ນັກວິທະຍາສາດເຜີຍ 14 ພະລັງຈາກຄວາມກະຕັນຍູ

- 022507 2018 - ນັກວິທະຍາສາດເຜີຍ 14 ພະລັງຈາກຄວາມກະຕັນຍູ
- Untitled design - ນັກວິທະຍາສາດເຜີຍ 14 ພະລັງຈາກຄວາມກະຕັນຍູ

ໃນຊີວິດທີ່ວຸ້ນວາຍກັບການເຮັດວຽກໜັກ ເປັນເລື່ອງງ່າຍທີ່ເຮົາອາດຈະລືມກ່າວຄຳວ່າ ຂອບໃຈ ຕໍ່ຄວາມສຳເລັດທີ່ໄດ້ຮັບ ແລະ ຄົນທີ່ຄອຍຊ່ວຍເຫລືອເຮົາຈົນມາເຖິງຈຸດນີ້.

Eric Mosley ແລະ Derek Irvine ຜູ້ຂຽນໜັງສືື he Power of Thanks ກ່າວວ່າ : ຄວາມກະຕັນຍູ ຫລື ຄວາມຮູ້ສຶກຂອບໃຈ ຊ່ວຍຍົກລະດັບຈິດວິນຍານ ແລະ ຄຸນນະພາບຊີວິດ, ຄວາມຮູ້ສຶກຂອບໃຈ ບໍ່ວ່າຍາມສຸກ ຫລື ຍາມທຸກ ເຮັດໃຫ້ທ່ານເບິ່ງເຫັນຄຸນຄ່າຂອງບາງສິ່ງທີ່ໝັ້ນຄົງ ແລະ ຍືນຍາວ ໂດຍບໍ່ໃຫ້ເຫດການທີ່ຜ່ານເຂົ້າມາໃນເວລານັ້ນມາລົບກວນ ຫລາຍຈົນເກີນໄປ ໂດຍໄດ້ມີການສະຫລຸບຂໍ້ດີຂອງແນວຄິດນີ້ຢູ່ເຖິງ 14 ຂ້ໍ ທີ່ໄດ້ຮັບການພິສູດທາງວິທະຍາສາດແລ້ວວ່າແມ່ນແທ້.

