ທ່ານ ທຣຳ ເຕືອນອີຣານຢ່າມາຂູ່ອາເມລິກາ

- 1532321372690 960x0 - ທ່ານ ທຣຳ ເຕືອນອີຣານຢ່າມາຂູ່ອາເມລິກາ
- Untitled design - ທ່ານ ທຣຳ ເຕືອນອີຣານຢ່າມາຂູ່ອາເມລິກາ

ປະທານາທິບໍດີ ​ໂດ​ນັລ ທຣຳ ຜູ້ນຳ​ອາ​ເມ​ລິ​ກາ ​ເຕືອນ​ປະທານາທິບໍດີ ຮັສຊັນ ​ໂຣຮາ​ນີ ຜູ້ນຳ​ອີຣານວ່າ: ຢ່າ​ມາ​ຂົ່ມຂູ່​ອາ​ເມ​ລິ​ກາ​ອີກ, ພາຍຫລັງ​ຜູ້ນຳ​ອີຣານ​ເຕືອນ​ທ່ານ ທຣຳ ວ່າ: ຢ່າ​ດຳ​ເນີນ​ນະ​ໂຍບາຍ​ທີ່​ເປັນ​ປໍ​ລະ​ປັກ​ກັບ​ອີຣານ.

ທ່ານ ທຣຳ ສະ​ແດງ​ຂໍ້ຄວາມ​ລົງ​ທະວິ​ດ​ເຕີ​ວ່າ: ຢ່າ​ມາ​ຂົ່ມຂູ່​ອາ​ເມ​ລິ​ກາ​ອີກ ບໍ່​ສະນັ້ນຕ້ອງ​ຖືກ​ຕອບ​ໂຕ້​ໜັກໜ່ວງ​ແບບ​ບໍ່​​ເຄີຍ​ມີ​ມາ​ກ່ອນ, ຫລັງ​ຈາກ​ທ່ານ ​ໂຣຮາ​ນີ ກ່າວ​ໃນ​ວັນ​ທີ 22 ກໍລະກົດ​ວ່າ: ຢ່າ​ຄິດ​ເຮັດ​ສົງຄາມ​ກັບ​ອີຣານທີ່​ປຽບ​ເໝືອນ​​ເທບພະ​ເຈົ້າ​ແຫ່ງ​ສົງຄາມ, ​ແຕ່​ບໍ່​ໄດ້​ປະຕິ​ເສດ​ແນວທາງ​ສັນຕິພາບ​ລະຫວ່າງ​ອີຣານກັບ​ອາ​ເມ​ລິ​ກາ. ທ່ານ ທຣຳ ກ່າວ​ຕອບ​ກັບ​ວ່າ: ອາ​ເມ​ລິ​ກາ​ບໍ່​ແມ່ນ​ປະ​ເທດ​ທີ່​ຈະ​ທົນ​ຕໍ່​ຄຳ​ຂົ່ມຂູ່ ​ແລະ ​ໃຫ້​ອີຣານລະວັງ​ຕົວ​ໃຫ້​ດີ.

ປະທານາທິບໍດີ ​ໂຣຮາ​ນີ ຂອງ​ອີຣານ ​ເຕືອນ​ປະທານາທິບ​ໍດີ ທຣຳ ວ່າ: ບໍ່​ຄວນ​ຍົ່ວຍຸ​ອີຣານ ບໍ່​ສະນັ້ນຈະ​ຕ້ອງ​ເສຍ​ໃຈ​ຢ່າງ​ແນ່ນອນ ຫລັງ​ຈາກ​ໃນ​ປີຜ່ານມາ​ທ່ານ ທຣຳ ຕັດສິນ​ໃຈ​ນຳ​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ນິວ​ເຄຼຍລະຫວ່າງ​ອີຣານກັບ​ກຸ່ມ​ປະ​ເທດ​ມະຫາ​ອຳນາດ​ຕາ​ເວັນ​ຕົກ, ພ້ອມ​ທັງ​ສັ່ງ​ເພີ່ມ​ມາດ​ຕະການ​ລົງ​ໂທດ​ຕໍ່​ອີຣານ. ທ່ານ ​ໂຣຮາ​ນີ ຍັງ​ເນັ້ນອີກ​ວ່າ: ອາ​ເມ​ລິ​ກາ​ບໍ່​ສາມາດ​ຈະ​ລະງັບ​ອີຣານ​ໃນ​ການ​ຂາຍ​ນ້ຳ​ມັນ​ໃຫ້​ຕະຫລາດ​ໂລກ​ໄດ້ ຫລັງ​ຈາກ​ເຄີຍ​ກ່າວ​ວ່າ: ອີຣານຈະ​ຈະ​ຂັດຂວາງ​ເສັ້ນທາງ​ຂົນ​ສົ່ງນ້ຳມັນ​ຜ່ານ​ທາງ​ຊ່ອງ​ແຄ​ບຮໍ​ມູສ ຖ້າ​ການ​ສົ່ງ​ອອກ​ນ້ຳມັນ​ຂອງ​ອີຣານຖືກ​ຄຸມ​ຄາມ.

- Wave100S AD to Website 2020 0 - ທ່ານ ທຣຳ ເຕືອນອີຣານຢ່າມາຂູ່ອາເມລິກາ

ທ່ານ ​ໄມ ປອມ​ເປ​ໂອ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ກ່າວ​ວ່າ: ອາ​ເມ​ລິ​ກາ​ບໍ່​ຢ້ານ​ກົວ​ທີ່​ຈະ​ຮັບ​ມື​ກັບ​ອີຣານດ້ວຍ​ມາດ​ຕະການ​ລົງ​ໂທດ​ຂັ້ນສູງ​ສຸດ, ​​ໃນ​ເດືອນ​ພຶດສະພາ ທ່ານ ປອມ​ເປ​ໂອ ​ໄດ້​ເປີດ​ເຜີຍ​ຍຸດ​ທະ​ສາດ​ໃໝ່ ​ເພື່ອ​ບີບ​ບັງຄັບ​ໃຫ້​ອີຣານ​ປະຕິບັດ​ຕາມ​ຂໍ້​ຮຽກຮ້ອງ ​ແລະ ຢືນຢັນ​ວ່າ​ອາ​ເມ​ລິ​ກາ​ຕ້ອງການ​ໃຫ້​ທຸກ​ປະ​ເທດ​ຫລຸ​ດການ​ນຳ​​ເຂົ້ານ້ຳມັນ​ຈາກ​ອີຣານຈົນ​ເຫລືອ​ສູນ​ພາຍ​ໃນ​ວັນ​ທີ 4 ພະຈິກ ​ແລະ ຈະ​ມີ​ມາດ​ຕະການ​ອື່ນໆ​ຕາມ​ມາ​ອີກ.

- WhatsApp Image 2020 05 27 at 5 - ທ່ານ ທຣຳ ເຕືອນອີຣານຢ່າມາຂູ່ອາເມລິກາ
- WhatsApp Image 2020 05 27 at 5 - ທ່ານ ທຣຳ ເຕືອນອີຣານຢ່າມາຂູ່ອາເມລິກາ
error: Alert: ເນື້ອຫາຂ່າວມີລິຂະສິດ !!