ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ

- UAE - ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ
- AGL banner - ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ

ລັດ​ວິ​ສາ​ຫະກິດ​ດ້ານ​ພະລັງງານ ​ແລະ ການ​ຄ້າ​ຂອງ​ຈີນ ​ແລະ ສະຫະນະຄອນ ​ເອ​ເມຣັດ ອາຣັບ (UAE) ບັນລຸ​ຂໍ້​ຕົກລົງ​ການ​ຮ່ວມ​ມື​ລະດັບ​ທະວີ​ພາຄີ ​ໃນ​ລະຫວ່າງ​ການຢ້ຽມຢາມນະຄອນຫລວງອາບູດາບີຢ່າງເປັນທາງການ ເທື່ອທຳອິດ ຂອງປະທານາທິບໍດີ ສີ ຈິ້ນຜິງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ສີ ຈິ້ນຜິ​ງ ​ເດີນທາງ​ເຖິງ​ນະຄອນຫລວງ​ອາ​ບູດາ​ບີ ​ໃນ​ວັນ​ທີ 19 ກໍລະກົດ ​ເພື່ອ​ປະຕິບັດ​ພາລະກິດ​ຢ້ຽມຢາມ​ຢ່າງ​ເປັນ​ທາງ​ການ​ເປັນ​ເວລາ 3 ວັນ ​ແລະ ​ເປັນ​ການ​ຢ້ຽມຢາມ​ເທື່ອ​ທຳ​ອິດ​ຢ່າງ​ເປັນ​ທາງ​ການ​ໃນ​ຖານະ​ຜູ້ນຳ​ຈີນ ​ໂດຍ​ທ່ານ ຊີກ ​ໂມ​ຮຳ​ເໝັດ ບິນ ຊາ​ເຢັດ ອັລ ນາ​ຍານ ມົງກຸດຣາຊະ​ກຸ​ມານ​ແຫ່ງ​ອາ​ບູ​ດາ​ບີ ​ໃຫ້ການ​ຕ້ອນຮັບ ​ແລະ ສະ​ແດງ​ຄວາມ​ຍິນ​ດີ​ຕໍ່​ການ​ມາ​ຢ້ຽມຢາມ​ຂອງ​ຜູ້ນຳ​ຈີນ​ວ່າ: ຄື​ປະຫວັດສາດ ​ແລະ ຈະ​ເປັນ​ການ​ເປີດ​ສັກກະ​ລາດ​ໃໝ່​ໃຫ້​ການ​ຮ່ວມ​ມື​ລະຫວ່າງ​ສອງ​ປະ​ເທດ​ໃນ​ທຸກ​ດ້ານ ​ແລະ ມີ​ການ​ພັດທະນາ​ໃນ​ຫລາຍ​ມິ​ຕິ.

ທັງ​ນີ້, ບໍລິສັດ​ອາ​ບູດາ​ບີ ​ເນ​ຊັນ​ແນ​ລ ອອຍ ​ເຊິ່ງ​ເປັນ​ລັດ​ວິ​ສາ​ຫະກິດ​ດ້ານ​ປິ​ໂຕຣລຽມຂອງ UAE ​ແລະ ບໍລິສັດ ບີ​ຈີ​ພີ ​ເຊິ່ງຢູ່​ໃນ​ເຄືອ​ຂ່າຍ​ຂອງ​ໄຊ​ນາ ​ເນ​ຊັນ​ແນ​ລ ປິ​ໂຕຣລຽມ ລັດ​ວິ​ສາ​ຫະກິດ​ດ້ານ​ພະລັງງານ​ຂອງ​ຈີນ ບັນລຸ​ຂໍ້​ຕົກລົງ​ຮ່ວມ​ກັນ​ເປັນ​ສັນຍາ 2 ສະບັບ ມູນ​ຄ່າ 1.600 ລ້ານ​ໂດ​ລາ​ສະຫະລັດ ​ໃນ​ການ​ໃຫ້ ບີ​ຈີ​ພີ ​ເຂົ້າມາ​ສຳ​ຫລວດ​​ຫາ​ແຫ​ລ່ງນ້ຳມັນ​ດິບ ​ແລະ ​ແກັສທຳ​ມະ​ຊາດທັງ​ໃນ​ດິນ ​ແລະ ນອກ​ຝັ່ງ​ຂອງ UAE ຄວບ​ຄຸມ​ບໍລິ​ເວນ 53.000 ຕາ​ກິ​ໂລ​ແມັດ.

- Wave100S AD to Website 2020 0 - ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ

ນອກຈາກ​ນີ້, ບໍລິສັດດີ​ພີ ​ເວິລ ໜ່ວຍ​ງານ​ລັດ​ວິ​ສາ​ຫະກິດ​ອີກ​ແຫ່ງ​ໜຶ່ງ​ຂອງ UAE ​ແລະ ກຸ່ມ​ບໍລິສັດ​ໂພ​ກກະ​ພັນ​ເຈີ​ຈຽງ ​ໄຊ​ນາ ບັນລຸ​ຂໍ້​ຕົກລົງ​ຮ່ວມ​ກັນ ​ໃນ​ການ​ກໍ່ສ້າງ​ເຂດ​ເສດຖະກິດ​ພິ​ເສດ​ຄວບ​ຄຸມພື້ນທີ່ 3 ຕາ​ກິ​ໂລ​ແມັດ ​ໃນ​ເຂດ​ເຈ​ເບ​ລ ອາລີ ຂອງ​ນະຄອນຫລວງ​ອາ​ບູດາ​ບີ ​ເຊິ່ງປັດຈຸບັນ​ເປັນ​ເຂດ​ການ​ຄ້າ​ເສລີ​ຂະໜາດ​ໃຫຍ່​ທີ່​ສຸດ​ໃນ​ຕາ​ເວັນ​ອອກ​ກາງ.

- WhatsApp Image 2020 05 27 at 5 - ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ
- WhatsApp Image 2020 05 27 at 5 - ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ
- WhatsApp Image 2020 05 27 at 5 - ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ
- WhatsApp Image 2020 05 27 at 5 - ຈີນ-ຢູເອອີ ບັນລຸຂໍ້ຕົກລົງດ້ານພະລັງງານ ແລະ ການຄ້າ
error: Alert: Content is protected !!