ສະຫະປະຊາຊາດ-ສະຫະລັດອາເມລິກາ ສະແດງຄວາມພ້ອມຊ່ວຍເຫລືອລາວ

- 37787939 282795335811551 3104012417173028864 n - ສະຫະປະຊາຊາດ-ສະຫະລັດອາເມລິກາ ສະແດງຄວາມພ້ອມຊ່ວຍເຫລືອລາວ
- Untitled design - ສະຫະປະຊາຊາດ-ສະຫະລັດອາເມລິກາ ສະແດງຄວາມພ້ອມຊ່ວຍເຫລືອລາວ

ສະຫະ​ປະຊາ​ຊາດ (UN) ​ແລະ ລັດຖະບານ​ສະຫະລັດ​ອາ​ເມ​ລິ​ກາ ຕະຫລອດ​ຮອດ​ປະ​ເທດ​ໃກ້​ຄຽງ​ໃນ​ພາກພື້ນ ລວມທັງ​ໄທ, ມາ​ເລ​ເຊຍ, ຫວຽດນາມ ​ແລະ ສິງກະ​ໂປ ຕ່າງ​ສະ​ແດງ​ຄວາມ​ພ້ອມ​ຊ່ວຍ​ເຫລືອ​ທາງ​ການ​ລາວ ທີ່​ກຳລັງ​ປະສົບ​ໄພພິບັດ​ຈາກ​ນ້ຳຖ້ວມ​ກະທັນຫັນ​ຄັ້ງ​ໃຫຍ່ ​ເຊິ່ງ​ເປັນ​ຜົນ​ຈາກ​ເຂື່ອນ​ແຕກ ມີ​ຜູ້​​ເສຍ​ຊີວິດ​ແລ້ວ 20 ຄົນ.

- 37736664 2037413803238806 6685561988627562496 n - ສະຫະປະຊາຊາດ-ສະຫະລັດອາເມລິກາ ສະແດງຄວາມພ້ອມຊ່ວຍເຫລືອລາວ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢ໋ອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 24 ກໍລະກົດ​ວ່າ: ສະຫະ​ປະຊາ​ຊາດ (UN) ອອກ​ຖະ​ແຫລ​ງການ​ໃນ​ວັນ​ທີ 24 ກໍລະກົດ​ວ່າ: ທ່ານ ອັນ​ໂຕ​ນິ​ໂອ ກູ​ເຕີ​ເຣັສ ​ເລຂາທິການ​ໃຫຍ່ UN ມີ​ຄວາມ​ກັງວົນ ​ແລະ ​ເສົ້າ​ເສຍ​ໃຈ​ເປັນ​ຢ່າງ​ຍິ່ງ​ຕໍ່​ສະຖານະ​ການ​ເຂື່ອນ​ເຊ​ປຽນ-​ເຊ​ນ້ຳນ້ອຍ ຕັ້ງຢູ່​ລະຫວ່າງ​ແຂວງ​ຈຳປາ​ສັກ​ກັບ​ແຂວງ​ອັດ​ຕະປື ທາງ​ຕາ​ເວັນ​ອອກສຽງ​ໃຕ້​ຂອງ​ລາວ ທີ່​ກໍ່ສ້າງ​ໃກ້​ສຳ​ເລັດ ​ເກີດ​ພັງ​ທະລາ​ຍຈົນ​ສົ່ງ​ຜົນ​ໃຫ້​ມວນ​ນ້ຳມະຫາສານ​ໄຫລ​ເຂົ້າຖ້ວມ​ເຮືອນ​ຫລາຍ​ແຫ່ງ ຈົນ​ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 20 ຄົນ ພ້ອມ​ທັງ​ສະ​ແດງ​ຄວາມ​ພ້ອມ​ຂອງ UN ​ໃນ​ການ​ສົ່ງ​ມອບ​ການ​ຊ່ວຍ​ເຫລືອ​ໄປ​ຍັງ​ລັດຖະບານ​ລາວ.

ຂະນະ​ທີ່​ທ່ານ​ນາງ ຮີ​ທ​ເທີ ​ເນົາ​ເອີ​ດ ​ໂຄສົກ​ກະຊວງ​ການ​ຕ່າງປະ​ເທດ​ສະຫະລັດ​ອາ​ເມ​ລິ​ກາ ກ່າວ​ສະ​ແດງ​ຄວາມ​ເສຍ​ໃຈ​ຕໍ່​ສະຖານະ​ການ​ທີ່​ເກີດ​ຂຶ້ນ​ໃນ​ນາມ​ຂອງ​ລັດຖະບານ​ວໍ​ຊິງ​ຕັນ ​ແລະ ຢືນຢັນ​ຄວາມ​ພ້ອມ​ຂອງ​ອາ​ເມ​ລິ​ກາ​ໃນ​ການ​ໃຫ້ການ​ຊ່ວຍ​ເຫລືອ​ແກ່​ທາງ​ການ​ລາວ​ເຊັ່ນ​ກັນ. ນອກຈາກ​ນີ້ ບັນດາ​ປະ​ເທດ​ຮ່ວມ​ພາກພື້ນອາຊີ​ຕາ​ເວັນ​ອອກສຽງ​ໃຕ້ ບໍ່​ວ່າ​ຈະ​ເປັນ​ໄທ, ມາ​ເລ​ເຊຍ, ຫວຽດນາມ ​ແລະ ສິງກະ​ໂປ ຕ່າງ​ປະກາດ​ຄວາມ​ພ້ອມ​ສົ່ງ​ມອບ​ການ​ຊ່ວຍ​ເຫລືອ​ໄປ​ຍັງ​ລາວ. ​ເຖິງ​ຢ່າງ​ໃດ​ກໍ​ຕາມ, ລັດຖະບານ​ລາວ​ຍັງ​ບໍ່​ສະ​ແດງ​ຄວາມ​ຈຳນົງ​ໃນ​ເລື່ອງ​ນີ້​ຢ່າງ​ເປັນ​ທາງ​ການ ພຽງ​ແຕ່​ປະກາດ​ຮັບ​ບໍລິຈາກ​​ເຄື່ອງ​ອຸປະ​ໂພ​ກ-ບໍລິ​ໂພ​ກທີ່​ຈຳ​ເປັນ​ເທົ່າ​ນັ້ນ.

