2 ປັດໄຈທີ່ເຮັດໃຫ້ຄົນອື່ນຕັດສິນທ່ານເມື່ອພົບຄັ້ງທຳອິດ

- 032507 2018 - 2 ປັດໄຈທີ່ເຮັດໃຫ້ຄົນອື່ນຕັດສິນທ່ານເມື່ອພົບຄັ້ງທຳອິດ
- Untitled design - 2 ປັດໄຈທີ່ເຮັດໃຫ້ຄົນອື່ນຕັດສິນທ່ານເມື່ອພົບຄັ້ງທຳອິດ

ຕັ້ງແຕ່ມະນຸດເກີດຂຶ້ນມາ ມະນຸດເຮົາກໍເລີ່ມຕັດສິນຄົນອື່ນໆ ທັງແບບທີ່ບໍ່ຮູ້ໂຕ (ຈິດໃຕ້ສຳນຶກ) ແລະ ແບບທີ່ຮູ້ໂຕ ເຮົາສາ ມາດຕັດສິນຄົນອື່ນໄດ້ໃນບໍ່ເທົ່າໃດວິນາທີ ແລ້ວມະນຸດເຮົາໃຊ້ປັດໄຈຫຍັງແດ່ໃນການທີ່ຈະຕັດສິນຜູ້ອື່ນ ?

Amy Cuddy ຜູ້ຊ່ວຍສາດສະດາຈານປະຈຳຢູ່ Harvard Business School ໄດ້ສຶກສາກ່ຽວກັບຄວາມປະທັບໃຈຄັ້ງທຳອິດ ຫລື First Impression ຮ່ວມກັບນັກຈິດຕະວິທະຍາ Susan Fiske  ແລະ  Peter Glick  ເປັນເວລາດົນກ່ວາ 15 ປີ ແລະ ໄດ້ພົບຮູບແບບທີ່ຕາຍໂຕຂອງການປະຕິສຳພັນນີ້.

Cuddy ຂຽນໄວ້ໃນໜັງສືໃໝ່ຂອງນາງ “Presence” ວ່າ ຜູ້ຄົນຈະຕອບຄຳຖາມ 2 ຄຳຖາມນີ້ທັນທີທີ່ພວກເຂົາພົບທ່ານເປັນຄັ້ງທຳອິດ.

     – ຂ້ອຍຈະໄວ້ໃຈຄົນໆນີ້ໄດ້ຫລືບໍ່ ?

     – ຂ້ອຍຈະຮັບຖືຄົນໆນີ້ໄດ້ຫລືບໍ່ ?

ນັກຈິດຕະວິທະຍາເອີ້ນ 2 ສິ່ງນີ້ວ່າ : ຄວາມອົບອຸ່ນ ແລະ ຄວາມສາມາດ ຕາມຫລັກການແລ້ວທ່ານຈະຢາກໃຫ້ຄົນອື່ນເບິ່ງວ່າທ່ານນັ້ນມີທັງ 2 ຢ່າງ.

- Wave100S AD to Website 2020 0 - 2 ປັດໄຈທີ່ເຮັດໃຫ້ຄົນອື່ນຕັດສິນທ່ານເມື່ອພົບຄັ້ງທຳອິດ

Cuddy ກ່າວວ່າ : ຄົນສ່ວນຫລາຍມັກຈະໃຫ້ຄວາມສຳຄັນກັບຄວາມສາມາດຫລາຍກ່ວາ ໂດຍສະເພາະໃນບົດບາດຂອງໜ້າທີ່ວຽກງານ ນັ້ນເປັນຍ້ອນວ່າພວກເຂົາຢາກພິສູດໃຫ້ທ່ານເຫັນວ່າ ພວກເຂົາກໍສະຫລາດ ແລະ ເກັ່ງເທົ່າໆກັບທ່ານ.

ແຕ່ຄວາມຈິງແລ້ວ ຄວາມອົບອຸ່ນ ຫລື ຄວາມຄູ່ຄວນແກ່ການໄວ້ໃຈ ເປັນສິ່ງທີ່ສຳຄັນທີ່ສຸດທີ່ຄົນອື່ນໃຊ້ຕັດສິນເຮົາ. ຫາກເລົ່າເຖິງບັນພະບູລຸດຂອງເຮົາ Cuddy ກ່າວວ່າ ການທີ່ພວກເຂົາຈະໄວ້ໃຈໃຜ ຖືເປັນສິ່ງສຳຄັນໃນການເອົາໂຕລອດຫລາຍກ່ວາສິ່ງອື່ນ ຫາກເຮົາເບິ່ງຍ້ອນໄປຫາມະນຸດຍຸກຫີນ ເຮົາກໍຈະເຂົ້າໃຈວ່າ ການທີ່ຈະໄວ້ໃຈໃຜນັ້ນເປັນສິ່ງສຳຄັນຫລາຍໆ ເພາະວ່າສະພາບຊີວິດທີ່ອ່າວປ່າເຖື່ອນ ເຮັດໃຫ້ພວກເຂົາມີໂອກາດຖືກປຸ້ນ ຫລື ຖືກຂ້າໄດ້ສູງ.

