ການກໍ່ສ້າງ​ສະຖານີ​ລົດ​ເມໜອງຈັນ​ລ່າ​ຊ້າ​ກວ່າ​ກຳນົດ

- 19221722 1497702926963822 3040403990964098291 o - ການກໍ່ສ້າງ​ສະຖານີ​ລົດ​ເມໜອງຈັນ​ລ່າ​ຊ້າ​ກວ່າ​ກຳນົດ
- Untitled design - ການກໍ່ສ້າງ​ສະຖານີ​ລົດ​ເມໜອງຈັນ​ລ່າ​ຊ້າ​ກວ່າ​ກຳນົດ

ທ່ານ ​ເດດ​ສົງຄາມ ທຳ​ມະ​ວົງ ຫົວໜ້າພະ​ແນ​ກ​ໂຍທາ​ທິການ ​ແລະ ຂົນ​ສົ່ງ ນະຄອນຫລວງ​ວຽງຈັນ ​ໃຫ້​ຮູ້​ວ່າ: ນະຄອນຫລວງ​ວຽງຈັນ, ​ໄດ້​ດຳ​ເນີນ​ການ​ປັບປຸງ​ກໍ່ສ້າງ​ສະຖາ​ນີລົດ​ເມ​ແຫ່ງ​ໃໝ່ທີ່​ທັນ​ສະ​ໄໝ ​ເພື່ອ​ຄວາມ​ສະດວກ​ສະບາຍ​ພາຍ​ໃຕ້​ການ​ຄຸ້ມ​ຄອງ ​ແລະ ນຳ​ໃຊ້​ຂອງ​ລັດ, ຊຶ່ງ​ມີ​ບ່ອນ​ຈອດ​ລົດ​ເພື່ອ​ຫລຸດຜ່ອນ​ການ​ຈອດ​ລົດ​ຊະຊາຍ ​ແລະ ການ​ສັນຈອນ​ແອ​ອັດ, ຊຶ່ງ​ມາ​ຮອດ​ປັດຈຸບັນ​ເຫັນ​ວ່າຄວາມ​ຄືບໜ້າຂອງການກໍ່ສ້າງສະຖານີລົດເມແຫ່ງໃໝ່ບໍ່​ໄປ​ຕາມ​ແຜນການວາງໄວ້ ຫົວໜ້າພະ​ແນ​ກດັ່ງກ່າວ​ ໃຫ້​ຮູ້​ວ່າ: ​ໂຄງການ​ນີ້, ​ແມ່ນບໍລິສັດຈິດ​ຈະ​ເລີ​ນ ກໍ່ສ້າງຈຳກັດ ​ເປັນ​ຜູ້​ລົງທຶນ​ສຳ​ປະທານ, ​ໂດຍ​​ອອກ​ແບບ​ຮ່ວມກັນລະຫວ່າງບໍລິສັດ ນິກ​ເກນ ​ເຊ​ນ​ເກ​ອິ ຂອງ​ຍີ່ປຸ່ນ ທີ່​ເປັນ​ຜູ້​ອອກ​ແບບ​ຜັງ​ລວມຂອງສະຖານີ​ ​ແລະ ບໍລິສັດ ສສ.ຫຽດນາມ ​ອອກ​ແບບ​ລະອຽດ​ເພື່ອ​ກໍ່ສ້າງ​ທັງໝົດ, ​ເຊິ່ງ​ແມ່ນ​ບໍລິສັດຈິດ​ຈະ​ເລີ​ນກໍ່ສ້າງຈຳກັດ ​ເປັນ​ຜູ້​ລົງທຶນ​ສຳ​ປະທານ​ໃນ​ໄລຍະ 70 ປີ ແລະ ສາມາດ​ຕໍ່​ໄດ້​ອີກ 20 ປີ ດ້ວຍ​ມູນ​ຄ່າ​ລົງທຶນ 40 ​ລ້ານກວ່າ​ໂດ​ລາ​ສະຫະລັດ ແລະ ​ໄດ້​ເລີ່​ມລົງມື​ກໍ່ສ້າງ​ມາ​ແຕ່​ປີ 2015 ຕາມ​ແຜນການ​ແມ່ນ​ຈະ​ໃຊ້​ເວລາ​ກໍ່ສ້າງ 3 ປີ​ໃຫ້​ສຳ​ເລັດ ​ແລະ ​ເປີດ​ນຳ​ໃຊ້​ຢ່າງ​ເປັນ​ທາງ​ການ​ໃນ​ທ້າຍ​ປີ 2018 ແຕ່ມາ​ຮອດ​ປັດຈຸບັນ​, ການກໍ່ສ້າງມີ​ຄວາມ​ຄືບໜ້າພຽງ 25% ຂອງໜ້າວຽກ​ທັງໝົດ, ຊຶ່ງເຫັນ​ວ່າ​ມີ​ຄວາມ​ລ່າ​ຊ້າກວ່າ​ແຜນການ​ວາງ​ໄວ້​ຫລາຍສົມຄວນຍ້ອນ​ບັນຫາ​ຄວາມ​ຫຍຸ້ງຍາກຕ່າງໆ, ​ໂດຍ​ສະ​ເພາະການຍົກຍ້າຍ​ບັນດາ​ຮ້ານ​ຄ້າ ​ແລະ ​ຊາວຄ້າ​ຂາຍ​ຕ່າງໆ​ໃນ​ເຂດ​ຕອນ​ດິນ​ສະຖານີ​ລົດ​ເມ ​ແລະ ບໍລິ​ເວນ​ອ້ອມ​ຮອບ, ມີ​ການ​ປັບປຸງ​ແບບ​ເຕັກນິກ​ພາຍ​ໃນ​ອາຄານ, ປ່ຽນບໍ​ລິສັດ​ອອກ​ແບບ​ກໍ່ສ້າງ ​ແລະ ຄວາມ​ຄ່ອງ​ໂຕ​ທາງ​ດ້ານ​ເສດຖະກິດ ແລະ ​ທຶນ​ຮອນ ​ໃນ​ການ​ລົງທຶນ​ຂອງ​ບໍລິສັດ​ຜູ້ສຳ​ປະທານ ​ແລະ ​ໃນ​​ຜ່ານ​ມາ, ຄະນະ​ສະ​ເພາະ​ກິດ​ໄດ້​ເຊີນບໍລິສັດຈິດ​ຈະ​ເລີ​ນກໍ່ສ້າງຈຳກັດມາ​ປຶກສາ​ຫາລືແລ້ວ ​​ເພື່ອ​ສືບຕໍ່ລົງມື​ກໍ່ສ້າງໃຫ້​ສຳ​ເລັດ​ຕາມ​ແຜນການ​ວາງ​ໄວ້.

 

- Wave100S AD to Website 2020 0 - ການກໍ່ສ້າງ​ສະຖານີ​ລົດ​ເມໜອງຈັນ​ລ່າ​ຊ້າ​ກວ່າ​ກຳນົດ
- WhatsApp Image 2020 05 27 at 5 - ການກໍ່ສ້າງ​ສະຖານີ​ລົດ​ເມໜອງຈັນ​ລ່າ​ຊ້າ​ກວ່າ​ກຳນົດ
- WhatsApp Image 2020 05 27 at 5 - ການກໍ່ສ້າງ​ສະຖານີ​ລົດ​ເມໜອງຈັນ​ລ່າ​ຊ້າ​ກວ່າ​ກຳນົດ
error: Alert: ເນື້ອຫາຂ່າວມີລິຂະສິດ !!