4  ເລື່ອງທີ່ຄວນໂຍນຖິ້ມເພື່ອຊີວິດທີ່ຈະເລີນຂຶ້ນ

- 042407 2018 - 4  ເລື່ອງທີ່ຄວນໂຍນຖິ້ມເພື່ອຊີວິດທີ່ຈະເລີນຂຶ້ນ
- Untitled design - 4  ເລື່ອງທີ່ຄວນໂຍນຖິ້ມເພື່ອຊີວິດທີ່ຈະເລີນຂຶ້ນ

ເລື່ອງລາວໃນຊີວິດຄົນເຮົານັ້ນບາງເທື່ອມັນກໍຄືກັນກັບນິທານເລື່ອງໜຶ່ງທີ່ມີເຮົາເປັນໂຕລະຄອນໃນເລື່ອງນັ້ນ ໂດຍປົກກະຕິ ນິທານນັ້ນຈະເລີ່ມຕົ້ນດ້ວຍຄວາມສຸກ ກາງເລື່ອງອາດຈະທຸກຈັກໜ້ອຍ ແຕ່ຕອນຈົບກໍຈະກ້ຽວກັບມາມີຄວາມສຸກຄືເກົ່າ ບາງເທື່ອກໍຫລາຍກ່ວາເກົ່າກໍມີ ນັ້ນເປັນຍ້ອນເຮົາໄດ້ຖິ້ມສິ່ງທີ່ບໍ່ສົມຄວນຕິດໂຕໄປໃນອະນາຄົດ ເຊິ່ງໃນຊີວິດຄົນເຮົາລ້ວນແຕ່ເຕັມໄປດ້ວຍເລື່ອງລາວຕ່າງໆນາໆ ທັງເລື່ອງດີ ແລະ ເລື່ອງຮ້າຍ ໂດຍສະເພາະກັບເລື່ອງທີ່ບໍ່ຄວນເສຍດາຍເປັນຢ່າງຍິ່ງ ເຊິ່ງໃນບາງເທື່ອເຮົາເອງກໍເອົາມນັມາຄິດຫລາຍກໍມີ ແລ້ວມັນກໍຈະເຮັດໃຫ້ເຮົາກັບມາເປັນທຸກກ້ຽວໄປວົນມາຢູ່ເລື້ອຍໆ ນັ້ນແມ່ນຄວາມຈຳເປັນຫລາຍທີ່ເຮົາຈະຕ້ອງຖິ້ມສິ່ງເຫລົ່ານີ້ໄປ ໂດຍບໍ່ຕ້ອງກັງວົນ ຫລື ຄິດເສຍດາຍເລີຍແມ່ນແຕ່ໜ້ອຍດຽວ.

