ລັດຖະບານປະກາດເຂດໄດ້ຮັບຜົນກະທົບນໍ້າຖ້ວມເມືອງສະໜາມໄຊເປັນເຂດໄພພິບັດສຸກເສີນລະດັບຊາດແລ້ວ

- Untitled 1 1 - ລັດຖະບານປະກາດເຂດໄດ້ຮັບຜົນກະທົບນໍ້າຖ້ວມເມືອງສະໜາມໄຊເປັນເຂດໄພພິບັດສຸກເສີນລະດັບຊາດແລ້ວ
- Untitled design - ລັດຖະບານປະກາດເຂດໄດ້ຮັບຜົນກະທົບນໍ້າຖ້ວມເມືອງສະໜາມໄຊເປັນເຂດໄພພິບັດສຸກເສີນລະດັບຊາດແລ້ວ

ໃນວັນທີ 24 ກໍລະກົດນີ້, ຫ້ອງວ່າການສໍານັກງານນາຍົກລັດຖະມົນຕີ ໄດ້ອອກແຈ້ງການກ່ຽວກັບການຊ່ວຍເຫລືອຜູ້ປະສົບໄພຈາກເຫດການອຸປະຕິເຫດໂຄງການກໍ່ສ້າງເຂື່ອນໄຟຟ້າເຊປຽນ-ເຊນໍ້ານ້ອຍຢູ່ແຂວງອັດຕະປື, ໂດຍລັດຖະບານໄດ້ປະກາດເອົາເຂດທີ່ໄດ້ຮັບຜົນກະທົບຈາກນໍ້າຖ້ວມຄັ້ງນີ້ ເປັນເຂດປະສົບໄພພິບັດສຸກເສີນລະດັບຊາດ,​ ພ້ອມທັງມອບໃຫ້ກະຊວງແຮງງານ ແລະ ສະຫວັດດີການສັງຄົມສົມທົບກັບກະຊວງປ້ອງກັນປະເທດ, ແຂວງອັດຕະປື ແລະ ພາກສ່ວນກ່ຽວຂ້ອງຮີບຮ້ອນແຕ່ງຕັ້ງຄະນະຮັບພິຊອບ ເພື່ອເປັນໃຈກາງໃນການປະສານງານ, ການລະດົມທຶນ, ທ້ອນໂຮມທຶນຮອນ ແລະ ວັດຖຸປັດໃຈຕ່າງໆ ຈາກທຸກພາກສ່ວນ ນັບທັງພາກລັດ ແລະ ທ້ອງຖິ່ນ, ພາກເອກະຊົນ, ຜູ້ປະກອບການ, ອົງການຈັດຕັ້ງສາກົນ ແລະ ປະຊາຊົນຜູ້ມີນໍ້າໃຈສັດທາ. ສໍາລັບທຶນ ແລະ ວັດຖຸທີ່ລະດົມມາໄດ້ ສໍາລັບຢູ່ສູນກາງໃຫ້ໄປມອບລວມສູນຢູ່ຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ, ກະຊວງແຮງງານ ແລະ ສະຫວັດດີການສັງຄົມ ແລະ ສໍາລັບທ້ອງຖິ່ນແມ່ນໃຫ້ໄປມອບຢູ່ຫ້ອງການປົກຄອງແຂວງ.

​  ຕາມແຈ້ງການຂອງຫ້ອງວ່າການປົກຄອງແຂວງອັດຕະປື ຮູ້ວ່າ: ເຂື່ອນເຊປ່ຽນ-ເຊນໍ້ານ້ອຍແຕກໃນເວລາປະມານ 18:00 ໂມງຂອງວັນທີ 23 ກໍລະກົດ, ພາຍຫລັງບໍ່ສາມາດຮອງຮັບກັບປະລິມານນໍ້າທີ່ຫລວງຫລາຍ ຍ້ອນມີຝົນຕົກຕິດຕໍ່ກັນຫລາຍວັນ ແລະ ເກີດອຸປະຕິເຫດແຕກຄືດັ່ງກ່າວ.- 37746550 215799955785325 8918679154136711168 n - ລັດຖະບານປະກາດເຂດໄດ້ຮັບຜົນກະທົບນໍ້າຖ້ວມເມືອງສະໜາມໄຊເປັນເຂດໄພພິບັດສຸກເສີນລະດັບຊາດແລ້ວ

