ເກຣັກປະກາດສະຖານະການສຸກເສີນ ຈາກໄຟໄໝ້ປ່າຄັ້ງໃຫຍ່

- Greece forest fires More than 20 dead and 50 injured as apocalyptic wildfires rage near Athens - ເກຣັກປະກາດສະຖານະການສຸກເສີນ ຈາກໄຟໄໝ້ປ່າຄັ້ງໃຫຍ່
- Untitled design - ເກຣັກປະກາດສະຖານະການສຸກເສີນ ຈາກໄຟໄໝ້ປ່າຄັ້ງໃຫຍ່

ລັດຖະບານ​ເກຣັກປະກາດ​ສະຖານະ​ການ​ສຸກ​ເສີນຈາກ​ໄຟ​ໄໝ້​ປ່າ​ຄັ້ງຮຸນ​ແຮງ​ທີ່​ສຸດ​ໃນຮອບ 1 ທົດ​ສະ​ວັດ ​ເຊິ່ງຂ້າ​ຊີວິດ​ປະຊາຊົນ​ຫລາຍ​ກວ່າ 50 ຄົນ ​ແລະ ຂໍ​ການ​ຊ່ວຍ​ເຫລືອ​ຢ່າງ​ຮີບ​ດ່ວນ​ຈາກ​ສະຫະພາບ​ເອີຣົບ.

- Wave100S AD to Website 2020 0 - ເກຣັກປະກາດສະຖານະການສຸກເສີນ ຈາກໄຟໄໝ້ປ່າຄັ້ງໃຫຍ່

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ລັດຖະບານ​ເກຣັກລາຍ​ງານ​ໃນ​ວັນ​ທີ 23 ກໍລະກົດ​ວ່າ: ຈຳນວນ​ຜູ້​ເສຍ​ຊີວິດ​ຈາກ​ສະຖານະ​ການ​ໄຟ​ໄໝ້​ປ່າ​ຫລາຍ​ສິບ​ຈຸດ​ໃນ​ບໍລິ​ເວນ​ໃກ້​ກັບ​ນະຄອນຫລວງ​ເອ​ເທ​ນ ມີ​ຫລາຍ​ກວ່າ 50 ຄົນ ​ແລະ ມີ​ຜູ້​ໄດ້​ຮັບ​ບາດ​ເຈັບ​ອີກ​ປະມານ 170 ຄົນ ສ່ວນ​ຫລາຍ​ພົບ​ຢູ່​ເມືອງ​ມາຕີ ​ເຊິ່ງ​ເປັນ​ເມືອງຕັ້ງຢູ່​ແຄມ​ຝັ່ງ​ທາງ​ຕາ​ເວັນ​ອອກ​ຂອງ​ປະ​ເທດ ຫ່າງ​ຈາກ​ນະຄອນຫລວງ​ເອ​ເທ​ນປະມານ 40 ກິ​ໂລ​ແມັດ. ຂະນະ​ທີ່ ນາຍົກລັດຖະມົນຕີ ອາ​ເລັກ​ຊິ​ສ ຊີ​ປຣາສ ປະກາດ​ສະຖານະ​ການ​ສຸກ​ເສີນ​ຈາກ​ໄຟ​​ໄໝ້​ປ່າ​ຄັ້ງນີ້​ແລ້ວ ​ແລະ ຍື່ນ​ເລື່ອງ​ຂໍ​ການ​ຊ່ວຍ​ເຫລືອ​ຈາກ​ສະຫະພາບ​ເອີຣົບ (EU), ສ່ວນ​ແອັສປາຍ ​ແລະ ​ໄຊ​ປຣັສ ​ເຊິ່ງ​ຢູ່​ໃກ້​ທີ່​ສຸດສະ​ເໜີ​ມອບ​ການ​ຊ່ວຍ​ເຫລືອ.

ທັງ​ນີ້, ລັດຖະບານ​ເກຣັກຕີ​ລາຄາ​ວ່າ: ສະຖານະ​ການ​ໄຟ​ໄໝ້​ປ່າ​ຄັ້ງນີ້​ມີ​ຄວາມ​ຮຸນ​ແຮງ​ທີ່​ສຸດ​ໃນ​ຮອບ 1 ທົດ​ສະ​ວັດ ​ໂດຍ​ຈຳນວນ​ຜູ້​ເສຍ​ຊີວິດ ​ແລະ ການ​ເກີດ​ຄວາມ​ເສຍ​ຫາຍ​ກັບ​ສິ່ງ​ປຸກ​ສ້າງ ​ແລະ ​ເນື້ອທີ່​ກະສິກຳ​ຈາກ​ໄຟ​ໄໝ້​ປ່າ​ຄັ້ງນີ້​ມີ​ທ່າ​ອ່ຽງ​ເພີ່ມ​ຂຶ້ນອີກ ຫລັງ​ມີ​ລາຍ​ງານ​ເຮືອນ​ຫລາຍ​ກວ່າ 100 ຫລັງ​ໄດ້​ຮັບ​ຄວາມ​ເສຍ​ຫາຍ ​ເນື່ອງ​ຈາກ​ສະພາບ​ອາກາດ​ຈະ​ຍັງ​ຮ້ອນ​ອົບ​ເອົ້າ ​ໂດຍ​ອຸນຫະພູມ​ຢູ່​ລະດັບ 40 ອົງສາ ​ແລະ ກະ​ແສ​ລົມ​ທີ່​ມີ​ຄວາມ​ໄວ​ສູງ​ເຖິງ 100 ກິ​ໂລ​ແມັດຕໍ່​ຊົ່ວ​ໂມງ ກຳລັງ​ເປັນ​ອຸປະສັກ​ໃຫ້​ແກ່​ເຈົ້າໜ້າ​ທີ່​ມອດ​ໄຟ​ໃນ​ການ​ຄວບ​ຄຸມ​ສະຖານະ​ການ.

- WhatsApp Image 2020 05 27 at 5 - ເກຣັກປະກາດສະຖານະການສຸກເສີນ ຈາກໄຟໄໝ້ປ່າຄັ້ງໃຫຍ່
- WhatsApp Image 2020 05 27 at 5 - ເກຣັກປະກາດສະຖານະການສຸກເສີນ ຈາກໄຟໄໝ້ປ່າຄັ້ງໃຫຍ່
error: Alert: ເນື້ອຫາຂ່າວມີລິຂະສິດ !!