ທ່ຽວເມືອງລາວຊົມທຳມະຊາດ ຄົ້ນຫາສິ່ງລຶກລັບມະຫັດສະຈັນ

- 37425757 230847057751280 3118857357451329536 n - ທ່ຽວເມືອງລາວຊົມທຳມະຊາດ ຄົ້ນຫາສິ່ງລຶກລັບມະຫັດສະຈັນ
- Untitled design - ທ່ຽວເມືອງລາວຊົມທຳມະຊາດ ຄົ້ນຫາສິ່ງລຶກລັບມະຫັດສະຈັນ

ໂດຍ: ທິດກ່ຳ   

ປະເທດສາທາລະນະລັດ ປະຊາທິປະໄຕ ປະຊາຊົນລາວ ຂອງພວກເຮົາ ເຖິງວ່າບໍ່ມີ ທະເລ ແຕ່ກໍຍັງມີທາງອອກ ສູ່ທະເລດ້ວຍເສັ້ນທາງຫລາຍສາຍ, ພາຍໃນປະເທດມີທຳ ມະຊາດອັນອຸດົມສົມບູນ, ມີພູ ຜາປ່າໄມ້, ແມ່ນ້ຳລຳເຊ ແລະ ຖ້ຳຮູພູເຂົາທີ່ສວຍສົດງົດ ງາມເໝືອນມີສິ່ງລຶກລັບພິດ ສະດານມາປັ້ນແຕ່ງໄວ້.

 

ສົ່ງເສີມການທ່ອງທ່ຽວຕ້ອງໄດ້ເຮັດຢ່າງຈິງຈັງ ແລະ ມີເປົ້າໝາຍ

ທ່ຽວຊົມຄວາມງົດງາມຂອງຖ້ຳຄູນ ຫລື ຖ້ຳນ້ຳລອດເຊບັ້ງໄຟ

ສິ່ງທີ່ກ່າວມານີ້, ມັນ ກາຍເປັນແຫລ່ງຊັບສົມບັດ ອັນລ້ຳຄ່າ ແລະ ເປັນຂຸມຊັບ ອັນປະເສີດທີ່ຈະນຳລາຍໄດ້ ມາເຂົ້າຖົງເຂົ້າໄຖ່ຜູ້ປະກອບການກໍຄືນຳລາຍໄດ້ມາສູ່ ປະ ເທດຊາດບ້ານເມືອງ. ຖ້າເອີ່ຍ ເຖິງນ້ຳຕົກຕາດ ກໍຕ້ອງຍົກ ໃຫ້ມະຫານະທີ່ສີ່ພັນດອນ ເປັນເອກ. ນອກນັ້ນ, ກໍມີບັນ ດາຕາດຄອນດອນ ແກ້ງແຫ່ງ ຕ່າງໆ ໃນທົ່ວປະເທດເຊັ່ນ: ຕາດເສັດ, ຕາດແສ້, ຕາດ ສ້ວມ, ຕາດກວາງຊີ ແລະ ຕາດອື່ນໆ ເກືອບວ່ານັບ ບໍ່ໄຄ່ວ.

ກ່າວເຖິງແມ່ນ້ຳ ລຳເຊ ນ້ອຍ ໃຫຍ່ກໍມີຫລາຍແຫ່ງ ແຕ່ເໜືອເຖິງໃຕ້, ແມ່ນ້ຳລຳ ເຊເຫລົ່ານີ້ ນອກຈາກຈະ ກາຍເປັນສະຖານທີ່ທ່ອງ ທ່ຽວແບບອານຸລັກແລ້ວ ຍັງ ກາຍເປັນແຫລ່ງຜະລິດໄຟ ຟ້າທີ່ຈະນຳເອົາຄວາມມັ່ງ ຄັ່ງ ຮັ່ງມີມາສູ່ປະເທດຊາດ ແລະ ປະຊາຊົນ ໃຫ້ໄດ້ຫລຸດ ພົ້ນອອກຈາກຄວາມທຸກ ຍາກ ແລະ ດ້ອຍພັດທະນາໃນ ອະນາຄົດ.

