ວິໄນຕໍ່ຜູ້ກະທຳຜິດເຮັດພໍແລ້ວຮີດແລ້ວຄອງ

- prison - ວິໄນຕໍ່ຜູ້ກະທຳຜິດເຮັດພໍແລ້ວຮີດແລ້ວຄອງ
- Untitled design - ວິໄນຕໍ່ຜູ້ກະທຳຜິດເຮັດພໍແລ້ວຮີດແລ້ວຄອງ

ທິດກ່ຳ ໄປນັ່ງຢູ່ສະພາ ກາເຟ ງ່ຽງຫູຟັງຫລາຍຄົນ ກໍມີຄຳເວົ້າ, ຄຳວ່າ ແລະ ມີ ຄຳເຫັນທີ່ແຕກຕ່າງ ກັນໄປ, ເລື່ອງຂອງມັນກໍມີຢູ່ວ່າ ມີ ຂ່າວໃນໜັງສືພິມລາວພັດ ທະນາ ສະບັບລົງວັນທີ 19 ກໍລະກົດ ທີ່ຜ່ານມາ, ວ່າລັດ ຖະບານຫ້າມ 9 ບໍລິສັດ ປະ ມູນໂຄງການລັດຫລັງຮູ້ວ່າ ມີຄວາມຜິດສໍ້ໂກງຊັບສິນ ລັດໃນຜ່ານມາ, ເນື້ອໃນຂ່າວ ບາງຕອນຍັງລະບຸເຫດຜົນວ່າ: ໃນ 9 ບໍລິສັດທີ່ສະຫງວນ ຊື່ສຽງລຽງນາມນີ້, ພາກັນ ສໍ້ໂກງຊັບສິນຂອງລັດເສຍ ຫາຍຈຳນວນຫລາຍດ້ວຍ ການຫາວິທີຈ່າຍເງິນຊ້ຳ ຊ້ອນ.

 

ຈະເຮັດແນວໃດໃຫ້ທັນເກມຄົນໂກງ ?

ລະມາມປາຖະກະຖາວັນຕ້ານການສໍ້ລາດບັງຫລວງສາກົນ

ເຫດການເລື່ອງນີ້ໄດ້ມີ ຂຶ້ນຫລັງໜ່ວຍງານສະເພາະກິດຂອງລັດຖະບານໄດ້ເຂົ້າ ກວດສອບເຫັນວ່າ ມີເຈດຕະ ນາສໍ້ໂກງແທ້, ສ່ວນວ່າຜົນ ເສຍຫາຍນັ້ນມີມູນຄ່າເຖິງ 4.927 ຕື້ກີບ, ເຫດຜົນວ່າ ມີການຈ່າຍຊ້ຳຊ້ອນນີ້, ກໍ ແມ່ນໄດ້ໄປຂາຍໜີ້ ແລະ ມີ ສ່ວນຫລຸດ 30%-70% ນຳ ກະຊວງການເງິນຕາມລະ ບຽບການແລ້ວ, ເພິ່ນພັດ ຍັງໄປເອົາເງິນຕາມແຜນຢູ່ ນະຄອນຫລວງ ນຳອີກກໍເລີຍ ເປັນອ່ຽວສອງຕໍ່ຕາມ ເຊິ່ງ ຫລິ້ນໝາກກະລ໊ອກ ຫລື ວ່າ ໝາກຕາສິວ.

ມາຮອດປັດຈຸບັນ, ຜ່ານ ການໃຊ້ມາດຕະການກວດ ກາໄດ້ມີ 7 ບໍລິສັດຍິນຍອມ ສົ່ງເງິນຄືນ ແລະ ອີກ 2 ບໍລິ ສັດໃນເບື້ອງຕົ້ນກໍວ່າ ບໍ່ຍອມ ສົ່ງແຕ່ສຸດທ້າຍມາຖືກໃຊ້ ມາດຕະການດຳເນີນການສືບ ສວນ-ສອບສວນ ຈຶ່ງພາກັນ ສົ່ງໝົດ.

ສ່ວນຜູ້ທີ່ຕົກຢູ່ໃນເຄືອ ຂ່າຍການກະທຳຜິດຄັ້ງນີ້, ກໍມີຈຳນວນທັງໝົດ 15 ທ່ານ ເຊື່ອມໂຍງໄປເຖິງ 5 ພະ ແນກການໃນນີ້ມີ 2 ທ່ານ ເປັນພະນັກງານຂັ້ນສູນກາງ ຄຸ້ມຄອງ ໂດຍປະຕິບັດວິໄນ ກ່າວເຕືອນ ຕາມລະບຽບການ ຂອງພັກຂັ້ນຕ່ຳສຸດ ວ່າຊັ້ນ! ສ່ວນທາງເບື້ອງລັດ ກໍແມ່ນ ໃຫ້ຂຽນໃບສຳຫລວດຕົນ ເອງ ແລະ ບັນທຶກຄວາມຜິດ ໄວ້ເປັນຫລັກຖານ.