ທັງ​ນີ້, ​ເຈົ້າໜ້າ​ທີ່​ໜ່ວຍ​ກູ້​ໄພ​ໃນ​ແຂວງ​ອັດ​ຕະປື​ໃຊ​້​ເຮືອ ​ແລະ ​ເຮ​ລິກອບ​​​ແຕ​ເປັນ​ພາຫະນະ​ເດີນທາງ​ເຂົ້າສູ່​ພື້ນທີ່​ປະສົບ​ໄພ ​ເພື່ອ​ອົບ​ພະຍົບປະຊາຊົນ​ເຊິ່ງຍັງ​ຕິດ​ຄ້າງ​ຢູ່​ຕາມ​ຫລັງຄາ​ເຮືອນ​ຂອງ​ຕົນ​ເອງ ​ໂດຍ​ມີ​ລາຍ​ງານ​ປະຊາຊົນ​ໄດ້​ຮັບ​ຄວາມ​ເດືອດຮ້ອນ​ປະມານ 6.600 ຄົນ ​ແລະ ພົບ​ຜູ້​ເສຍ​ຊີວິດ​ຢ່າງ​ໜ້ອຍ 20 ຄົນ. ຕາມ​ການ​ເປີດ​ເຜີຍ​ໂດຍ​ສຳນັກ​ຂ່າວ​ສານປະ​ເທດ​ລາວ (LNA) ​ເຊິ່ງລາຍ​ງານ​ເພີ່ມ​ອີກ​ວ່າ: ໜ່ວຍ​ງານ​ທີ່​ກ່ຽວຂ້ອງ​ສາມາດ​ຄວບ​ຄຸມ​ສະຖານະ​ການ​ໄດ້​ແລ້ວ ​ໂດຍ​ບໍ່​ມີນ້ຳຮົ່ວ​ໄຫລ​ອອກ​ມາ​ອີກ, ​ແຕ່​ຍອມຮັບ​ວ່າຢ່າງ​ໜ້ອຍ 7 ບ້ານ​ໃນ​ເມືອງ​ສະໜາມ​ໄຊ ຍັງ​ມີນ້ຳຖ້ວມ​ຂັງ​ຢູ່​ໃນ​ລະດັບ​ສູງ.

​ໂຄງການ​ກໍ່ສ້າງ​ເຂື່ອນ​ເຊ​ປຽນ-​ເຊ​ນ້ຳນ້ອຍ ອອກ​ຖະ​ແຫລ​ງການ​ວ່າ: ​ໃຫ້ການຮ່ວມ​ມື​ຢ່າງ​ເຕັມ​ສ່ວນ​ກັບ​ລັດຖະບານ​ລາວ ​ໃນ​ການ​ແກ້​ໄຂ​ສະຖານະ​ການ​ທີ່​ເກີດ​ຂຶ້ນຢ່າງ​ສຸດ​ຄວາມ​ສາມາດ ​ໂດຍ​ເປີດ​ເຜີຍ​ວ່າ: ​ເລີ່​ມພົບ​ຮອຍ​ແຕກ​ໃນ​ຄື​ນວັນ​ທີ 22 ກໍລະກົດ ​ແລະ ສົ່ງ​ທີ​ມງານ​ໄປ​ສ້ອມ​ແປງ​ແລ້ວ ພ້ອມ​ທັງ​ຂໍ​ໃຫ້​ມີ​ການ​ອົບ​ພະຍົບປະຊາຊົນ​​ໃນ​ 12 ​ບ້ານ ​ແຕ່​ຝົນ​ທີ່​ຕົກລົງ​ມາ​ຢ່າງ​ໜັກ​ເປັນ​ອຸປະສັກ​ສຳຄັນ.

- WhatsApp Image 2020 05 27 at 5 - ສະຫະປະຊາຊາດ-ສະຫະລັດອາເມລິກາ ສະແດງຄວາມພ້ອມຊ່ວຍເຫລືອລາວ
- WhatsApp Image 2020 05 27 at 5 - ສະຫະປະຊາຊາດ-ສະຫະລັດອາເມລິກາ ສະແດງຄວາມພ້ອມຊ່ວຍເຫລືອລາວ
error: Alert: ເນື້ອຫາຂ່າວມີລິຂະສິດ !!