ຕາມການຄາດຄະເນ ຂອງພັກ ແລະ ລັດຖະບານ ເຮົາອີກບໍ່ນານເກີນລໍປະ ເທດເຮົາຈະມີແຫລ່ງຜະລິດ ໄຟຟ້າ ເຖິງ 100 ກວ່າແຫ່ງ ແລະ ອະນາຄົດຈະກາຍ ເປັນ ໝໍ້ໄຟອາຊຽນຕາມຄຳຊາ ລືຂອງນາໆ ປະເທດ, ເມື່ອ ເວົ້າເຖິງຖ້ຳຮູພູເຂົານ້ອຍ ໃຫຍ່ທີ່ມີຍັງຢາຍຢູ່ພາຍ ໃນປະເທດກໍມີຢ່າງຫລວງ ຫລາຍສາມາດເປັນແຫລ່ງ ທ່ອງທ່ຽວ, ເປັນຂຸມເງິນຂຸມ ຄຳອັນມະຫາສານທີ່ຈະເຮັດ ໃຫ້ຊາດລາວ, ຄົນລາວເຮົາ ຮັ່ງມີສີສຸກໃນພາຍໜ້າ. ສຳ ຄັນແມ່ນວ່າເຮົາຈະຂຸດຄົ້ນ ສິ່ງທີ່ບົ່ມຊ້ອນ, ຄວາມຮັ່ງມີ ແລະ ຄວາມລຶກລັບມະຫັດ ສະຈັນເຫລົ່ານີ້ ໃຫ້ມາເປັນ ຜົນປະໂຫຍດສູງສຸດແກ່ປະ ເທດຊາດ ແລະ ປະຊາຊົນ ໄດ້ຊໍ່າໃດເທົ່ານັ້ນ.

ໃນປັດຈຸບັນ, ເຫັນວ່າ ບັນ ດາຖ້ຳທີ່ຖືກຂຸດຄົ້ນກາຍເປັນແຫລ່ງທ່ອງທ່ຽວທີ່ຫັນປ່ຽນຊີວິດໃໝ່ຂອງປະຊາຊົນໄປ ແດ່ແລ້ວກໍມີຖ້ຳກອງລໍ-ນາ ຕານ ແຂວງຄຳມ່ວນ ເຊິ່ງຖ້ຳ ທີ່ກ່າວມານີ້ໄດ້ຈັດໃຫ້ເປັນ ແຫລ່ງທ່ອງທ່ຽວແບບອາ ນຸລັກ, ປະຊາຊົນມີສ່ວນຮ່ວມ ແລະ ມີລາຍໄດ້ແຕ່ລະປີເພີ່ມ ຂຶ້ນ. ນອກຈາກຖ້ຳດັ່ງກ່າວ ແລ້ວ, ຢູ່ແຂວງຄຳມ່ວນ ຍັງມີ ຖ້ຳພະ-ໜອງປາຝາ, ຖ້ຳນາງ ແອ່ນ ໄດ້ກາຍເປັນແຫລ່ງ ທ່ອງທ່ຽວທີ່ໜ້າເບິ່ງໜ້າ ຊົມມາແລ້ວຫລາຍປີ, ສ່ວນ ວ່າຖ້ຳທີ່ຫາກໍຄົ້ນພົບໃໝ່ໆ ອີກ ແຫ່ງໜຶ່ງກໍແມ່ນຖ້ຳນ້ຳລອດ ເຊບັ້ງໄຟ ຖືວ່າເປັນຖ້ຳທີ່ມີ ຄວາມສວຍສົດງົດງາມລະ ດັບໂລກ.

- Wave100S AD to Website 2020 0 - ທ່ຽວເມືອງລາວຊົມທຳມະຊາດ ຄົ້ນຫາສິ່ງລຶກລັບມະຫັດສະຈັນ

ສະເພາະຢູ່ແຂວງ ອື່ນໆ ໃນທົ່ວປະເທດ ກໍມີຖ້ຳຈອງ ອອງຢູ່ແຂວງອຸດົມໄຊ ທັງມີ ຄວາມຍາວ ແລະ ຄວາມງົດ ງາມບໍ່ນ້ອຍໜ້າ. ແຫລ່ງ ຂ່າວໃໝ່ໆອອກມາເມື່ອບໍ່ ດົນນີ້, ມີນັກຊ່ຽວຊານຍີ່ປຸ່ນ ໄດ້ພົບຖ້ຳໃໝ່ອີກຢູ່ເມືອງ ແມດແຂວງວຽງຈັນທັງໃຫຍ່ທັງຍາວ ແລະ ທັງງາມລະດັບ ໂລກເໝືອນກັນ.