- Wave100S AD to Website 2020 0 - ນັກວິທະຍາສາດເຜີຍ 14 ພະລັງຈາກຄວາມກະຕັນຍູ
  1. ປະສົບຄວາມສຳເລັດໄດ້ຫລາຍກ່ວາ : ມີວຽກງານວິໄຈໜຶ່ງເຜີຍວ່າ ຄວາມກະຕັນຍູເຮັດໃຫ້ເກີດຄວາມຕັ້ງໃຈ, ພະລັງ, ຄວາມຫ້າວຫັນ ລວມເຖິງຄວາມສຳເລັດດ້ານວິຊາການ.
  2. ເຮັດວຽກຮ່ວມກັບຜູ້ອື່ນໄດ້ດີກ່ວາ : ການສຶກສາກຸ່ມພະນັກງານບໍລິສັດພົບວ່າ ຄວາມຮູ້ສຶກຂອບໃຈເປັນຜົນເຮັດໃຫ້ເກີດສຳນຶກດີຕໍ່ສັງຄົມສ່ວນລວມພາຍໃນບໍລິສັດ.
  3. ຄົນກະຕັນຍູມີໂອກາດໝົດໄຟໜ້ອຍກ່ວາ : ນັກວິໄຈພົບວ່າ ຜູ້ຈັດການທີ່ຮູ້ຈັກຂອບໃຈ ແລະ ໃສ່ໃຈຕໍ່ລູກນ້ອງຂອງຕົນ ຈະເຮັດໃຫ້ພວກເຂົາມີໂອກາດທີ່ຈະໝົດໄຟໃນການເຮັດວຽກໜ້ອຍກ່ວາປົກກະຕິ.
  4. ຄົນກະຕັນຍູສົ່ງຕໍ່ນຳ້ໃຈໄປຍັງຜູ້ອື່ນ : ຄົນທີ່ເຄີຍໄດ້ຮັບການຊ່ວຍເຫລືອມາກ່ອນ ມັກຈະໄປຊ່ວຍເຫລືອຜູ້ອື່ນຕໍ່ ເຖິງຈະບໍ່ໄດ້ກ່ຽວກັບໂຕເອງເລີຍກໍຕາມ.
  5. ຄົນກະຕັນຍູມີຈິດສຳນຶກດ້ານສິນທຳຫລາຍກ່ວາ : ຄວາມກະຕັນຍູຊຸກຍູ້ໃຫ້ເປັນຄົນດີຕໍ່ສັງຄົມ ແລະ ບໍ່ສ້າງຄວາມແຕກແຍກ.
  6. ເຮັດໃຫ້ເກີດວົງຈອນແຫ່ງຄວາມສຸກຈາກການໃຫ້ : ນັກວິໄຈຈາກຄະນະບໍລິຫານວິທະຍາໄລຮາເວີດ ພົບວ່າ ຜູ້ທີ່ມີຄວາມສຸກຈະໃຫ້ຜູ້ອື່ນຫລາຍກ່ວາ ແລະ ການໃຫ້ກໍເຮັດໃຫ້ເກີດຄວາມສຸກ ດັ່ງນັ້ນ ຄວາມສຸກ ແລະ ການໃຫ້ເຮັດໃຫ້ເກີດວົງຈອນດ້ານບວກ ຍິ່ງສຸກຫລາຍກໍຍິ່ງໃຫ້ຫລາຍ ເພີ່ມທະວີຂຶ້ນໄປເລື້ອຍໆແບບນີ້.
  7. ເພີ່ມໂອກາດໃນການສ້າງຄວາມຕັ້ງໃຈແກ່ຄົນໃນອົງກອນ : ວຽກງານວິໄຈໜຶ່ງພົບວ່າ ເມື່ອພະນັກງານໄດ້ມີໂອກາດໃຫ້ສ້າງຄວາມເຂົ້າໃຈ ແລະ ຊ່ວຍເຫລືອໃນເລື່ອງງົບປະມານຂອງບໍລິສັດ ຈະຊ່ວຍເຮັດໃຫ້ຕັ້ງໃຈເຮັດວຽກ ທຸ້ມເທໃຫ້ບໍລິສັດຫລາຍຂຶ້ນ.
  8. ການເປັນຜູ້ໃຫ້ເຮັດໃຫ້ຮູ້ສຶກມີສ່ວນຮ່ວມຫລາຍກ່ວາ : ພະນັກງານທີ່ໃສ່ໃຈເພື່ອນຮ່ວມງານມັກຮູ້ສຶກມີສ່ວນຮ່ວມໃນອົງກອນຫລາຍກ່ວາຄົນອື່ນໆ.
  9. ຄວາມກະຕັນຍູເຮັດໃຫ້ສຸຂະພາບຈິດດີຂຶ້ນ : ຄວາມຮູ້ສຶກຂອບໃຈຊ່ວຍຫລຸດຄວາມເຄັ່ງຄຽດ ແລະ ເຮັດໃຫ້ສຸຂະພາບຈິດດີຂຶ້ນໃນໄລຍະຍາວ.
  10. ຄົນກະຕັນຍູມີມະນຸດສຳພັນດີກ່ວາ : ນັກວິໄຈຈຳນວນໜຶ່ງລະບຸວ່າ ຜູ້ທີ່ມີຄວາມກະຕັນຍູຈະເປັນຄົນເປີດກ້ວາງ, ເຂົ້າຫາງ່າຍ ແລະ ມັກເຂົ້າສັງຄົມ.
  11. ຄົນກະຕັນຍູຟື້ນໂຕຈາກຄວາມເຈັບປວດໄດ້ດີກ່ວາ : ຄວາມກະຕັນຍູ ຫລື ຮູ້ສຶກຂອບໃຈ ນັ້ນມີຜົນຕໍ່ການຮັກສາສຸຂະພາບຈິດໃຫ້ໝັ້ນຄົງຂຶ້ນຫລາຍ ໂດຍສະເພາະເມື່ອຕ້ອງປະສົບກັບເລື່ອງລາວທີ່ກະທົບຕໍ່ຈິດໃຈຢ່າງຮຸນແຮງ.
  12. ຄົນກະຕັນຍູນອນຫລັບໄດ້ດີກ່ວາ : ນັກວິທະຍາສາດເຜີຍວ່າ ຄວາມສຸກຈາກຄວາມກະຕັນຍູນັ້ນມີຜົນຕໍ່ການນອນຫລັບທີ່ດີຂຶ້ນນຳ ເຊິ່ງຊ່ວຍເພີ່ມພະລັງ ແລະ ຄວາມຄິດດ້ານບວກນຳ.
  13. ຄົນກະຕັນຍູມີສຸຸຂະພາບທ່ີແຂງແຮງກ່ວາ : ນັກວິໄຈພົບວ່າ ຄວາມກະຕັນຍູ ຫລື ຄວາມຮູ້ສຶກຂອບໃຈນັ້ນຊ່ວຍຫລຸດອາການປ່ວຍ, ຫລຸດຄວາມດັນເລືອດ ແລະ ເສີມສ້າງພູມຕ້ານທານໄດ້.
  14. ຄົນກະຕັນຍູມີໂອກາດຊືມເສົ້າໄດ້ໜ້ອຍກ່ວາ : ວຽກງານວິໄຈພົບໜຶ່ງວ່າ ມີຄົນຈຳນວນໜຶ່ງທີ່ຂຽນຈົດໝາຍສະແດງຄຳຂອບໃຈຕໍ່ຜູ້ທີ່ເຄີຍຊ່ວຍເຫລືອພວກເຂົາ ຈະສັງເກດໄດ້ວ່າພວກເຂົານັ້ນມີຄວາມສຸກຂຶ້ນ ແລະ ມີຄວາມໂສກເສົ້າຫລຸດໜ້ອຍລົງ.
- WhatsApp Image 2020 05 27 at 5 - ນັກວິທະຍາສາດເຜີຍ 14 ພະລັງຈາກຄວາມກະຕັນຍູ
- WhatsApp Image 2020 05 27 at 5 - ນັກວິທະຍາສາດເຜີຍ 14 ພະລັງຈາກຄວາມກະຕັນຍູ
error: Alert: ເນື້ອຫາຂ່າວມີລິຂະສິດ !!