ພຽງ​ສອງ​ເດືອນການນຳເຂົ້າ ແລະ ສົ່ງອອກສິນຄ້າ​ຂອງ​ລາວ ບັນລຸ 1.765 ກວ່າລ້ານໂດລາ

- MMG - ພຽງ​ສອງ​ເດືອນການນຳເຂົ້າ ແລະ ສົ່ງອອກສິນຄ້າ​ຂອງ​ລາວ ບັນລຸ 1.765 ກວ່າລ້ານໂດລາ
- Untitled design - ພຽງ​ສອງ​ເດືອນການນຳເຂົ້າ ແລະ ສົ່ງອອກສິນຄ້າ​ຂອງ​ລາວ ບັນລຸ 1.765 ກວ່າລ້ານໂດລາ

ກະຊວງ​ອຸດສາຫະກຳ ​ແລະ ການ​ຄ້າ ​ໃຫ້​ຮູ້​ວ່າ: ​ມູນຄ່າການນຳເຂົ້າ ແລະ ການສົ່ງອອກ ສິນຄ້າຂອງລາວໃນໄລຍະ 2 ເດືອນຜ່ານມາ ບັນລຸ​ໄດ້ 1.765 ລ້ານໂດລາສະຫະລັດ ​ເຊິ່ງສິນຄ້າສົ່ງອອກຫລັກ​ແມ່ນໄຟຟ້າ, ທອງ ແລະ ແຮ່ທອງ, ໂຄງຮ່າງກ້ອງບັນທຶກພາບ, ເຄື່ອງໃຊ້ໄຟຟ້າ, ຄຳປະສົມ ແລະ ເຄື່ອງນຸ່ງຫົ່ມ, ສ່ວນສິນຄ້ານຳເຂົ້າຕົ້ນຕໍ​ແມ່ນນໍ້າມັນເຊຶ້ອໄຟ (ນໍ້າມັນແອັດຊັງ, ກາຊວນ ແລະ ກາດ), ເຄື່ອງໃຊ້ໄຟຟ້າ, ພາຫະນະທາງບົກ, ຊິ້ນສ່ວນອາໄຫລ່ ແລະ ອຸປະກອນກົນຈັກ, ​ໃນ​ນັ້ນ ສະ​ເພາະເດືອນມິຖຸນາຜ່ານມາ ມູນຄ່າການນໍາເຂົ້າ ແລະ ສົ່ງອອກບັນລຸໄດ້ທັງໝົດ 796,7 ລ້ານໂດລາສະຫະລັດ ຫລຸດລົງ 17,8% ​ເມື່ອ​ທຽບ​ໃສ່​ເດືອນຜ່ານມາ ໃນນີ້ການສົ່ງອອກປະຕິບັດໄດ້ຫລາຍ​ກວ່າ 400 ລ້ານໂດລາສະຫະລັດ ຫລຸດລົງ 10,8% ​ທຽບ​ໃສ່​ເດືອນຜ່ານມາ. ປະ​ເທດ​ສົ່ງ​ອອກ​ຕົ້ນຕໍ​ ແມ່ນ: ​ໄທ ມີມູນຄ່າ 179 ລ້ານໂດລາສະຫະລັດ, ຈີນ 105 ລ້ານກວ່າໂດລາ, ຫວຽດນາມ 59 ລ້ານໂດລາ, ອິນເດຍ 19 ລ້ານໂດລາ ແລະ ​ເຢຍລະ​ມັນ 4,9 ລ້ານໂດລາ.