ນີ້ລະຄືຊັບໃນດິນສິນ ໃນ ນ້ຳຢູ່ເມືອງລາວ ທີ່ຈະກາຍ ເປັນແຫລ່ງທີ່ມາຂອງຄວາມຮັ່ງໃຫ້ກັບປະເທດຊາດ ແລະ ປະຊາຊົນລາວໃນຕໍ່ໜ້າສືບ ຕໍ່ໆໄປຮອດເຊັ່ນລູກເຊັ່ນ ຫລານ. ແນວໃດກໍຕາມ, ນອກ ຈາກຖ້ຳທີ່ກ່າວມານີ້ແລ້ວ ຄາດກະຍັງມີຖ້ຳນ້ອຍໃຫຍ່ ທີ່ສວຍສົດງົດງາມອີກຫລາຍແຫ່ງທີ່ບໍ່ທັນສາມາດຄົ້ນ ພົບ ຍ້ອນເງື່ອນໄຂທຳມະຊາດ ແລະ ສິ່ງແວດລ້ອມ ຕະຫລອດ ເຖິງເສັ້ນທາງໄປມາ    ຕ່າງໆ.

ສະຫລຸບແລ້ວ, ກ່າວ ເຖິງຊັບໃນດິນສິນໃນນ້ຳທີ່ ຫລວງຫລາຍຢູ່ເມືອງລາວ ບາງຢ່າງຍັງເປັນສິ່ງລຶກລັບ ມະຫັດສະຈັນ, ເຊິ່ງພົວພັນເຖິງ ພື້ນແຜ່ນຕຳນານມາຫລາຍ ຟ້າຫລ້າປີ, ສິ່ງເຫລົ່ານີ້ຈະ ກາຍເປັນຈຸດສົນໃຈຂອງຜູ້ ຄົນ ທີ່ຕ້ອງການຢາກມາທ່ຽວ ມາຊົມບໍ່ວ່າຄົນພາຍໃນ ແລະ ຕ່າງປະເທດ ຫລື ເປັນການ ສຶກສາຄົ້ນຄວ້າກ່ຽວພັນກັບ ພື້ນແຜ່ນຕຳນານຢ່າງເລິກ ເຊິ່ງກົມກຽວ ແລະ ລີ້ລັບ ຊັບຊ້ອນ.

ເຖິງຢ່າງໃດກໍດີ, ຖ້າເບິ່ງ ໃນແງ່ມຸມຂອງການທ່ອງ ທ່ຽວຢູ່ປະເທດເຮົາໃນປັດຈຸ ບັນຍັງມີສະພາບແວດລ້ອມ ຫລາຍຢ່າງຫລາຍອັນທີ່ ພວກເຮົາຈະຕ້ອງພ້ອມກັນ ແກ້ເຊັ່ນ: ເສັ້ນທາງເຂົ້າແຫລ່ງ ທ່ອງທ່ຽວຍັງບໍ່ສະດວກເທົ່າ ທີ່ຄວນ,ບາງບ່ອນຍ່າງໄປ ເພື່ອຈະຮອດຈົນຫົວສັ່ນຫົວ ຄອນ ໄປເຫັນຄັ້ງດຽວກໍເຂັດ ຫລາບປານບັກລາອີ່ມເຂົ້າ ຫລາມ, ເບິ່ງຜູ້ປະກອບການ ເພິ່ນກໍຢາກຮັ່ງແຕ່ມື້ໜຶ່ງຍາມ ດຽວ, ຄ່າບັດຄ່າປີ້ແພງເກີນ ທີ່ຄິດ, ມີການຈຳແນກປະເພດ ປີ້ເຂົ້າຄົນໃນຄົນນອກ, ທັງ ຄ່າ ຢູ່ຄ່າກິນບໍ່ສົມກັບຄຳເວົ້າ, ການບໍລິການເຢີບໆຢາບໆ, ຫ້ອງນ້ຳກໍມີກິ່ນເໝັນ, ແຂກ ຖາມຫາຂໍ້ມູນບາງຢ່າງກໍ ວ່າຍັງບໍ່ທັນມີ, ບາງບ່ອນເຂົາ ຢາກຖ່າຍຮູບໄປລົງໂຄສະນາ ອອກໃນສື່ຫລາຍໆ ເພື່ອໃຫ້ ຄົນມາທ່ຽວເພິ່ນກໍຫ້າມວ່າ ບໍ່ໃຫ້ຖ່າຍຮ້ານຂາຍເຄື່ອງ ອານຸລັກກໍເປີະ, ຄ່າຝາກລົດ ກໍແພງ, ອາຫານການກິນກໍ ມີແຕ່ຕົ້ມໄກ່, ຕຳໝາກຮຸ່ງ ກັບເຫລົ້າບອງຢາມ້າກະ ທືບໂຮງ.

