ຫລາຍ​ພາກສ່ວນຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ

- beerlao - ຫລາຍ​ພາກສ່ວນຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ
- Untitled design - ຫລາຍ​ພາກສ່ວນຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ

ໃນ​ວັນ​ທີ 25 ກໍລະກົດນີ້ ທີ່ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ (ຮສສ) ​ໄດ້ຮັບ​ບໍລິຈາ​ກ​ເຄື່ອງນຸ່ງ​ຫົ່ມ​ ​ແລະ ​ເງິນສົດ​ຈຳນວນ​ໜຶ່ງ ລວມມູນ​ຄ່າຫລາຍ​ກວ່າ 300 ລ້ານ​ກີບ ​ເພື່ອຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ​ຢູ່​ບັນດາ​ແຂວງ​ພາກ​ເໜືອ, ພາກ​ກາງ ​ແລະ ພາກ​ໃຕ້ ຂອງ ສປປ ລາວ. ​​ ​ຕາງໜ້າໂດຍທ່ານ ນາງ ​ໃບ​ຄຳ ຂັດ​ທິຍະ ຮອງລັດຖະມົນຕີ ກະຊວງດັ່ງກ່າວ ​ເຊິ່ງຜູ້​ປະກອບສ່ວນ​ຊ່ວຍ​ເຫລືອໃນ​ຄັ້ງ​ນີ້​ມີ ບໍລິສັດ​ເບຍ​ລາວ 200 ລ້ານ​ກີບ, ສະພາ​ແຫ່ງ​ຊາດ 30 ລ້ານ​ກີບ, ພັນ​ລະ​ຍາ​ ການ​ນຳ 50 ລ້ານ​ກີບ, ສະຖານທູດ​ຫວຽດນາມ ປະຈຳ ສປປ ລາວ 15 ລ້ານ​ກີບ, ບໍລິສັດ ​ກິ​ແກ້ວ ​ແສງ​ພະຈັນ 10 ລ້ານ​ກີບ, ສະມາຄົມ​ຜູ້​ອາຍຸ​ສູງ 5 ລ້ານ​ກີບ​ ​ແລະ ​ໃນ​ມື້​ດຽວ​ກັນ, ກໍ​ມີ​ສ່ວນ​ບຸກຄົນ​ໄດ້​ນຳ​ເອົາ​ເຄື່ອງນຸ່ງຈຳນວນ​ໜຶ່ງມາ​ປະກອບ​ສ່ວນ​ຊ່ວຍ​ເຫລືອ.

ສະພາບ​ອາກາດ ​ແລະ ພາຍຸ​ໝຸນ​ເຂດ​ຮ້ອນ​ເຊິ​ນຕິນ ຫົວທີ 9 ປະຈໍາ​ ປີ 2018 ​ໄດ້​ພັດ​ຜ່ານ​ບັນດາ​ແຂວງ​ພາກ​ເໜືອ, ກາງ ​ແລະ ພາກ​ໃຕ້​ຂອງ ສປປ ລາວ ​ເຮັດ​ໃຫ້​ເກີດ​ໄພພິບັດ​ນ້ຳ​ຖ້ວມ ​ແລະ ດິນ​ເຈື່ອນ​ ຢູ່​ແຂວງອຸດົມ​ໄຊ, ຊຽງ​ຊວາງ, ສະຫວັນ​ນະ​ເຂດ, ຄຳ​ມ່ວນ, ບໍ່​ແກ້ວ, ຫົວພັນ, ອັດ​ຕະປື, ບໍລິ​ຄຳ​ໄຊ, ​ໄຊ​ຍະ​ບູລີ, ​ເຊ​ກອງ ​ແລະ ແຂວງຫລວງ​ພະ​ບາງ ​ເຊິ່ງ​ໄດ້​ສົ່ງ​ຜົນ​ໂດຍ​ກົງ​ຕໍ່​ຊີວິດ ​ແລະ ຊັບ​ສິນ​ຂອງ​ປະຊາຊົນ, ສ້າງ​ຄວາມ​ເສຍ​ຫາຍ​ຕໍ່​ທີ່ຢູ່​ອາ​ໄສ, ບ້ານ​ເຮືອນ, ພື້ນ​ທີ່​ການ​ຜະລິດ, ສັດລ້ຽງ, ​ເສັ້ນທາງ, ຂົວ, ​ໂຮງໝໍ, ​ໂຮງຮຽນ, ​ໄຟຟ້າ, ​ແຫ​ລ່ງນ້ຳ​ກິນ-ນ້ຳ​ໃຊ້ ​ແລະ ອື່ນໆ​ເປັນ​ຈຳນວນ​ຫລວງຫລາຍ ​ໂດຍ​ສະ​ເພາະ​ແມ່ນ​ເຫດການ​ໄພພິບັດ​ນ້ຳ​ຖ້ວມ​ຢູ່​ເມືອງສະໜາມ​ໄຊ ແຂວງ​ອັດ​ຕະປື ອັນ​ໄດ້​ກໍ່​ຄວາມ​ເສຍ​ຫາຍ​ແກ່​ຊີວິດ ​ແລະ ຊັບ​ສິນ​ຂອງ​ປະຊາຊົນ​ຢ່າງ​ໜັກໜ່ວງ.

