ຄື້ນຄວາມຮ້ອນດັນອຸນຫະພູມ ໃນຍີ່ປຸ່ນສ້າງສະຖິຕິສູງເຖິງ 41,1 ອົງສາ

- DixYRtsVMAAtI5K - ຄື້ນຄວາມຮ້ອນດັນອຸນຫະພູມ ໃນຍີ່ປຸ່ນສ້າງສະຖິຕິສູງເຖິງ 41,1 ອົງສາ
- Untitled design - ຄື້ນຄວາມຮ້ອນດັນອຸນຫະພູມ ໃນຍີ່ປຸ່ນສ້າງສະຖິຕິສູງເຖິງ 41,1 ອົງສາ

ອິດ​ທິພົນ​ຂອງຄື້ນຄວາມ​ຮ້ອນ​ຍັງ​ແຜ່​ປົກ​ຄຸມ​ຍີ່ປຸ່ນ​ຢ່າງ​ໜັກ ​ໂດຍ​ອຸ​ນຫະພູມ​ໃນ​ວັນ​ທີ 23 ກໍລະກົດ​ນີ້​ສູງ​ເຖິງ 41,4 ອົງສາ ສູງ​ທີ່​ສຸດ​ເປັນ​ປະຫວັດສາດ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ອຸຕຸນິຍົມ​ວິທະຍາ​ຍີ່ປຸ່ນ (JMA) ອອກ​ປະກາດ​ສະບັບ​ທຳ​ອິດ​ຂອງ​ອາທິດ​ນີ້ ​ເຕືອນ​ໄພ​ປະຊາຊົນ​ເຊິ່ງອາ​ໄສ​ຢູ່​ໃນ​ພື້ນທີ່​ເຊິ່ງມີ​ອຸນຫະພູມ​ສູງ​ກວ່າ 35 ອົງສາ ​ເພີ່ມ​ຄວາມ​ລະມັດລະວັງ​ໃນ​ການ​ດຳ​ເນີນ​ຊີວິດ, ດື່ມນ້ຳ​ໃຫ້​ຫລາຍ​ຂຶ້ນ, ຢູ່​ໃນ​ສະຖານ​ທີ່​ມີ​ອາກາດ​ຖ່າຍ​ເທ ​ແລະ ຫລີກ​ເວັ້ນການ​ຢູ່​ກາງ​ແຈ້ງ​ເປັນ​ເວລາ​ດົນ ​ເພື່ອ​ຫລຸດ​ຄວາມ​ສ່ຽງ​ຂອງ​ການ​ເກີດ​​ໂຣກລົມ​ແດດ ​ແລະ ສະພາບ​ຂາດ​ນ້ຳ.

ຂະນະ​ດຽວ​ກັນ, JMA ລາຍ​ງານ​ການ​ວັດ​ແທກ​ອຸນຫະພູມ​ສູງ​ສຸດ​ປະຈຳ​ວັນ​ທີ 23 ກໍລະກົດ ​ໄດ້​ຢູ່​ເມືອງ​ຄຸ​ມາ​ກາ​ຍະ ​ແຂວງ​ໄຊ​ຕາ​ມະ ທີ່ຢູ່​ທາງ​ຕອນ​ກາງຂອງ​ເກາະ​ຮົນ​ຊູ ​ໄດ້ 41,1 ອົງສາ ທຳລາຍ​ສະຖິຕິ​ອຸນຫະພູມ​ສູງ​ທີ່​ສຸດ​ເປັນ​ປະຫວັດສາດ​ຂອງ​ຍີ່ປຸ່ນ. ນອກຈາກ​ນີ້ ອຸນຫະພູມ​ໃນ​ເມືອງ​ໂອ​ເມະ ທີ່​ຕັ້ງຢູ່​ທາງ​ຕາ​ເວັນ​ຕົກ​ຂອງ​ນະຄອນຫລວງ​ໂຕ​ກຽວ ສູງ​ເຖິງ 40,8 ອົງສາ ຖື​ເປັນ​ເທື່ອ​ທຳ​ອິດ​ໃນ​ປະຫວັດສາດ​ຂອງ​ປະ​ເທດ ​ໃນ​ກໍລະນີ​ທີ່​ອຸນຫະພູມ​ສູງ​ສະ​ເລ່ຍບໍລິ​ເວນ​ນະຄອນຫລວງ​ໂຕ​ກຽວ ​ແລະ ​ເຂດ​ໃກ້​ຄຽງ​ສູງ​ກວ່າ 40 ອົງສາ.

- Wave100S AD to Website 2020 0 - ຄື້ນຄວາມຮ້ອນດັນອຸນຫະພູມ ໃນຍີ່ປຸ່ນສ້າງສະຖິຕິສູງເຖິງ 41,1 ອົງສາ

ທັງ​ນີ້, ອິດ​ທິພົນ​ຂອງຄື້ນຄວາມ​ຮ້ອນ ​ເຊິ່ງ​ແຜ່​ປົກ​ຄຸມພື້ນທີ່​ສ່ວນ​ໃຫຍ່​ຂອງ​ປະ​ເທດ​ນັບ​ແຕ່​ຕົ້ນ​ເດືອນ​ກໍລະກົດ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 40 ຄົນ ​ໃນ​ຈຳນວນ​ນີ້ 11 ຄົນ​ເສຍ​ຊີວິດ​ສະ​ເພາະ​ໃນ​ວັນ​ທີ 21 ກໍລະກົດ​ວັນ​ດຽວ.

- WhatsApp Image 2020 05 27 at 5 - ຄື້ນຄວາມຮ້ອນດັນອຸນຫະພູມ ໃນຍີ່ປຸ່ນສ້າງສະຖິຕິສູງເຖິງ 41,1 ອົງສາ
- WhatsApp Image 2020 05 27 at 5 - ຄື້ນຄວາມຮ້ອນດັນອຸນຫະພູມ ໃນຍີ່ປຸ່ນສ້າງສະຖິຕິສູງເຖິງ 41,1 ອົງສາ
error: Alert: ເນື້ອຫາຂ່າວມີລິຂະສິດ !!