- Wave100S AD to Website 2020 0 - ວິໄນຕໍ່ຜູ້ກະທຳຜິດເຮັດພໍແລ້ວຮີດແລ້ວຄອງ

ສ່ວນອີກ 13 ທ່ານ ທາງ ແຫລ່ງຂ່າວກໍບໍ່ໄດ້ບອກເຖິງການໃຊ້ມາດຕະການທາງວິ ໄນເປັນລາຍລະອຽດແຕ່ປະ ການໃດ.
ແນວໃດຕາມ, ຊາທິດ ກ່ຳ ຟັງຫາງສຽງສ່ວນ ຫລາຍ ໃນສະພາການເຟໃນມື້ນັ້ນ ໃຜກໍວ່າ, ມາເບິ່ງໃນດ້ານ ການເສຍຫາຍແລ້ວມັນເປັນ ຈຳນວນເງິນຫລວງຫລາຍ ພາຍມາກສົມຄວນ; ແຕ່ເປັນ ຈັ່ງ ບຸນຜ່ານການໃຊ້ມາດ ຕະການກວດກາດ້ວຍຫລາຍຮູບແບບ, ຫລາຍວິທີການ ພວກ ເຮົາຈຶ່ງສາມາດເກັບ ຄືນມາໄດ້.

ກົງກັນຂ້າມ, ຖ້າຫາກ ມີການເມີນເສີຍ, ມີການຄຸ້ມ ຄອງແບບໂສ້ບໍ່ເຄັ່ງລວາດ ແຂ້ວເຕົ່າຄືສະໄໝກ່ອນ ຫລື ບໍ່ມີການກວດກາທີ່ເຂັ້ມງວດ ເງິນຈຳນວນ 4.000 ກວ່າ ລ້ານແມ່ນຈ້າງສິບຊາດກໍບໍ່ ໄດ້ຄືນມາ.

ເມື່ອເປັນດັ່ງວ່ານີ້, ການ ກະທຳຜິດຖານສໍ້ໂກງແບບ ເຈດຕະນາບໍ່ວ່າຂັ້ນໃດ ຂີ້ລ້າຍ ສຸດຖ້າເປັນສະມາ ຊິກພັກ, ມີຕຳແໜ່ງເບື້ອງລັດກໍຕ້ອງ ໄດ້ປົດຕຳແໜ່ງໂດຍໃຫ້ອອກຈາກການ ເປັນລັດຖະກອນ ພ້ອມ ທັງປະຕິບັດໂທດທາງ ອາຍາຢ່າງໜ້ອຍ 3 ເດືອນ ຈຶ່ງຈະເໝາະສົມ, ຍ້ອນຫຍັງ ຈຶ່ງວ່າແນວນັ້ນ? ຍ້ອນວ່າເມື່ອ ມາສົມທຽບໃສ່ການກະທຳ ຜິດຂອງໂຈນມັນພວມຈະລັກເອົາລົດຈັກ ແຕ່ບັງເອີນມີ ຄົນ ເຫັນກ່ອນພາກັນໂຫ່ໄລ່ຈັບ, ໄລ່ຕີ, ໄລ່ປ້ຳ ເປັນຫ້າເປັນສິບ ທັງຖືກໝັດ, ຖືກສອກ, ຖືກເຂົ່າ ທັງຖືກມັດສອກແປ້ຫລັງຈົນຫຳຫົດຕົດແຕກ, ລອດລົ້ມ ລອດຕາຍແລ້ວຍັງສົ່ງໄປໃຫ້ ເຈົ້າໜ້າທີ່ກັກຂັງ ແລະ ດຳ ເນີນຄະດີຢ່າງໜ້ອຍກໍເປັນ ສອງສາມເດືອນທັງໆ ທີ່ລົດ ຈັກກໍບໍ່ທັນໄດ້ເສຍ, ມູນຄ່າ ເສຍຫາຍກໍມີແຕ່ຫ້າລ້ານສິບ ລ້ານກໍຍັງໄດ້ປະຕິບັດໂທດ ທາງອາຍາຕາມກົດໝາຍ ກໍຄືການເອົາໂຈນຜູ້ນັ້ນໄປ ຂັງຄຸກ.

ເມື່ອມາສົມທຽບໃສ່, ການສໍ້ໂກງໂດຍເຈດຕະນາ ຈຳນວນເງິນເຖິງ 4.000 ກວ່າລ້ານມີພຽງ ກ່າວເຕືອນ ຕາມລະບຽບພັກຕ່ຳສຸດ ແລະ ຂຽນໃບສຳຫລວດດ້ວຍຕົນ ເອງ ເບື້ອງລັດພ້ອມທັງມີ ການບັນທຶກຄວາມຜິດໄວ້ ເປັນຫລັກຖານນັ້ນ, ເຫັນວ່າ ມັນ ເບົາບາງໂພດ ເບິ່ງຢ່າງ ໜຶ່ງຄືເຮັດແບບແປະໆ ແມະໆ ພໍ ແລ້ວຮີດແລ້ວຄອງພວກສະ ພາກາເຟເຂົາທັງຈົ່ມທັງແຄ້ນ.

ຕິດຕາມໄປເບິ່ງອີກບໍ່ດົນພວກທີ່ຫາກິນແບບນີ້ເຂົາ ອາດມີວິທີອື່ນທີ່ແນບນຽນ ກວ່ານັ້ນຕາມຕຳລາເວດມົນກົນຄາຖາຂອງເຂົາ./.

- prison - ວິໄນຕໍ່ຜູ້ກະທຳຜິດເຮັດພໍແລ້ວຮີດແລ້ວຄອງ
(ພາບປະກອບ)
- WhatsApp Image 2020 05 27 at 5 - ວິໄນຕໍ່ຜູ້ກະທຳຜິດເຮັດພໍແລ້ວຮີດແລ້ວຄອງ
- WhatsApp Image 2020 05 27 at 5 - ວິໄນຕໍ່ຜູ້ກະທຳຜິດເຮັດພໍແລ້ວຮີດແລ້ວຄອງ
error: Alert: ເນື້ອຫາຂ່າວມີລິຂະສິດ !!