ສຳມະນາ “ເທັກໂນໂລຢີພະລັງງານທາງເລືອກ”

- Technology - ສຳມະນາ “ເທັກໂນໂລຢີພະລັງງານທາງເລືອກ”
- Untitled design - ສຳມະນາ “ເທັກໂນໂລຢີພະລັງງານທາງເລືອກ”

ໃນວັນທີ 21 ກໍລະກົດນີ້, ທີ່ໂຮງແຮມ ຄຣາວພລາຊາ ນະຄອນຫຼວງວຽງຈັນ, ບໍລິສັດ ຟູຈິ ເອເລັກທຣິກປະເທດໄທ ຈຳກັດ, ໄດ້ຈັດສໍາມະນາຂຶ້ນ ພາຍໃຕ້ຫົວຂໍ້ “ເທັກໂນໂລຢີພະລັງງານທາງເລືອກ (Energy Solutions by Fuji Electric’s innovation 2018”) ເພື່ອເປັນການສ້າງຄວາມຮັບຮູ້ ແລະເຂົ້າໃຈໃຫ້ກັບລູກຄ້າທີ່ຢູ່ໃນ ສປປ ລາວ ແລະ ໃນພາກພື້ນອາຊຽນ ຕາມແນວຄວາມຄິດທີ່ວ່າ ການຜະລິດພະລັງງານ ເພື່ອການໃຊ້ພະລັງງານທີ່ໝັ້ນຄົງ, ໂດຍການເຂົ້າຮ່ວມຂອງທ່ານ ດາວວົງ ພອນແກ້ວ ຫົວໜ້າຫ້ອງການກະຊວງພະລັງງານ ແລະ ບໍ່ແຮ່, ທ່ານ ຮີໂຣຊິ ອິຊິອິ (Hiroshi Ishii) ຜູ້ບໍລິຫານບໍລິສັດ ຟູຈິ ເອເລັກທຣິກ ເອເຊຍ ແປຊີຟິກ ປະເທດສິງກະໂປ, ທ່ານ ກາຊີຊູຈິ ອິຊີອິ (Kazushige Ishii) ກໍາມະການຜູ້ຈັດການບໍລິສັດ ຟູຈິ ເອເລັກທຣິກ ປະເທດໄທ ພ້ອມດ້ວຍນັກສໍາມະນາກອນ ແລະ ວິທະນາກອນເຂົ້າຮ່ວມ.

ທ່ານ Hiroshi Ishii ກ່າວວ່າ: ບໍລິສັດ ຟູຈິ ເອເລັກທຣິກ ໄດ້ສ້າງຕັ້ງໃນປີ 1995 ໂດຍມີຈຸດປະສົງ ເພື່ອຢາກປະຕິຮູບເທັກໂນໂລຢີພະລັງງານ ແລະ ສິ່ງແວດລ້ອມຢ່າງຕໍ່ເນື່ອງໃນທົ່ວໂລກ, ທັງດ້ານອຸດສາຫະກໍາ, ສັງຄົມ ແລະ ສາທາລະນຸປະໂພກດ້ວຍຄວາມຮູ້ ແລະ ປະສົບການທີ່ຫຼາກຫຼາຍຊຶ່ງໄດ້ສະສົມມາຍາວນານ, ຟູຈິ ເອເລັກທຣິກ ໄດ້ມີການພັດທະນາຜະລິດຕະພັນຂຶ້ນມາຫຼາຍກວ່າ 326.900 ລາຍການ ແລະ ມີຕະຫຼາດຈຳໜ່າຍຫຼາຍກວ່າ 50 ປະເທດ.