ກະຊວງ ຮສສ ​ໄດ້​ຮຽກ​ຮ້ອງມາ​ຍັງ​ບັນດາ​ອົງການ​ຈັດ​ຕັ້ງ​ພັກ-ລັດ, ຫົວໜ່ວຍ​ທຸລະ​ກິດ, ພະນັກ ງານ, ທະຫານ, ຕຳຫລວດ, ປະຊາຊົນ​ບັນດາ​ເຜົ່າ ​ແລະ ​ເພື່ອນ​ມິດ​ສະຫາຍ​ຜູ້​ຢູ່​ໃກ້ ແລະ ​ໄກ ​ເພື່ອ​ຂໍ​ຄວາມ​ຊ່ວຍ​ເຫລືອ​ອັນ​ຮີບ​ດ່ວນ​ ເປັນ​ຕົ້ນ​ເຄື່ອງນຸ່ງ​ຫົ່ມ, ອາຫານ-ນ້ຳ​ດື່ມ, ຢາ​ປົວ​ພະຍາດ, ​ເຄື່ອງ​ໃຊ້​​ໃນ​ຄົວ​ເຮືອນ ຫລື ວັດຖຸ​ເງິນ​ຄຳ ​ແລະ ອື່ນໆ ​ເພື່ອ​ປະກອບສ່ວນຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ​ໃນ​ຄັ້ງ​ນີ້. ສຳລັບ​ຜູ້​ທີ່​ປະສົງ​ຢາກ​ປະກອບສ່ວນ​ໃນ​ການ​ແກ້​ໄຂ​ບັນ​ເທົາ​ທຸກ​ຄັ້ງ​ນີ້ ສາມາດ​ປະກອບສ່ວນ​ດ້ວຍ​ຕົນ​ເອງ ຫລື ປະສານ​ງານ​ມາ​ຍັງກົມ​ສົງ​ເຄາະ ​ໃນ​ນາມ​ກອງ​ເລຂາ​ຄະນະ ກຳມະການ​ປ້ອງ​ກັນ ​ແລະ ຄວບ​ຄຸມ​ໄພພິບັດ​ແຫ່ງ​ຊາດ (ກະຊວງ ຮສສ) ຫລື ​ໂອນ​ເຂົ້າ​ທາງ​ບັນຊີ​ເງິນ​ຝາກ​ກອງ​ທຶນ​ຊ່ວຍ​ເຫລືອ​ໄພພິບັດ ຜ່ານ​ບັນຊີ​ເງິນ​ຝາກ​ຂອງ ກະຊວງ​ ຮສສ.

- Wave100S AD to Website 2020 0 - ຫລາຍ​ພາກສ່ວນຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ
  1. ບັນຊີ​ສະກຸນ​ເງິນ​ກີບ: 01011000339453001 ຊື່​ບັນຊີ: National Treasury Department ​ແລ້ວ​ໂອນ​ຕໍ່​ເຂົ້າ​ບັນຊີ​ຂອງ ກະຊວງ ຮສສ ​ເລກ​ບັນຊີ: 47102000001151501 ຊື່​ບັນຊີ: ຮອງ​ຮັບ​ເງິນ​ບໍລິຈາກ ​ເພື່ອ​ຊ່ວຍ​ເຫລືອ​ຜູ້​ປະສົບ​ໄພ​ທາງ​ທຳ​ມະ​ຊາດ.
  2. ບັນຊີ​ສະກຸນ​ເງິນ​ໂດ​ລາ: 010110100339453001 ຊື່​ບັນຊີ: National Treasury Department ແລ້ວ​ໂອນ​ຕໍ່​ເຂົ້າ​ບັນຊີ​ຂອງ ກະຊວງ ຮສສ ​ເລກ​ບັນຊີ: 47102000011151501 ຊື່​ບັນຊີ: ຮອງ​ຮັບ​ເງິນ​ບໍລິຈາກ ​ເພື່ອ​ຊ່ວຍ​ເຫລືອ​ຜູ້​ປະສົບ​ໄພ​ທາງ​ທຳ​ມະ​ຊາດ.
  3. ບັນຊີ​ສະກຸນ​ເງິນ​ບາດ: 010110200339453001 ຊື່​ບັນຊີ: National Treasury Department ແລ້ວ​ໂອນ​ຕໍ່​ເຂົ້າ​ບັນຊີ​ຂອງ ກະຊວງ ຮສສ ​ເລກ​ບັນຊີ: 47102000021151501 ຊື່​ບັນຊີ: ຮອງ​ຮັບ​ເງິນ​ບໍລິຈາກ ​ເພື່ອ​ຊ່ວຍ​ເຫລືອ​ຜູ້​ປະສົບ​ໄພ​ທາງ​ທຳ​ມະ​ຊາດ.
- WhatsApp Image 2020 05 27 at 5 - ຫລາຍ​ພາກສ່ວນຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ
- WhatsApp Image 2020 05 27 at 5 - ຫລາຍ​ພາກສ່ວນຊ່ວຍ​ເຫລືອຜູ້​ປະ​ສົບ​​ເຄາະ​ຮ້າຍ​ຈາກ​ໄພພິບັດທາງ​ທຳ​ມະ​ຊາດ
error: Alert: ເນື້ອຫາຂ່າວມີລິຂະສິດ !!