ຖາມເລື່ອງການເວົ້າ ການຈາ ກໍໄດ້ແຕ່ຍົກມືເບື້ອງ ຊ້າຍຍ້າຍໄປໃສ່ເບື້ອງຂວາ ເຮັດຕອດເງົາຄືກະປອມ ເດືອນຫ້າ, ຖາມສໍ້ຫລາຍ ເພິ່ນພັດເຮັດໜ້າແດງເຄັ່ງ ຂືມ, ນີ້ຄືສິ່ງທ້າທາຍໃນຂົງ ເຂດວຽກອຸດສະຫະກຳທີ່ປິ່ນ ອ້ອມການທ່ອງທ່ຽວ, ເຊິ່ງ ພວກເຮົາຈະຕ້ອງພ້ອມກັນ ເລັ່ງລັດພັດທະນາໃຫ້ກ້າວ ສູ່ຄວາມເປັນມາດຕະຖານ ໂດຍໄວ.

ການທີ່ໃຊ້ຄຳວ່າເຮັດ ຕາມມີຕາມເກີດ ບຸນບ້ານເຮົາ ຄ່ອຍຫລິ້ນຄ່ອຍກິນ ນັ້ນມັນ ໝົດຢຸກໝົດສະໄໝແລ້ວ, ຕ້ອງຫັນການດຳລົງຊີວິດ ແບບຢູ່ງ່າຍກິນງ່າຍກາຍ ເປັນຂໍ້ແຂ່ງຂັນ ແລະ ພັດທະນາ ແມ່ນພາລະກິດຂອງ ທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງ ຊົນລາວທັງຊາດ, ດັ່ງທ່ານ ນາຍົກລັດຖະມົນຕີ ທອງລຸນ ສີສຸລິດ ວ່ານັ້ນລະມັນຈຶ່ງດີ.

ເມື່ອຕັ້ງໂຈດກັນວ່າ, ຕໍ່ ບັນຫາທຸກສິ່ງທຸກຢ່າງທີ່ ກ່າວມາຂ້າງເທິງນີ້ແມ່ນ ໃຜຈະເປັນຜູ້ອອກໜ້າອອກ ຕາຊີ້ນຳ-ນຳພາເຮັດ? ຄຳ ຕອບແບບເຂົ້າລ໊ອກເຂົ້າຕຳ ລາກໍຕ້ອງແມ່ນພາລະໜ້າທີ່ ຂອງກະຊວງຖະແຫລ່ງຂ່າວ, ວັດທະນະທຳ ແລະ ທ່ອງທ່ຽວ ເປັນເຈົ້າການ. ຈາກນັ້ນກໍ ແມ່ນຜູ້ປະກອບການນັບທັງ ໄທເຮົາເຈົ້າຂ້ອຍພາຍໃນ ຊາດພ້ອມກັນເຢີກມັນ ຈຶ່ງບັນ ລຸເປົ້າໝາຍຕາມຕົວເລກຕົວ ຜາທີ່ວາງອອກ.

- 37425757 230847057751280 3118857357451329536 n - ທ່ຽວເມືອງລາວຊົມທຳມະຊາດ ຄົ້ນຫາສິ່ງລຶກລັບມະຫັດສະຈັນ
(ພາບປະກອບ)
- WhatsApp Image 2020 05 27 at 5 - ທ່ຽວເມືອງລາວຊົມທຳມະຊາດ ຄົ້ນຫາສິ່ງລຶກລັບມະຫັດສະຈັນ
- WhatsApp Image 2020 05 27 at 5 - ທ່ຽວເມືອງລາວຊົມທຳມະຊາດ ຄົ້ນຫາສິ່ງລຶກລັບມະຫັດສະຈັນ
error: Alert: ເນື້ອຫາຂ່າວມີລິຂະສິດ !!