ສ່ວນການນໍາເຂົ້າບັນລຸໄດ້ 396 ລ້ານໂດລາສະຫະລັດ ຫລຸດລົງ 23,9% ​​ທຽບ​ໃສ່​ເດືອນຜ່ານມາ, ປະ​ເທດ​ທີ່ ສປປ ລາວ​ ນໍາ​ເຂົ້າສ່ວນ​ໃຫຍ່ຍັງ​ແມ່ນ​ບັນດາ​ປະ​ເທດ​ທີ່​ມີ​ຊາຍ​ແດນ​ຕິດ​ຈອດ​ເຊັ່ນ: ​ໄທ ມູນຄ່າ 256 ລ້ານໂດລາ, ຈີນ 57 ລ້ານໂດລາ ແລະ ຫວຽດນາມ ມູນຄ່າ 49 ລ້ານໂດລາ. ນອກ​ນັ້ນ ຍັງ​ນໍາ​ເຂົ້າ​ມາ​ຈາກປະເທດ​ຍີ່ປຸ່ນ 6,3 ລ້ານໂດລາສະຫະລັດ, ສ.​ເກົາຫລີ 3 ລ້ານໂດລາສະຫະລັດ, ແບນຊິກ 3 ລ້ານໂດລາສະຫະລັດ ແລະ ຮົງກົງ 2,2 ລ້ານໂດລາ.

- Wave100S AD to Website 2020 0 - ພຽງ​ສອງ​ເດືອນການນຳເຂົ້າ ແລະ ສົ່ງອອກສິນຄ້າ​ຂອງ​ລາວ ບັນລຸ 1.765 ກວ່າລ້ານໂດລາ

ສຳລັບມູນຄ່າການຳເຂົ້າ ແລະ ສົ່ງອອກເດືອນພຶດສະພາຜ່ານ​ມາ ບັນລຸໄດ້ຫລາຍ​ກວ່າ 969 ລ້ານໂດລາສະຫະລັດ ເພີ່ມຂຶ້ນ 11,5% ເມື່ອທຽບໃສ່ເດືອນກ່ອນ ໃນນີ້ການສົ່ງອອກປະຕິບັດໄດ້ 449 ລ້ານກວ່າໂດລາ ເພີ່ມຂຶ້ນ 11,9%. ປະເທດສົ່ງອອກຕົ້ນຕໍແມ່ນ: ໄທ ມີມູນຄ່າ 217 ລ້ານກວ່າໂດລາສະຫະລັດ, ຈີນ 108 ລ້ານກວ່າໂດລາ, ຫວຽດນາມ 66,4 ລ້ານໂດລາ, ອິນເດຍ 13,2 ລ້ານໂດລາ ແລະ ເຢຍລະມັນ 8,1 ລ້ານໂດລາ, ສ່ວນການນໍາເຂົ້າບັນລຸໄດ້ກວ່າ 520 ລ້ານໂດລາສະຫະລັດ ເພີ່ມຂຶ້ນ 11,2% ​ເຊິ່ງການນໍາເຂົ້າສ່ວນໃຫຍ່ແມ່ນບັນດາປະເທດທີ່ມີຊາຍແດນຕິດຈອດກັບ ສປປ ລາວ ​ເປັນ​ຕົ້ນ​ແມ່ນ ໄທ ມີມູນຄ່າ 297 ລ້ານໂດລາ, ຈີນ 96,2 ລ້ານໂດລາ ແລະ ຫວຽດນາມ ມູນຄ່າກວ່າ 69 ລ້ານໂດລາສະຫະລັດ. ນອກນັ້ນ ຍັງນໍາເຂົ້າມາຈາກປະເທດ ສ.ເກົາຫລີ 8,8 ລ້ານໂດລາ, ຍີ່ປຸ່ນ 8,7 ລ້ານໂດລາ, ອິນໂດເນເຊຍ 7,4 ລ້ານໂດລາ ແລະ ອົດສະຕຣາລີ 5,6 ລ້ານໂດລາສະຫະລັດ.

- WhatsApp Image 2020 05 27 at 5 - ພຽງ​ສອງ​ເດືອນການນຳເຂົ້າ ແລະ ສົ່ງອອກສິນຄ້າ​ຂອງ​ລາວ ບັນລຸ 1.765 ກວ່າລ້ານໂດລາ
- WhatsApp Image 2020 05 27 at 5 - ພຽງ​ສອງ​ເດືອນການນຳເຂົ້າ ແລະ ສົ່ງອອກສິນຄ້າ​ຂອງ​ລາວ ບັນລຸ 1.765 ກວ່າລ້ານໂດລາ
error: Alert: ເນື້ອຫາຂ່າວມີລິຂະສິດ !!