ມືລະເບີດໂຈມຕີສະໜາມບິນກາບູນ ເສຍຊີວິດ 23 ຄົນ, ບາດເຈັບ 107 ຄົນ

- news LDSnossFSB212014 533 - ມືລະເບີດໂຈມຕີສະໜາມບິນກາບູນ ເສຍຊີວິດ 23 ຄົນ, ບາດເຈັບ 107 ຄົນ
- Untitled design - ມືລະເບີດໂຈມຕີສະໜາມບິນກາບູນ ເສຍຊີວິດ 23 ຄົນ, ບາດເຈັບ 107 ຄົນ

​ເຈົ້າໜ້າ​ທີ່​ອັບ​ກາ​ນິດ​ສະຖານ​ລາຍ​ງານ​ວ່າ: ມື​ລະ​ເບີດ​ຂ້າ​ຕົວ​ຕາຍ​ກໍ່​ເຫດ​ໂຈມ​ຕີ​ບໍລິ​ເວນ​ທາງ​ເຂົ້າສະໜາມ​ບິນ​ສາກົນ​ກາ​ບູນ ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 23 ຄົນ ​ແລະ ບາດ​ເຈັບ 107 ຄົນ ທ່າມກາງ​ປະຊາຊົນ​ທີ່​ມາ​ລໍຖ້າ​ຕ້ອນຮັບ​ທ່ານ ອັບ​ດຸລ ຣາຊິດ ດອສຕຸ​ມ ຮອງ​ປະທານາທິບໍດີ ກັບປະ​ເທດ​ຫລັງ​ຈາກ​ລີ້​ໄພ​ໃນ​ຕ່າງ​ແດນ.

​ເຈົ້າໜ້າ​ທີ່​ລະດັບ​ສູງ​ໃນ​ລັດຖະບານ, ຜູ້ນຳ​ທາງ​ການ​ເມືອງ ​ແລະ ກຸ່ມ​ຜູ້​ສະໜັບສະໜູນ ກຳລັງ​ທະຍອຍ​ເດີນທາງ​ອອກ​ຈາກ​ສະໜາມ​ບິນ ພາຍຫລັງ​ໃຫ້ການ​ຕ້ອນຮັບ​ຜູ້ນຳ​ຊາວ​ອຸ​ຊ​ເບ​ກຂະນະ​ທີ່​ລະ​ເບີດ​ເກີດຂຶ້ນ. ​ໂຄສົກ​ຖະ​ແຫລ​ງວ່າ: ທ່ານ ດອສຕຸ​ມ ​ເຊິ່ງ​ແຕ່ງ​ກາຍ​ແບບ​ຕາ​ເວັນ​ຕົກ ​​ແລະ ​ໃສ່​ຕາ​ເດີນທາງ​ໄປ​ດ້ວຍ​ລົດ​ຫຸ້ມ​ເກາະ ​ແລະ ບໍ່​ໄດ້​ຮັບ​ອັນຕະລາຍ ພາຍຫລັງ​ອາ​ໄສ​ຢູ່​ຕວກກີ​ມາ​ແຕ່​ປີ 2017. ​ໂຄສົກ​ສຳນັກງານ​ຕຳຫລວດ​ກາ​ບູນຖະ​ແຫລ​ງວ່າ: ມີ​ຜູ້​ເສຍ​ຊີວິດ 23 ຄົນ, ບາດ​ເຈັບ 107 ຄົນ ​ໂດຍ 9 ຄົນ​ໃນ​ຈຳນວນ​ຜູ້​ເສຍ​ຊີວິດ​ເປັນ​ເຈົ້າໜ້າ​ທີ່​ຄວາມ​ໝັ້ນຄົງ ​ແລະ ຕຳຫລວດ​ຈະລາຈອນ, ກຸ່ມ​ລັດ​ອິສລາມ (IS) ຖະ​ແຫລ​ງຜ່ານ​ທາງ​ສຳນັກ​ຂ່າວ​ອາ​ມັກ​ອ້າງ​ວ່າ​ເປັນ​ຜູ້​ກໍ່​ເຫດ​ໂຈມ​ຕີ. ​ໂຄສົກ​ກະຊວງ​ປ້ອງ​ກັນ​ປະ​ເທດ​ຖະ​ແຫລ​ງວ່າ: ມື​ລະ​ເບີດຍ່າງ​ມາ, ສ່ວນ​ຜູ້​ເຄາະ​ຮ້າຍ​ມີ​ທັງ​ພົນລະ​ເຮືອນ, ​ເດັກນ້ອຍ ​ແລະ ກອງ​ກຳລັງ​ຮັກສາ​ຄວາມ​ໝັ້ນຄົງ.

- Wave100S AD to Website 2020 0 - ມືລະເບີດໂຈມຕີສະໜາມບິນກາບູນ ເສຍຊີວິດ 23 ຄົນ, ບາດເຈັບ 107 ຄົນ
- WhatsApp Image 2020 05 27 at 5 - ມືລະເບີດໂຈມຕີສະໜາມບິນກາບູນ ເສຍຊີວິດ 23 ຄົນ, ບາດເຈັບ 107 ຄົນ
- WhatsApp Image 2020 05 27 at 5 - ມືລະເບີດໂຈມຕີສະໜາມບິນກາບູນ ເສຍຊີວິດ 23 ຄົນ, ບາດເຈັບ 107 ຄົນ
error: Alert: ເນື້ອຫາຂ່າວມີລິຂະສິດ !!