ຄູຝຶກຄາຣາເຕໂດ້ ພໍໃຈຜົນງານ ທີ່ຍາດໄດ້1 ຫລຽນຄໍາ 1 ຫລຽນທອງ

- 37792874 842144232662818 239653819292581888 n - ຄູຝຶກຄາຣາເຕໂດ້ ພໍໃຈຜົນງານ ທີ່ຍາດໄດ້1 ຫລຽນຄໍາ 1 ຫລຽນທອງ
- Untitled design - ຄູຝຶກຄາຣາເຕໂດ້ ພໍໃຈຜົນງານ ທີ່ຍາດໄດ້1 ຫລຽນຄໍາ 1 ຫລຽນທອງ

ສະຫະພັນຄາຣາເຕໂດ້ນະຄອນຫລວງວຽງຈັນ ໄດ້ນໍາສົ່ງນັກກິລາພ້ອມຄະນະເຂົ້າຮ່ວມການແຂ່ງຂັນໃນລາຍການ  “Thailand Open Karatedo Championship 2018” ລະຫວ່າງວັນທີ 20-22 ກໍລະກົດຜ່ານມານີ້ ທີ່ປະເທດ​ໄທ. ຜ່ານການແຂ່ງຂັນນັກກິລາລາວສາມາດຍາດໄດ້ 1 ຫລຽນຄໍາ ແລະ 1 ຫລຽນທອງ ເຊິ່ງໄດ້ສ້າງຄວາມປະທັບໃຈ ແລະ ພໍໃຈຄະນະນໍາພ້ອມຄະນະຄູຝຶກ.

ນາງ ຈັນສຸດາ ເພັດສີຣີແສງ ຄູຝຶກນັກກິລາຄາຣາເຕໂດ້ ສະໂມສອນນະຄອນຫລວງວຽງຈັນ ໃຫ້ສໍາພາດວ່າ: ການແຂ່ງຂັນ “Thailand Open Karatedo Championship 2018” ພວກເຮົາໄດ້ສົ່ງນັກກິລາເຂົ້າຮ່ວມທັງໝົດ 17 ຄົນ, ໃນນັ້ນ, ນັກ​ກິລາ 13 ຄົນ, ຄູຝຶກ 4 ຄົນ, ເຊິ່ງນໍາໂດຍທ່ານ ພົງສະຫວັດ ບຸບຜາ ປະທານສະຫະພັນກາຣາເຕໂດ້ແຫ່ງຊາດລາວ. ຜ່ານການແຂ່ງຂັນຜົນປາກົດວ່າ ນັກກິລາທີມຊາດລາວ ສາມາດຍາດມາໄດ້  1 ຫລຽນຄໍາ ຈາກ ນາງ ສິນສອດ ພູວົງ ໃນການແຂ່ງຂັນປະເພດຕໍ່ສູ້ Kumite ດ່ຽວຍິງ ລຸ້ນອາຍຸບໍ່ເກີນ 12 ປີ ແລະ 1 ຫລຽນທອງ ຈາກ ນາງ ມະໄລພອນ ເພັດດາວເຮື່ອງ ໃນປະເພດຟ້ອນ Kata ດ່ຽວຍິງ ລຸ້ນອາຍຸບໍ່ເກີນ 12 ປີ. ຜົນງານດັ່ງກ່າວໄດ້ສ້າງຄວາມເພິ່ງພໍໃຈໃຫ້ແກ່ຄະນະນໍາຂອງພວກເຮົາໃຫ້ມີກໍາລັງໃຈສ້າງນັກກິລາລຸ້ນສືບທອດຂຶ້ນ.

ການແຂ່ງຂັນຄັ້ງນີ້ມີປະເທດເຂົ້າຮ່ວມທັງໝົດ 19 ປະເທດ ໂດຍແບ່ງເປັນ 46 ທີມ. ຂະນະທີ່ລາວເຮົາສາມາດຍາດມາໄດ້ເປັນອັນດັບທີ 10 ຂອງການແຂ່ງຂັນດັ່ງກ່າວ.

- Wave100S AD to Website 2020 0 - ຄູຝຶກຄາຣາເຕໂດ້ ພໍໃຈຜົນງານ ທີ່ຍາດໄດ້1 ຫລຽນຄໍາ 1 ຫລຽນທອງ
- WhatsApp Image 2020 05 27 at 5 - ຄູຝຶກຄາຣາເຕໂດ້ ພໍໃຈຜົນງານ ທີ່ຍາດໄດ້1 ຫລຽນຄໍາ 1 ຫລຽນທອງ
- WhatsApp Image 2020 05 27 at 5 - ຄູຝຶກຄາຣາເຕໂດ້ ພໍໃຈຜົນງານ ທີ່ຍາດໄດ້1 ຫລຽນຄໍາ 1 ຫລຽນທອງ
error: Alert: ເນື້ອຫາຂ່າວມີລິຂະສິດ !!