ທະນາຄານ​ໂລກ​ສະໜອງ​ທຶນ 40 ລ້ານ​ໂດ​ລາສະຫະລັດປັບປຸງ​ເສັ້ນທາງ 13 ​ເຫນືອ

- Signing 3 - ທະນາຄານ​ໂລກ​ສະໜອງ​ທຶນ 40 ລ້ານ​ໂດ​ລາສະຫະລັດປັບປຸງ​ເສັ້ນທາງ 13 ​ເຫນືອ
- Untitled design - ທະນາຄານ​ໂລກ​ສະໜອງ​ທຶນ 40 ລ້ານ​ໂດ​ລາສະຫະລັດປັບປຸງ​ເສັ້ນທາງ 13 ​ເຫນືອ

ພິທີລົງນາມສັນຍາເງີ​ນກູ້​ຢືມລະຫວ່າງ​ລັດຖະບານລາວ ​ແລະ ທະນາຄານ​ໂລກ ສຳລັບ​ໂຄງການ​ປັບປຸງ ​ແລະ ສ້ອມແປງ​ເສັ້ນທາງ​ຫລວງ​ແຫ່ງ​ຊາດ​ເລກທີ 13 ​ເຫນືອ ຕາງໜ້າລັດຖະບານໂດຍທ່ານນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ ແລະ ທ່ານ ນີໂກລາ ປອນຕາຣາ ຫົວໜ້າຫ້ອງການທະນາຄານໂລກປະຈຳລາວ,​ ​ໄດ້​ມີ​ຂຶ້ນໃນວັນທີ 23 ກໍລະກົດນີ້, ທີ່ນະຄອນຫລວງວຽງຈັນ.

