ຜັກກະຫລໍາປີ ຊ່ວຍຫຼຸດອາການຄັດນົມຂອງແມ່ຫຼັງເກີດລູກໃໝ່ໄດ້

- 1146 20160325101854 1tuktfjltv5fgj2a6lug5ccps7 934326 - ຜັກກະຫລໍາປີ ຊ່ວຍຫຼຸດອາການຄັດນົມຂອງແມ່ຫຼັງເກີດລູກໃໝ່ໄດ້
- Untitled design - ຜັກກະຫລໍາປີ ຊ່ວຍຫຼຸດອາການຄັດນົມຂອງແມ່ຫຼັງເກີດລູກໃໝ່ໄດ້

ສໍາລັບແມ່ຫຼັງເກີດລູກໄດ້ປະມານ 3-4 ວັນ, ຫຼາຍຄົນຄົງເຄີຍປະສົບບັນຫາເຕົ້ານົມຄັດ ຊຶ່ງຖືເປັນເລື່ອງປົກກະຕິ, ສ່ວນສາເຫດມາຈາກຮ່າງກາຍສ້າງນໍ້ານົມໄດ້ຫຼາຍກວ່າປະລິມານທີ່ລູກກິນ ລວມເຖິງການທີ່ແມ່ປະຊ່ວງໃຫ້ລູກກິນນົມດົນເກີນໄປ ຫຼື ບໍ່ໄດ້ບີບປໍ້ານໍ້ານົມອອກໃນຊ່ວງທີ່ລູກບໍ່ໄດ້ດູດ ຈົນເຮັດໃຫ້ມີນໍ້ານົມສະສົມໃນເຕົ້າຫຼາຍເກີນໄປ ສົ່ງຜົນໃຫ້ເຕົ້ານົມມີຂະໜາດໃຫຍ່, ລານນົມຕຶງແຂງ, ເຕົ້ານົມຈະຮ້ອນ ແລະ ຜິວມີສີແດງ ບາງຄັ້ງອາດເຮັດໃຫ້ເປັນໄຂ້ພ້ອມ.

ການໃຊ້ກະຫລໍາປີໂອບເຕົ້ານົມ ເພື່ອຫຼຸດອາການເຈັບປວດ ລວມເຖິງການແກ້ນົມຄັດຫຼັງເກີດລູກໃໝ່ໄດ້ອີກດ້ວຍ ເນື່ອງຈາກກະຫລໍາປີເປັນພືດສະໝຸນໄພຊະນິດເຢັນ, ມີຊັບພະຄຸນ ທັງເປັນຢາປ້ອງກັນການຕິດເຊື້ອ, ປ້ງກັນການລະຄາຍເຄືອງ ເນື່ອງຈາກມີສານໄຟໂຕເອສໂຕເຈນ ຊ່ວຍຫຼຸດອາການຄັ່ງຂອງສານນໍ້າໃນເນື້ອເຫຍື່ອບໍລິເວນເຕົ້ານົມ ມີລິດດູດຊັບຄວາມຮ້ອນ, ສາມາດຫຼຸດອາການອັກເສບ ເຮັດໃຫ້ອາການເຈັບເຕົ້ານົມຫຼຸດລົງຢ່າງໄດ້ຜົນ. ນອກນີ້ຍັງພົບວ່າ ຄວາມເຢັນຈາກໃບກະຫລໍາປີ ເຮັດໃຫ້ເສັ້ນເລືອດຫົດຕົວ, ຫຼຸດການໄຫຼວຽນຂອງເລືອດ, ສົ່ງຜົນໃຫ້ອາການບວມຫຼຸດລົງ ແລະ ຄວາມເຢັນເຮັດໃຫ້ການຮັບຄວາມຮູ້ສຶກເຈັບປອດຂອງ​ໄຍປະສາດຂະໜາດນ້ອຍມີປະສິດທິພາບຫຼຸດລົງ ເຮັດໃຫ້ການນໍາກະແສປະສາດຮັບຄວາມເຈັບປວດຫຼຸດລົງ.

  • ສໍາລັບວິທີການໃຊ້
  • ໃຫ້ເອົາໃບກະຫລໍາປີສີຂຽວ ຕັດກ້ານແຂງອອກກ່ອນ
  • ແກະໃບກະຫລໍາປີອອກ ເລືອກໃບທີ່ມີຂະໜາດໃກ້ຄຽງກັບເຕົ້ານົມ
  • ແລ້ວລ້າງດ້ວຍນໍ້າສະອາດ ຫຼື ແຊ່ນໍ້າສົ້ມສາຍຊູ ເພື່ອລ້າງສານພິດ
  • ຈາກນັ້ນນໍາໃບກະຫລໍາປີແຊເຢັນທີ່ຊ່ອງແຂງ ໃຊ້ເວລາປະມານ 20-30 ນາທີ
  • ກ່ອນນໍາໄປໂອບເຕົ້ານົມ ບີບໃບກະລໍາປີດ້ວຍມືຄ່ອຍໆ ແກະເອົາເສັ້ນ​ໄຍທີ່ແຂງອອກ ໃຊ້ມີດ ຫຼື ໃຊ້ເຂັມແທງຕາມໃບກະລໍາປີ ເພື່ອໃຫ້ເສັ້ນ​ໄຍແຕກ ແລ້ວນໍາໄປຫຸ້ມເຕົ້ານົມ ແລະ ອາດເຖິງບໍລິເວນກ້ອງຂີ້ແຮ້ຖ້າມີກ້ອນບວມຂຶ້ນກ້ອງຂີ້ແຮ້ ນຸ່ງເສື້ອຊ້ອນໃນປິດທັບ ຫຼື ໃຊ້ຜ້າພັນທັບໄວ້ປະມານ 20 ນາທີ.

- cabbage1 - ຜັກກະຫລໍາປີ ຊ່ວຍຫຼຸດອາການຄັດນົມຂອງແມ່ຫຼັງເກີດລູກໃໝ່ໄດ້

- Wave100S AD to Website 2020 0 - ຜັກກະຫລໍາປີ ຊ່ວຍຫຼຸດອາການຄັດນົມຂອງແມ່ຫຼັງເກີດລູກໃໝ່ໄດ້

 

 

- WhatsApp Image 2020 05 27 at 5 - ຜັກກະຫລໍາປີ ຊ່ວຍຫຼຸດອາການຄັດນົມຂອງແມ່ຫຼັງເກີດລູກໃໝ່ໄດ້
- WhatsApp Image 2020 05 27 at 5 - ຜັກກະຫລໍາປີ ຊ່ວຍຫຼຸດອາການຄັດນົມຂອງແມ່ຫຼັງເກີດລູກໃໝ່ໄດ້
error: Alert: ເນື້ອຫາຂ່າວມີລິຂະສິດ !!