​ທາງການແຂວງອັດຕະປືເລັ່ງອົບພະຍົບປະຊາຊົນຫລາຍພັນຄົນໜີນໍ້າຖ້ວມຫລັງເຂື່ອນເຊປຽນ-ເຊນໍ້ານ້ອຍແຕກ

- 37756853 505829233180094 4566015354836353024 n - ​ທາງການແຂວງອັດຕະປືເລັ່ງອົບພະຍົບປະຊາຊົນຫລາຍພັນຄົນໜີນໍ້າຖ້ວມຫລັງເຂື່ອນເຊປຽນ-ເຊນໍ້ານ້ອຍແຕກ
- Untitled design - ​ທາງການແຂວງອັດຕະປືເລັ່ງອົບພະຍົບປະຊາຊົນຫລາຍພັນຄົນໜີນໍ້າຖ້ວມຫລັງເຂື່ອນເຊປຽນ-ເຊນໍ້ານ້ອຍແຕກ

ອໍານາດການປົກຄອງແຂວງອັດຕະປື ພວມເລັ່ງອົບພະຍົບປະຊາຊົນຫລາຍກວ່າ 2 ພັນຄົນທີ່ຕິດຢູ່ຕາມຫລັກຄາເຮືອນ ແລະ ຕາມຕົ້ນໄມ້ໃນຫລາຍບ້ານ ເຂດເມືອງສະໜາມໄຊເພື່ອໜີນໍ້າຖ້ວມ, ຫລັງຈາກເຂື່ອນເຊປຽນ-ເຊນໍ້ານ້ອຍແຕກໃນຕອນແລງຂອງວັນທີ 23 ກໍລະກົດນີ້.

- 37746550 215799955785325 8918679154136711168 n - ​ທາງການແຂວງອັດຕະປືເລັ່ງອົບພະຍົບປະຊາຊົນຫລາຍພັນຄົນໜີນໍ້າຖ້ວມຫລັງເຂື່ອນເຊປຽນ-ເຊນໍ້ານ້ອຍແຕກ

ພາຍຫລັງເກີດເຫດການດັ່ງກ່າວ, ຫ້ອງວ່າການປົກຄອງແຂວງໄດ້ອອກແຈ້ງການເຖິງບັນດາ​ອົງການ​ຈັດຕັ້ງພັກ-ລັດ, ຫົວໜ່ວຍ​ທຸລະ​ກິດ, ພະນັກງານ, ທະຫານ, ຕຳຫລວດ ​ແລະ ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດ​ຊາບທັນທີໃນວັນທີ 24 ກໍລະກົດ​ວ່າ: ​ໄດ້​ເກີດ​ອຸປະຕິ​ເຫດ​ໂຄງການ​ກໍ່ສ້າງ​ເຂື່ອນ​ໄຟຟ້າ​ເຊ​ປຽນ-​ເຊ​ນ້ຳນ້ອຍ, ​ເຮັດ​ໃຫ້​ນ້ຳຈາກ​ເຂື່ອນ​ໄຫລ​ທະລຸ​ລົງ​ມາ​ຕາມ​ລ່ອງ​ນ້ຳ​ເຊ​ປຽນ ອັນ​ໄດ້​ກໍ່​ຄວາມ​ເສຍ​ຫາຍ​ໃຫ້​ແກ່​ຊີວິດ ​ແລະ ຊັບ​ສິນ​ຂອງ​ປະຊາຊົນ​ຢ່າງ​ໜັກໜ່ວງ. ພາຍຫລັງເກີດເຫດອໍານາດ​ການ​ປົກຄອງ​ທຸກຂັ້ນ, ພ້ອມ​ດ້ວຍ​ພະນັກງານ, ທະຫານ, ຕຳຫລວດ ​ແລະ ປະຊາຊົນ​​ໃນ​ທົ່ວ​ແຂວງ​ໄດ້​ສຸມ​ໃສ່​ກອບ​ກູ້​ຈົນ​ສຸດ​ຄວາມ​ສາມາດ ​ແຕ່​ກໍ​ເປັນ​ເຫດການ​ສຸດ​ວິ​ໄສຍ້ອນນໍ້າມີປະລິມານລາຍ ແລະ ມີລະດັບນໍ້າສູງ. ພ້ອມທັງຂໍຄວາມຊ່ວຍເຫລືອຈາກສູນກາງ ແລະ ແຂວງໃກ້ຄຽງ ແລະ        ​ສະ​ເໜີ​ມາ​ຍັງ​ບັນດາ​ອົງການ​ຈັດຕັ້ງພັກ-ລັດ, ຫົວໜ່ວຍ​ທຸລະ​ກິດ, ພະນັກງານ, ທະຫານ, ຕຳຫລວດ, ປະຊາຊົນ​ບັນດາ​ເຜົ່າ ​ແລະ ​ເພື່ອນ​ມິດ​ສະຫາຍ​ຜູ້​ຢູ່​ໃກ້ ​ແລະ ຢູ່​ໄກ ​ເພື່ອ​ຂໍ​ການ​ຊ່ວຍ​ເຫລືອ​ອັນ​ຮີບ​ດ່ວນ​ໃນ​ຄັ້ງນີ້​ດ້ວຍ ​ເປັນຕົ້ນ​ເຄື່ອງນຸ່ງ​ຫົ່ມ, ອາຫານ-ນ້ຳດື່ມ, ຢາ​ປົວ​ພະຍາດ ​ແລະ ອື່ນໆ​ເທົ່າ​ທີ່​ຈະ​ສາມາດ​ປະກອບສ່ວນ​ໄດ້. ສຳລັບ​ຜູ້​ທີ່​ປະສົງ​ຢາກ​ປະກອບສ່ວນ​ໃນ​ການ​ແກ້​ໄຂ​ບັນ​ເທົາ​ທຸກ​ໃນ​ຄັ້ງນີ້ ສາມາດ​ມາ​ປະກອບສ່ວນ​ດ້ວຍ​ຕົນ​ເອງ ຫລື ປະສານ​ງານ​ມາ​ຍັງ​ຫ້ອງ​ວ່າການ​ແຂວງ​ໃນ​ນາມ​ກອງ​ເລຂາ​ຄະນະ​ຮັບຜິດຊອບ​​ແກ້​ໄຂ​ສະພາບ​ສຸກ​ເສີນ ​ແຕ່​​ວັນ​ທີ 24 ກໍລະກົດ 2018 ​ເປັນຕົ້ນ​​ໄປ.