ໂຄງການ​ປັບປຸງ​ເສັ້ນທາງດັ່ງກ່າວມີຄວາມ​ຍາວ 58 ກິ​ໂລ​ແມັດ, ໂດຍຈະເລີ່ມລົງມືແຕ່​ເດືອນ​ມັງກອນ 2019-2021 ໃຫ້ສໍາເລັດ, ຈາກ​ນັ້ນໃຫ້ຜູ້ຮັບເໝົາເປັນຜູ້ບູລະນະ​ຮັກສາ 7 ປີ (2022-2028), ຊຶ່ງໄດ້​​ຈ້າງ​ບໍລິສັດ​ທີ່​ປຶກສາ LCG ​ເພື່ອ​ດຳ​ເນີນ​ການ​ສຶກສາ​ຜົນ​ກະທົບ​ດ້ານ​ສິ່ງ​ແວດ​ລ້ອມ ​ແລະ ສັງຄົມ​ແບບ​ຄົບ​ຊຸດ ​ແລະ ວ່າ​ຈ້າງ​ລັດ​ວິ​ສາ​ຫະກິດວິສະວະກຳຄົມມະນາຄົມ (ລວຄ) ດຳ​ເນີນ​ວຽກ​ສຳຫລວດ-ອອກ​ແບບມາ​ແຕ່​ປີ 2015, ​ໂດຍ​ການ​ສະໜັບສະໜູນ​ທີ່​ປຶກສາ​ຈາກ​ທະນາຄານ​ໂລກ, ຜ່ານ​ການ​ກະກຽມ ​ແລະ ປຶກສາຫາລື​ກັບຫລາຍ​ພາກສ່ວນ ມາ​ຮອດ​ເດືອ​ນສິງຫາ 2017 ລັດຖະບານ​ເຫັນ​ດີ​ດ້ານຫລັກການ​ຮັບຮອງ​ເອົາ​​ໂຄງການ ​ແລະ ເຫັນ​ດີ​ມອບໃຫ້​ກະຊວງ​ການ​ເງິນ​ທາ​ບທາມ​ເງິນ​ກູ້​ຈາກ​ສະ​ຖາ​ບັນ​ການ​ເງິນ​ສາກົນ​ຄື: ທະນາຄານ​ໂລກ, ກອງ​ທຶນ​ນໍ​ດິກ ​ແລະ ທະນາຄານ​ການ​ລົງທຶນ​ໂຄງ​ລ່າງ​ພື້ນຖານ​ອາຊີ ຄາດ​ວ່າຈະ​ມີ​ມູນ​ຄ່າ​ປະມານ 128 ລ້ານ​ໂດ​ລາ​ສະຫະລັດ ຫລື ປະມານ 10 ພັນ​ກວ່າ​ຕື້​ກີບ, ​ໃນ​ນີ້ທະນາຄານ​ໂລກ​ໃຫ້​ທຶນ 40 ລ້ານ​ໂດ​ລາສະຫະລັດ ແລະ ໄດ້​ເຈລະຈາຜ່ານ​ຜູ້​ບໍລິຫານ​ທະນາຄານ​ໂລກ​ແລ້ວ, ກອງ​ທຶນ​ນໍ​ດິກ​ໃຫ້​ທຶນ 9,5 ລ້ານ​ໂດ​ລາສະຫະລັດ ​ເພື່ອ​ຈ້າງ​ທີ່​ປຶກສາ​ຄຸມ​ງານ​ກໍ່ສ້າງ, ວຽກ​ຕ້ານ​ໄພພິບັດ ​ແລະ ຈ່າຍ​ຄ່າ​ຊົດ​ເຊີຍ​ສິ່ງ​ກິດ​ຂວາງ, ທະນາຄານ​ລົງທຶນ​ໂຄງ​ລ່າງ​ພື້ນຖານອາຊີຈະສະໜັບສະໜູນ 40 ລ້ານ​ໂດ​ລາສະຫະລັດ ​ແລະ ລັດຖະບານ​ລາວ 38,5 ລ້ານ​ໂດ​ລາສະຫະລັດ ຫລື ປະມານ 310 ຕື້​ກີບ. ​ໃນ​ນີ້ 14,5 ລ້ານ​ໂດ​ລາ​ສະຫະລັດຈ່າຍຄ່າ​ຊົດ​ເຊີຍ ​ແລະ 24 ລ້ານ​ໂດ​ລາສະຫະລັດຈ່າຍ​ໃນ​​ໄລຍະ​ບູລະນະ​ຮັກສາ. ນອກຈາກ​ມູນ​ຄ່າ 128 ລ້ານ​ໂດ​ລາສະຫະລັດນີ້​ແລ້ວ, ທະນາຄານ​ການ​ລົງທຶນ​ໂຄງ​ລ່າງ​ພື້ນຖານ​ອາຊີຍັງ​ໃຫ້​ງົບ​ກອງ​ທຶນ​ພິ​ເສດ ​ເພື່ອ​ຈ້າງ​ທີ່​ປຶກສາ​ຊ່ວຍ​ວຽກ​​ໄກ່​ເກ່ຍສິ່ງ​ກິດ​ຂວາງ ​ແລະ ກະກຽມ​ສຳ​ຫລວດອອກ​ແບບ​ໄລຍະທາງແຕ່ກິໂລແມັດ 21 ນະຄອນຫລວງ​ວຽງ​ຈັນ ຫາ ກິໂລແມັດ 71 ​ເພີ່ມ​ອີກ​ຈຳນວນ 995.000 ລ້ານ​ໂດ​ລາສະຫະລັດ.

- Wave100S AD to Website 2020 0 - ທະນາຄານ​ໂລກ​ສະໜອງ​ທຶນ 40 ລ້ານ​ໂດ​ລາສະຫະລັດປັບປຸງ​ເສັ້ນທາງ 13 ​ເຫນືອ
- WhatsApp Image 2020 05 27 at 5 - ທະນາຄານ​ໂລກ​ສະໜອງ​ທຶນ 40 ລ້ານ​ໂດ​ລາສະຫະລັດປັບປຸງ​ເສັ້ນທາງ 13 ​ເຫນືອ
- WhatsApp Image 2020 05 27 at 5 - ທະນາຄານ​ໂລກ​ສະໜອງ​ທຶນ 40 ລ້ານ​ໂດ​ລາສະຫະລັດປັບປຸງ​ເສັ້ນທາງ 13 ​ເຫນືອ
error: Alert: ເນື້ອຫາຂ່າວມີລິຂະສິດ !!