ເຂື່ອນ​ເຊ​ປຽນ-​ເຊ​ນ້ຳນ້ອຍ ​ແມ່ນ​ລະບົບ​ເຂື່ອນ​ທີ່​ອ່າງ​ເກັບ​ນ້ຳ​ໄດ້​ເຊື່ອມ​ຕໍ່​ໃສ່​​ຫ້ວຍໝາກຈັນລົງ​ສູ່​ເຂື່ອນ​ເຊ​ປຽນ, ຈາກ​ເຂື່ອນ​ເຊ​ປຽນລົງ​ສູ່​ເຂື່ອນ​ເຊ​ນ້ຳນ້ອຍ ​ແລະ ອ່າງ​ເກັບ​ນ້ຳ​ເຂື່ອນ​ເປັນ​ອ່າງ​ເກັບ​ນ້ຳທີ່​ໃຫຍ່​ທີ່​ສຸດ​ໃນ​ລະບົບ​ເຂື່ອນ​ດັ່ງກ່າວ ດ້ວຍ​ເນື້ອທີ່ 522 ກິ​ໂລ​ແມັດຕາແມັດ, ​ໂດຍ​ໄດ້​ເລີ່​ມລົງມື​ກໍ່ສ້າງ​ມາ​ແຕ່​ທ້າຍ​ປີ 2013 ​ແລະ ຄາດ​ວ່າ​ຈະ​ສຳ​ເລັດ​ໃນປີ 2019 ມີ​ກຳລັງ​ການ​ຜະລິດ 410 ​ເມ​ກາ​ວັດ, ​ໂດຍ​ມີ​ເຈົ້າຂອງ​ໂຄງການ​ແມ່ນ​ບໍລິສັດ​ໄຟຟ້າ​ເຊ​ປຽນ-​ເຊ​ນ້ຳນ້ອຍ ພາຍ​ໃຕ້​ການ​ຮ່ວມ​ຮຸ້ນ​ຂອງບໍລິສັດ sk Engineering Construction ຈາກ ສ.​ເກົາຫລີ​ ຖື​ຮຸ້ນ 26%, ບໍລິສັດ KOWEPO ຈາກ​ ສ.ເກົາຫລີ ຖືຮຸ້ນ 25%, ບໍລິສັດ RATCH ຈາກ​ປະ​ເທດ​ໄທຖື​ຮຸ້ນ 25% ​ແລະ ລັດ​ວິ​ສາ​ຫະກິດ​ຖື​ຮຸ້ນ​ລາວຖື​ຮຸ້ນ 24% ດ້ວຍ​ມູນ​ຄ່າ​​ໂຄງການ 1.020 ລ້ານ​ໂດ​ລາ​ສະຫະລັດ.

- Wave100S AD to Website 2020 0 - ລັດຖະບານປະກາດເຂດໄດ້ຮັບຜົນກະທົບນໍ້າຖ້ວມເມືອງສະໜາມໄຊເປັນເຂດໄພພິບັດສຸກເສີນລະດັບຊາດແລ້ວ

 

- WhatsApp Image 2020 05 27 at 5 - ລັດຖະບານປະກາດເຂດໄດ້ຮັບຜົນກະທົບນໍ້າຖ້ວມເມືອງສະໜາມໄຊເປັນເຂດໄພພິບັດສຸກເສີນລະດັບຊາດແລ້ວ
- WhatsApp Image 2020 05 27 at 5 - ລັດຖະບານປະກາດເຂດໄດ້ຮັບຜົນກະທົບນໍ້າຖ້ວມເມືອງສະໜາມໄຊເປັນເຂດໄພພິບັດສຸກເສີນລະດັບຊາດແລ້ວ
error: Alert: ເນື້ອຫາຂ່າວມີລິຂະສິດ !!