ສຳລັບ ຟູຈິ ເອເລັກທຣິກ (ປະເທດໄທ) ຈໍາກັດ ແມ່ນໄດ້ສ້າງຕັ້ງໃນປີ 2538 ແລະ ໄດ້ພັດທະນາສູ່ບໍລິການແບບຄົບວົງຈອນ, ເພື່ອສະໜອງຕໍ່ຄວາມຕ້ອງການຂອງລູກຄ້າໃຫ້ໄດ້ຮັບຄວາມເພິ່ງພໍໃຈຕະຫຼອດເວລາດ້ວຍພັດທະນາອຸປະກອນໄຟຟ້າສຳລັບຈຳໜ່າຍ ແລະ ຄວບຄຸມ, ອິນເວີເຕີຊະນິດແຮງດັນໄຟຟ້າຕໍ່າ ແລະ ແຮງດັນຂະໜາດກາງ, ສ່ວນປະກອບຂອງລະບົບອັດຕະໂນມັດໃນໂຮງງານເຊັ່ນ: PLC, HMI, SERVO, ອຸປະກອນວັດແທກ, ອຸປະກອນໄຟຟ້າໃນລະບົບສາຍສົ່ງ ແລະ ລະບົບຈຳໜ່າຍ, ເຕົາຫຼອມໃນໂຮງງານອຸດສາຫະກໍາ, ເຄື່ອງຈໍາໜ່າຍສິນຄ້າອັດຕະໂນມັດ, ຊຶ່ງປັດຈຸບັນ ຟູຈິ ເອເລັກທຣິກ ກຼຸບ ມີໂຮງງານທັງໆໝົດ 3 ໂຮງງານ ໃນປະເທດໄທ, ດັ່ງນັ້ນ, ການຈັດສໍາມະນາໃນຄັ້ງນີ້ ກໍເພື່ອເປັນການສົ່ງຕໍ່ເຕັກໂນໂລຊີມາສູ່ ສປປ ລາວ ແລະ ໃນພາກພື້ນອາຊຽນ ພາຍໃຕ້ແນວຄວາມຄິດທີ່ວ່າ “ການຜະລິດພະລັງງານ ເພື່ອການໃຊ້ພະລັງງານຢ່າງໝັ້ນຄົງ” ທີ່ທາງບໍລິສັດ ໄດ້ຢືດໝັ້ນຕະຫຼອດມາ.

- Wave100S AD to Website 2020 0 - ສຳມະນາ “ເທັກໂນໂລຢີພະລັງງານທາງເລືອກ”

ທ່ານ ດາວວົງ ພອນແກ້ວ ກ່າວວ່າ: ແນວທາງດ້ານພະລັງງານ ຫຼື Energy Solutions ທີ່ຟູຈິ ເອເລັກທຣິກ ນໍາມາບັນຍາຍໃນຄັ້ງນີ້ ເຊື່ອວ່າຈະເຮັດໃຫ້ນັກສຳມະນາກອນຜູ້ທີ່ເຂົ້າຮ່ວມໄດ້ຮູ້ວ່າ ຈະສາມາດນຳມາປັບໃຊ້ໄດ້ແທ້ ດ້ວຍສິນຄ້າ ແລະ ຜະລິດຕະພັນ ແລະ ເຕັກໂນໂລຊີ ອີເລັກໂຕນິກ ເພາະເລື່ອງພະລັງງານເປັນສິ່ງທີ່ໃກ້ຕົວໃນຊີວິດປະຈຳວັນ.

ສຳລັບ ຫົວຂໍ້ທີ່ນຳມານຳສະເໜີໃນຄັ້ງນີ້ ປະກອບມີ ຟູຈິ ເອເລັກທຣິກ ແລະ ກິດຈະກຳ ເພື່ອພັດທະນາໃນກຸ່ມປະເທດລຸ່ມແມ່ນ້ຳຂອງ, ຜະລິດຕະພັນຂອງຟູຈິ ເອເລັກທຣິກ ກ່ຽວກັບພະລັງງານທົດແທນຕ່າງໆໃນກຸ່ມປະເທດລຸ່ມແມ່ນ້ຳຂອງ ໂດຍສະເພາະ PCS ແລະ Solar PUMP, ລະບົບ Solar Monitoring ຂອງຟູຈິ ເອເລັກທຣິກ, ລະບົບການຈັດການພະລັງງານ ຫຼື Energy Management System.

- WhatsApp Image 2020 05 27 at 5 - ສຳມະນາ “ເທັກໂນໂລຢີພະລັງງານທາງເລືອກ”
- WhatsApp Image 2020 05 27 at 5 - ສຳມະນາ “ເທັກໂນໂລຢີພະລັງງານທາງເລືອກ”
error: Alert: ເນື້ອຫາຂ່າວມີລິຂະສິດ !!