ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ

- vsm - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ
- Untitled design - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ

- vsm 300x300 - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ

ວັດອິນແປງຕັ້ງຢູ່ໃຈກາງ ເທສະບານນະຄອນຫຼວງວຽງຈັນ,ເຊິ່ງເປັນສະຖານທີ່ທ່ອງທ່ຽວແບບປະສົມປະສານ ທາງດ້ານ ປະຫວັດສາດ ແລະ ວັດທະນະທຳ, ເປັນວັດບູຮານນະສະຖານ ທີ່ເກົ່າແກ່ແຫ່ງໜຶ່ງໃນລາວ ແລະ ເປັນສະ ຖາປັດຕະຍະກໍາທີ່ມີລັກ ສະນະໂດດເດັ່ນທາງດ້ານສິລະ ປະລວດລາຍລາວທີ່ຄ້າຍຄືກັບ ວັດອົງຕື້ ແລະ ວັດສີເມືອງ. ໄດ້ມີຕໍານານເລົ່າຂານກັນມາວ່າ: ໃນໄລຍະການກໍ່ສ້າງວັດອິນແປງນີ້, ໄດ້ມີພະຍາອິນລົງມາແລ້ວແປງກາຍເປັນ ຜູ້ເຖົ້າມາຊ່ວຍເຫຼືອ ແລະ ແນະນໍາໃນການກໍ່ສ້າງວັດ, ຫຼັງຈາກນັ້ນ, ພະຍາອິນກໍຍັງໄດ້ແປງກາຍມາເປັນຄູບາເຖົ້າ ອົງໜຶ່ງ ເພື່ອມາຊ່ວຍສ້າງພະພຸດທະຮູບ ນໍາອີກຈຶ່ງເປັນທີ່ມາຂອງຊື່ວັດອິນແປງຈົນມາຮອດເທົ່າທຸກວັນນີ້.

- Vaninpeng 300x300 - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ

ວັດອິນແປງ ເປັນສະຖານ ທີ່ບັນຈຸວັດຖຸບູຮານທີ່ມີຄ່າ ແລະ ສໍາຄັນທາງສາດສະໜາພຸດເປັນຕົ້ນແມ່ນພະພຸດທະ ຮູບອິນ ແປງ, ໃບເສມາຫີນ, ຮູບສິງ ແລະ ເສົາຫີນ ເຊິ່ງປະຊາຊົນລາວຊາວ ພຸດພາຍໃນນະຄອນຫຼວງວຽງຈັນ ແລະ ແຂກທີ່ມາຈາກ ທ້ອງ ຖິ່ນ ອື່ນໆແມ່ນໄດ້ມີຄວາມເຄົາ ລົບນັບຖື ແລະ ເຫຼື້ອມໄສສັດທາວັດນີ້ຫຼາຍ. ນອກ ຈາກນັ້ນ, ຍັງໄດ້ດຶງດູດຈິດໃຈຂອງບັນດານັກທ່ອງທ່ຽວຈາກຕ່າງປະເທດ ໄດ້ເຂົ້າມາທ່ຽວຊົມ ແລະ ຂາບໄຫ້ວ ຢ່າງຫຼວງຫຼາຍ ເຊິ່ງ ຢູ່ດ້ານ ໜ້າຂອງວັດແຫ່ງນີ້ຍັງມີເດີ່ນ ທີ່ກວ້າງຂວາງໄວ້ສຳລັບຈັດ ກິດຈະກຳທາງສາດສະໜາ ໃນວັນເທດສະການຕ່າງໆ ແລະ ໃນ ທຸກໆປີ, ພາຍຫຼັງສຳເລັດບຸນນະມັດສະການພະທາດຫຼວງແລ້ວໄດ້ມີການ ຈັດກິດຈະກຳແຫ່ຜາສາດເຜິ້ງເຊິ່ງປະກອບ ດ້ວຍສຽງມະໂຫລີ ປີ່ແຄນ ແລະ ກອງອັນເປັນດົນຕີພື້ນເມືອງລາວເຮົາ ໂດຍໄດ້ບັນເລງໄປຕາມຈັງຫວະໃນການແຫ່ຜາສາດເຜິ້ງອ້ອມຫໍແຈກ-ກຸດຕິ ເຊິ່ງໄດ້ມີຊາວພຸດໃນນະຄອນຫຼວງ ວຽງຈັນ, ພ້ອມທັງແຂກຕ່າງດ້າວໄດ້ພ້ອມກັນມາແຫ່ຮ່ວມມ່ວນຊື່ນຕາມຮີດຄອງປະເພນີອັນດີ ງາມຂອງຊາວພຸດ.

- ptoun 300x300 - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ

ເຖິງຢ່າງໃດກໍຕາມ, ຖ້າ ທ່ານໃດຫາກມີຄວາມສົນໃຈ ແລະ ມີນໍ້າໃຈສັດທາກະລຸນາ ມາຮ່ວມພິທີກໍາໃນການແຫ່ ຜາສາດເຜິ້ງໄດ້ທີ່ວັດອິນແປງພາຍຫຼັງທີ່ສິ້ນສຸດບຸນນະມັດ ສະການພະທາດຫຼວງວຽງຈັນ ແລ້ວທ່ານກໍຈະໄດ້ຮູ້ ແລະ ໄດ້ເຫັນເຖິງຄວາມໝາຍ ແລະ ຄວາມສໍາຄັນທາງພຸດທະສາດສະໜາອັນເປັນຮີດຄອງ ດີງາມຂອງຊາວພຸດເຮົາ ທີ່ໄດ້ສືບທອດກັນມາຈົນຮອດປັດຈຸບັນ.

- Wave100S AD to Website 2020 0 - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ

 

                     ເໝືອນດັ່ງຄຳກ່າວໄວ້ວ່າ:

*  ວັດອິນແປງແສນຄ່າລ້ານ         ສະຖານທີ່ອັນສໍາຄັນ
ບັນຈຸວັດຖຸບູຮານ                       ໄດ້ກ່າວຂານນານລໍ້າ
ໃບເສມາຫີນຄູນຄໍ້າ                    ພ້ອມເສົາຫີນສໍາຄັນຍິ່ງ
ພະພຸດທະຮູບອິນແປງສະຖິດໄວ້    ໃຫ້ເຮົາໄດ້ຂາບພະນົມ ທ່ານເອີຍ.
*  ໄປທ່ຽວຊົມມ່ວນຊື່ນໄດ້           ໃນທຸກປີມີພິທີ
ສຽງມະໂຫລີປີ່ແຄນ                   ແຫ່ແຫນຜາສາດເຜິ້ງ
ເຖິງເວລາແລ້ວຈັດຂຶ້ນ                ຊາວພຸດລາວໄດ້ມາຮ່ວມ
ຫຼາຍຂະບວນມາຮ່ວມເຕົ້າ            ເປົ່າແຄນເຊີ້ງແຫ່ແຫນ ແທ້ໄດ໊

ໂດຍ: ຊາຍພະເນຈອນ

- WhatsApp Image 2020 05 27 at 5 - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ
- WhatsApp Image 2020 05 27 at 5 - ວັດອິນແປງ ວໍຣະວິຫານ ສະຖາປັດຕະຍະກຳອັນໂດດເດັ່ນ
error: Alert: ເນື້ອຫາຂ່າວມີລິຂະສິດ !!