ໂດລາສະຫະລັດ.

ຜ່ານການສອບສວນ ເລື່ອງກໍແຈ້ງຈ່າງປ່າງ ວ່າ ເຄື່ອຂ່າຍການພະນັນອອນ ລາຍນີ້ດຳເນີນມາແຕ່ປີ 2015 ພຸ້ນ, ຍອດເງິນທີ່ທຸ່ມເທໃສ່ ການພະນັນນີ້ມີສູງເຖິງ 87 ລ້ານໂດລາສະຫະລັດ.

ເມື່ອສຶບໄປຮອດ ສູນບໍລິ ການເສີບເວີຢູ່ຟີລິບປິນ ກໍໄດ້ ລາຍລະອຽດຕື່ມວ່າ ເຄື່ອຂ່າຍ ການພະນັນອອນລາຍນີ້ດຳ ເນີນເປັນຫລາຍພາສາສ່ວນ ກິລາທີ່ເປັນເປົ້າລົງເງິນພະ ນັນກັນນັ້ນກໍມີຫລາຍປະເພດບໍ່ແມ່ນມີແຕ່ພະນັນກິລາບານເຕະເທົ່ານັ້ນ.

- Wave100S AD to Website 2020 0 - ບົດຮຽນການແກ້ໄຂ ບາງຄະດີໃນຕ່າງແດນ

ການເລີກຮື້ແຫລ່ງມົ້ວ ສຸມການພະນັນອອນລາຍຢູ່ ຫວຽດນາມຄັ້ງນີ້ມີຂຶ້ນໃນຂະນະທີ່ຫລາຍປະເທດໃນອາ ຊຽນໄດ້ເອົາມາດຕະການ ເຄັ່ງຄັດເພື່ອກຳຈັດການພະ ນັນກິລາບານເຕະໂລກທີ່ຫາ ກໍສິ້ນສຸດລົງໃນວັນທີ 15 ເດືອນກໍລະກົດນີ້ ທີ່ລັດເຊຍ.
ຢູ່ຫວຽດນາມ, ໃຜຫລິ້ນ ຫລື ຈັດຕັ້ງຫລິ້ນການພະນັນ ແບບຜິດກົດໝາຍນັ້ນມີສິດ ທີ່ຈະໄປນອນຢູ່ກົ້ນຄຸກເປັນ ເວລາສູງສຸດ 10 ປີ.
ສ່ວນການພະນັນທີ່ທຸກ ຄົນຫລິ້ນໄດ້ກໍມີແຕ່ຫວຍລັດ ຖະບານ. ສູນການພະນັນ (ກາຊິໂນ) ຢູ່ຫວຽດນາມ ນັ້ນ ມີໄວ້ສະເພາະໃຫ້ຄົນຕ່າງປະ ເທດເຂົ້າຫລິ້ນແຕ່ກໍມີຂ່າວ ວ່າ ອາດມີແຜນທົດລອງອະ ນຸຍາດໃຫ້ຄົນຫວຽດນາມ ເຂົ້າຫລິ້ນໄດ້ແຕ່ຕ້ອງເປັນ ຜູ້ທີ່ມີອາຍຸສູງກວ່າ 21 ປີ ຂຶ້ນໄປ ແລະ ມີລາຍຮັບຢ່າງ ໜ້ອຍ 430 ໂດລາສະຫະລັດ ຕໍ່ເດືອນ.

ຕໍ່ໄປແມ່ນເລື່ອງການຄ້າມະນຸດຢູ່ ມາເລເຊຍ ໃນຮູບ ພາຕົວແມ່ຍິງໄປຂາຍຕໍ່ ເລື່ອງ ມີຢູ່ວ່າສາວຟີລິບປິນສາມຄົນທີ່ເຮັດໜ້າທີ່ເປັນສາວບໍລິ ການຢູ່ເທັກແຫ່ງໜຶ່ງໃນ ເມືອງລາບວນ (Labuan) ມາເລເຊຍ ໄດ້ຂໍຮ້ອງໃຫ້ ທ້າວ ຣາດີມານ ຊ່ວຍພວກຕົນ ໂຕນ ອອກຈາກຮ້ານບໍລິການການບັນເທີງ.