  1. ມິດທໍລະຍົດ : ໃນຊີວິດນີ້ບໍ່ວ່າໃຜກໍຕ້ອງເຄີຍພົບມາແດ່ແລ້ວ ກັບສິ່ງນ້ອຍໆທີ່ເອີ້ນວ່າ ໝູ່ສະໜິດຄິດບໍ່ຊື່, ທໍລະຍົດຫັກຫລັງກັນມາບໍ່ໜ້ອຍ ເຊິ່ງຄົນເຫລົ່ານີ້ຖືໄດ້ວ່າເປັນສັດຕູຂອງຊີວິດທີ່ທັງຮັກນຳ ຊັງນຳ ໄປພ້ອມໆກັນ ຈະເວົ້າໄປຄິດເບິ່ງແລ້ວກໍຍັງແຄ້ນ ຄົບກັນມາກໍດົນ ແຕ່ກໍມາຫັກຫລັງກັນໄດ້ ສະນັ້ນ ຢ່າໄປຄິດເສຍດາຍຄົນບໍ່ດີແນວນີ້ ໝູ່ດີໆໃນຊີວິດຍັງມີອີກ ຫລາຍ.
  2. ຄວາມສຳພັນທີ່ບໍ່ຈະແຈ້ງ: ເປັນຫຍັງຄົນຍຸກນີ້ຈຶ່ງໄດ້ນິຍົມຄົບຫາກັນແບບບໍ່ມີສະຖານະ ແລ້ວເຄີຍລອງຖາມໂຕເອງເບິ່ງບໍ່ວ່າ ເຮົາສູນເສຍກັນໄປເທົ່າໃດແລ້ວກັບຄວາມສຳພັນທີ່ປາສະຈາກຊື່ເອີ້ນແບບນີ້ ? ເຊິ່ງໃນບາງເທື່ອການເປັນຝ່າຍທີ່ມອບຄວາມຈິງໃຈໃຫ້ ແຕ່ບໍ່ເຄີຍໄດ້ຮັບຫຍັງກັບມາເລີຍກໍສາມາດເຮັດໃຫ້ເຮົາເສຍຄວາມຮູ້ສຶກດີໆທີ່ມີຢູ່ໄປໄດ້ຄືກັນ ແລ້ວຖ້າຫາກເປັນແນວນັ້ນຈະມາເມົາຍອມເສຍເວລາໄປກັບຄວາມບໍ່ຈະແຈ້ງເຫລົ່ານີ້ຢູ່ເຮັດຫຍັງ ?
  3. ຄຳເວົ້າດີ ແຕ່ແຝງໄປດ້ວຍຄວາມທຳທ່າ : ຫລາຍຄົນອາດເຄີຍພົບຄົນທີ່ມັກຈະເວົ້າດີ ແຕ່ສຳຜັດແນວໃດກໍຮູ້ສຶກໄດ້ວ່າເຕັມໄປດ້ວຍຄວາມບໍ່ຈິງໃຈ ແລະ ທຳທ່າ ບໍ່ຈິງໃຈໃສ່ກັນແທ້ໆ ເຊິ່ງຄຳເວົ້າເຫລົ່ານີ້ຈັບຜິດໄດ້ບໍ່ຍາກ ເພາະເຊື່ອວ່າທຸກຄົນລ້ວນແຕ່ມີປະສາດສຳຜັດໃນການຮັບຮູ້ພໍສົມຄວນ ແລະ ຖ້າຫາກທ່ານແມ່ນຄົນທີ່ຮັກໂຕເອງຫລາຍພໍ ກໍຈົ່ງຢ່າເກັບເອົາການກະທຳ ແລະ ຄຳເວົ້າຈາກຄົນເຫລົ່ານີ້ມາໃສ່ໃຈຈະດີກ່ວາ ເພາະຈະເຮັດໃຫ້ຊີວິດເຮົາຈະເຕັມໄປດ້ວຍດ້ານມືດ ແລະ ບໍ່ມີຄວາມສຸກ.
  4. ຄວາມຮູ້ສຶກດີໆທີ່ໃຫ້ໄປຜິດຄົນ : ແມ່ນຢູ່ວ່າຄວາມຮູ້ສຶກຂອງຄົນເຮົາຖ້າຫາກໄດ້ລອງສູນເສຍມັນໄປແລ້ວ ກໍມັກຈະບໍ່ສາມາດເອີ້ນໃຫ້ມັນກັບຄືນມາເປັນຄືເກົ່າໄດ້ອີກ ການມອບຄວາມຮູ້ສຶກດີໆໃຫ້ໄປກັບໃຜຈັກຄົນກໍຄືກັນ ເຖິງວ່າສຸດທ້າຍແລ້ວ ມັນຈະເປັນການມອບໃຫ້ຜິດຄົນກໍຕາມ ເຮົາກໍບໍ່ສາມາດທີ່ຈະເອີ້ນໃຫ້ມັນກັບຄືນມາເປັນຄືເກົ່າໄດ້ອີກ ການມານັ່ງໂທດໂຕເອງວ່າບໍ່ໜ້າມອບຄວາມຮູ້ສຶກດີໆໃຫ້ໄປ ອາດບໍ່ແມ່ນທາງອອກໃນການແກ້ໄຂບັນຫາທີ່ດີພໍປານໃດ ເພາະມັນມີແຕ່ຈະເຮັດໃຫ້ ທ່ານເສຍເວລາອັນມີຄ່າທີ່ຈະມີໄວ້ ເຮັດສິ່ງທີ່ເປັນປະໂຫຍດຕໍ່ຊີວິດນັ້ນເສຍໄປລ້າໆ.

ຮູ້ແນວນີ້ແລ້ວ ລອງມາສຳຫລວດໂຕເອງເບິ່ງວ່າໃນຊີວິດກຳລັງມີ 4 ຢ່າງນີ້ທີ່ຈະຕ້ອງໂຍນຖິ້ມ ຫລືບໍ່ ? ຫາກທ່ານຕັດຖິ້ມໄດ້ ຊີວິດຂອງທ່ານຈະຈະເລີນເມືອໜ້າ.

- Wave100S AD to Website 2020 0 - 4  ເລື່ອງທີ່ຄວນໂຍນຖິ້ມເພື່ອຊີວິດທີ່ຈະເລີນຂຶ້ນ
- WhatsApp Image 2020 05 27 at 5 - 4  ເລື່ອງທີ່ຄວນໂຍນຖິ້ມເພື່ອຊີວິດທີ່ຈະເລີນຂຶ້ນ
- WhatsApp Image 2020 05 27 at 5 - 4  ເລື່ອງທີ່ຄວນໂຍນຖິ້ມເພື່ອຊີວິດທີ່ຈະເລີນຂຶ້ນ
error: Alert: ເນື້ອຫາຂ່າວມີລິຂະສິດ !!