- Wave100S AD to Website 2020 0 - ​ທາງການແຂວງອັດຕະປືເລັ່ງອົບພະຍົບປະຊາຊົນຫລາຍພັນຄົນໜີນໍ້າຖ້ວມຫລັງເຂື່ອນເຊປຽນ-ເຊນໍ້ານ້ອຍແຕກ

ຕາມການລາຍງານຂອງກອງເລຂາແກ້ໄຂສຸກເສີນຄັ້ງນີ້ ໃຫ້ຮູ້ວ່າ: ສາຍນໍ້າເຊປຽນ ໄດ້ໄຫລຖ້ວມເຮືອນຊານບ້ານຊ່ອງປະຊາຊົນຢ່າງໄວວາ ແລະ ມີ 5 ບ້ານໄດ້ຮັບຜົນກະທົບໜັກໜ່ວງຄື: ບ້ານຫີນລາດ, ບ້ານໃໝ່, ບ້ານທ່າແສງຈັນ, ບ້ານໂຄກກອງ ແລະ ກຸ່ມບ້ານແພ, ເຊິ່ງມີລະດັບນໍ້າສູງປະມານ 5-6 ແມັດ ແລະ ມີປະຊາຊົນຫລາຍກວ່າ 2 ພັນຄົນທີ່ຕ້ອງໄດ້ຂຶ້ນໄປອາໃສຢູ່ຫລັງຄາເຮືອນ ແລະ ຕາມຕົ້ນໄມ້ ເຊິ່ງຈະຕ້ອງໄດ້ຮີບຮ້ອນເຂົ້າໄປຊ່ວຍເຫລືອອົບພະຍົບອອກມາຈາກພື້ນທີ່ດັ່ງກ່າວໂດຍໄວ. ນອກຈາກນີ້ຍັງມີຜູ້ສູນຫາຍເປັນຈໍານວນຫລາຍ, ເຊິ່ງຖືເປັນໄພທໍາມະຊາດທີ່ຮ້າຍແຮງຊຶ່ງມີຜູ້ເສຍຊີວິດເປັນຈໍານວນຫລາຍ.

- WhatsApp Image 2020 05 27 at 5 - ​ທາງການແຂວງອັດຕະປືເລັ່ງອົບພະຍົບປະຊາຊົນຫລາຍພັນຄົນໜີນໍ້າຖ້ວມຫລັງເຂື່ອນເຊປຽນ-ເຊນໍ້ານ້ອຍແຕກ
- WhatsApp Image 2020 05 27 at 5 - ​ທາງການແຂວງອັດຕະປືເລັ່ງອົບພະຍົບປະຊາຊົນຫລາຍພັນຄົນໜີນໍ້າຖ້ວມຫລັງເຂື່ອນເຊປຽນ-ເຊນໍ້ານ້ອຍແຕກ
error: Alert: ເນື້ອຫາຂ່າວມີລິຂະສິດ !!