Cuddy ກ່າວວ່າ : ຄວາມສາມາດເປັນສິ່ງສຳຄັນ ແຕ່ໃນຂະນະດຽວກັນ ຄົນເຮົາຈະເບິ່ງເຫັນຄວາມສາມາດຂອງກັນ ແລະ ກັນກໍຕໍ່ເມື່ອໄດ້ໄວ້ໃຈກັນແລ້ວ. ນອກຈາກນີ້, ຖ້າທ່ານກັງວົນເລື່ອງຄວາມສາມາດຂອງຕົນເອງຫລາຍເກີນໄປກໍອາດສົ່ງຜົນເສຍໄດ້ ເຊັ່ນ : ພະນັກງານບໍລິສັດທີ່ຫາກໍຮຽນຈົບໃໝ່ມັກຈະໃຫ້ຄວາມສຳຄັນກັບການຖືກເບິ່ງວ່າເປັນຄົນເກັ່ງ ແລະ ມີຄວາມສາມາດ ເຮັດໃຫ້ພວກເຂົາບໍ່ສົນໃຈກັບໃຜ ແລະ ບໍ່ມັກຂໍຄວາມຊ່ວຍເຫລືອ ຈົນພວກເຂົາເບິ່ງບໍ່ເປັນມິດ ເຮັດໃຫ້ຄົນເຫລົ່ານີ້ມັກໄດ້ຮັບການຕອບຮັບຈາກຄົນອື່ນໃນດ້ານລົບ ແລະ ມັກຈະບໍ່ໄດ້ຮັບວຽກ ເພາະບໍ່ມີໃຜໃນບ່ອນເຮັດວຽກໄວ້ໃຈພວກເຂົາເລີຍ.

ຫາກທ່ານຢາກຈະເວົ້າຈູງໃຈໃຜຈັກຄົນ ເພື່ອໃຫ້ເຂົາຊ່ວຍເຫລືອທ່ານ ຫລື ຊື້ສິ່ງຂອງໃຫ້ທ່ານ ແຕ່ເຂົາຊຳ້ພັດບໍ່ໄວ້ໃຈທ່ານ ແລະ ທ່ານອາດຈະຕ້ອງຜິດຫວັງ ຫາກໃນຄວາມເປັນຈິງແລ້ວ ອາດເປັນຍ້ອນວ່າເຂົາເບິ່ງວ່າທ່ານເປັນຄົນມີເລ່ລ່ຽມກໍເປັນໄດ້ Cuddy ກ່າວ“ຜູ້ທີ່ມີຄວາມອົບອຸ່ນ, ຄວາມໜ້າໄວ້ໃຈ ແລະ ມີຄວາມສາມາດ ຖືເປັນຄົນທີ່ໜ້າຍ້ອງຍໍ, ແຕ່ກ່ອນຈະ ເນັ້ນໃສ່ຄວາມສາມາດນັ້ນ ທ່ານຄວນໄດ້ຮັບການໄວ້ວາງໃຈກ່ອນ ແລ້ວຄວາມສາມດຂອງທ່ານຈຶ່ງຈະກາຍເປັນພອນສະຫວັນ ບໍ່ແມ່ນເລ່ລ່ຽມທີ່ເບິ່ງໜ້າຢ້ານ.”

- WhatsApp Image 2020 05 27 at 5 - 2 ປັດໄຈທີ່ເຮັດໃຫ້ຄົນອື່ນຕັດສິນທ່ານເມື່ອພົບຄັ້ງທຳອິດ
- WhatsApp Image 2020 05 27 at 5 - 2 ປັດໄຈທີ່ເຮັດໃຫ້ຄົນອື່ນຕັດສິນທ່ານເມື່ອພົບຄັ້ງທຳອິດ
error: Alert: ເນື້ອຫາຂ່າວມີລິຂະສິດ !!