ທ້າວ ຣາດີມານ ຕົກລົງ ແຕ່ຂໍຄ່າເມື່ອຍເປັນເງິນ 1,300 ຣິງກິດ (ປະມານ ກວ່າ 300 ໂດລາສະຫະລັດ) ໃນນັ້ນຕ້ອງຈ່າຍກ່ອນ 500 ຣິງກິດ, ເມື່ອໄປຮອດເປົ້າ ໝາຍຈຶ່ງຈ່າຍສ່ວນເຫລືອ.

ຈາກນັ້ນຊາຍຜູ້ກໍ່ເຫດ ພັດ ເອົາສາວຟີລິບປິນລົງເຮືອ ແລ້ວເບັດໜ້າໄປຝັ່ງປະເທດ ບຼໄນ ພໍໄປຮອດກໍມີຊາຍສອງ ຄົນຄຸມຕົວແມ່ຍິງທັງສາມ ອອກໄປ. ແນ່ນອນກໍຄົງເປັນ ການເອົາໄປຂາຍຕໍ່ ເປັນອັນ ວ່າສາວທັງສາມໄປພົບກັບ ຂຸມນາຮົກແຫ່ງໃໝ່.
ສຸດທ້າຍ ທ້າວ ຣາດີມານ ກໍຖືກຈັບໃນວັນທີ 25 ເດືອນ ພຶດສະພາ ປີນີ້ ແລະ ຖືກລາກ ຄໍຂຶ້ນສານເຂົາຖືກຕັດສິນ ໃຫ້ໄປນອນຢູ່ກົ້ນຄຸກ 4 ປີ, ຖືກ ຂ້ຽນສອງບາດ ແລະ ຖືກປັບ ໄໝເປັນເງິນ 6,623 ໂດລາ ສະຫະລັດ.

ສຳລັບຄະດີຢາເສບຕິດ ນັ້ນ ປະເທດ ສີລັງກາ ໄດ້ຕົກ ລົງກຳນົດໂທດປະຫານຊີວິດສະເພາະຜູ້ຄ້າຂາຍຢາເສບ ຕິດທີ່ບໍ່ຫລາບບໍ່ຈື່ ເປັນຈັກ ເທື່ອຍັງດື້ດ້ານເຄື່ອນໄຫວ ຄ້າຂາຍຢາເສບຕິດໃນຂະ ນະທີ່ຮັບໂທດຕິດຄຸກ, ສ່ວນຜູ້ ຕິດຄຸກຍ້ອນຄ້າຢາເສບຕິດ ຫລາຍກວ່າ 1 ຄັ້ງກໍມີສິດຖືກ ປະຫານຊີວິດເຊັ່ນກັນ.

ໃນປັດຈຸບັນມີນັກ ໂທດ ປະຫານຍ້ອນຄ້າຢາເສບຕິດ ຈຳນວນ 19 ຄົນ ເຊິ່ງກຽມ ຖືກແຂວນຄໍຍ້ອນວ່າພວກ ເຂົາຍັງສືບຕໍ່ຄ້າຢາເສບຕິດ ໃນຂະນະຢູ່ໃນຄຸກ.

ເວົ້າໄດ້ວ່າສີລັງກາປະ ເທດສາສະໜາພຸດ ຂັ້ນແນວ ໜ້າປະເທດໜຶ່ງໄດ້ເອົາມາດ ຕະການເຄັ່ງຄັດທີ່ສຸດກ່ຽວ ກັບການຄ້າຢາເສບຕິດເພື່ອ ປ້ອງກັນບໍ່ໃຫ້ມີການຄ້າຂາຍຢາເສບຕິດພາຍໃນຄຸກ ແລະ ເພື່ອປາບສັນດານບໍ່ຫລາບບໍ່ ຈື່ເປັນຈັກເທື່ອເພາະບາງຄົນ ນັ້ນເຂົ້າກັບອອກຄຸກສ່ຳກັ່ນ ແຕ່ກໍບໍ່ຍອມເຊົາຄືເກົ່າ./.

- 9522 - ບົດຮຽນການແກ້ໄຂ ບາງຄະດີໃນຕ່າງແດນ
(ພາບປະກອບ)
- WhatsApp Image 2020 05 27 at 5 - ບົດຮຽນການແກ້ໄຂ ບາງຄະດີໃນຕ່າງແດນ
- WhatsApp Image 2020 05 27 at 5 - ບົດຮຽນການແກ້ໄຂ ບາງຄະດີໃນຕ່າງແດນ
error: Alert: ເນື້ອຫາຂ່າວມີລິຂະສິດ !!