ແຂ່ງຂັນບານບ້ວງລະດົມທຶນຊ່ວຍເຫລືອ ອັດຕະປືຈະຂຶ້ນຕົ້ນເດືອນສິງຫານີ້

- received 842145075996067 - ແຂ່ງຂັນບານບ້ວງລະດົມທຶນຊ່ວຍເຫລືອ ອັດຕະປືຈະຂຶ້ນຕົ້ນເດືອນສິງຫານີ້
- Untitled design - ແຂ່ງຂັນບານບ້ວງລະດົມທຶນຊ່ວຍເຫລືອ ອັດຕະປືຈະຂຶ້ນຕົ້ນເດືອນສິງຫານີ້

ສະຫະພັນບານບ້ວງແຫ່ງຊາດລາວ ຮ່ວມກັບ ໂຮງຮຽນກຽດຕິສັກນາໆຊາດ ກຽມຈັດການແຂ່ງຂັນບານບ້ວງຂຶ້ນໃນຕົ້ນເດືອນສິງຫານີ້ ທີ່ໂຮງຮຽນກຽດຕິສັກນາໆຊາດ ເພື່ອລະດົມທຶນຊ່ວຍເຫລືອຜູ້ປະສົບໄພນໍ້າຖ້ວມທີ່ແຂວງອັດຕະປື ໂດຍຈະແຂ່ງຂັນ 2 ລຸ້ນຄື: ລຸ້ນອາຍຸບໍ່ເກີນ 16 ປີ (ຢູ 16) ແລະ ລຸ້ນອາຍຸບໍ່ເກີນ 18 ປີ (ຢູ 18) ຍິງ-ຊາຍ.

ທ່ານ ລິດທິເດດ ຄໍາຮຸ່ງ ຄູຝຶກນັກກິລາບານບ້ວງທີມຊາດລາວ ທັງເປັນຄະນະຮັບຜິດຊອບຈັດການແຂ່ງຂັນ ໃຫ້ສໍາພາດວ່າ: ການແຂ່ງຂັນຄັ້ງນີ້ຈະໄດ້ດໍາເນີນເປັນເວລາ 2 ວັນ ຄືວັນ​ທີ 4-5 ສິງຫານີ້ ໂດຍຈະແບ່ງອອກເປັນ 2 ລຸ້ນຄື: ລຸ້ນອາຍຸ 16 ແລະ ລຸ້ນອາຍຸ 18 ປີ ໂດຍຈະເປີດຮັບສະໝັກທຸກໆມື້ ຖ້າວ່າທີມໃດສົນໃຈເຂົ້າຮ່ວມການແຂ່ງຂັນດັ່ງກ່າວແມ່ນສາມາດເຂົ້າໄປພົວພັນກັບໂຮງຮຽນກຽດຕິສັກນາໆຊາດ ຫລື ສາມາດດາວໂຫລດໄດ້ໃນ APPSTORE\PLAYSTORE ຫລື ລົງທະບຽນແບບອອນລາຍໄດ້ທີ່ ເວບໄຊ FIBA 3X3 ສໍາລັບຄ່າສະໝັກທີມລະ 1 ແສນກີບ.

ທ່ານ ລິດທິເດດ ຄໍາຮຸ່ງ ຍັງເວົ້າວ່າ: ການແຂ່ງຂັນຄັ້ງນີ້ພວກເຮົາຈະນໍາລາຍໄດ້ທັງໝົດເພື່ອເຂົ້າຊ່ວຍຜູ້ປະສົບໄພນໍ້າຖ້ວມທີ່ແຂວງອັດຕະປື. ນອກຈາກນັ້ນ, ຍັງຈະເປັນການຄັດເລືອກເອົານັກກິລາບານບ້ວງເຂົ້າບັນຈຸເປັນນັກກິລາທີມຊາດເຂົ້າຮ່ວມການແຂ່ງຂັນເອຊຽນເກມ 2018 ທີ່ຈະຈັດຂຶ້ນໃນວັນທີ 14 ສິງຫາ – 1 ກັນຍາ 2018 ທີ່ປະເທດອິນໂດເນເຊຍເປັນເຈົ້າພາບ. ການແຂ່ງຂັນຄັ້ງນີ້ຄາດວ່າຈະມີທີມເຂົ້າຮ່ວມທັງໝົດບໍ່ຕໍ່າກວ່າ 30 ທີມ. ດັ່ງນັ້ນ ຂ້າພະເຈົ້າຈຶ່ງຂໍເຊີນຊວນບັນດານັກກິລາບານບ້ວງ ທັງພາຍໃນນະຄອນຫລວງວຽງຈັນ ແລະ ຕ່າງແຂວງເຂົ້າຮ່ວມການແຂ່ງຂັນຄັ້ງນີ້ ເຊິ່ງຈະປິດຮັບສະໝັກໃນວັນທີ 1 ສິງຫານີ້.

- Wave100S AD to Website 2020 0 - ແຂ່ງຂັນບານບ້ວງລະດົມທຶນຊ່ວຍເຫລືອ ອັດຕະປືຈະຂຶ້ນຕົ້ນເດືອນສິງຫານີ້
- WhatsApp Image 2020 05 27 at 5 - ແຂ່ງຂັນບານບ້ວງລະດົມທຶນຊ່ວຍເຫລືອ ອັດຕະປືຈະຂຶ້ນຕົ້ນເດືອນສິງຫານີ້
- WhatsApp Image 2020 05 27 at 5 - ແຂ່ງຂັນບານບ້ວງລະດົມທຶນຊ່ວຍເຫລືອ ອັດຕະປືຈະຂຶ້ນຕົ້ນເດືອນສິງຫານີ້
error: Alert: ເນື້ອຫາຂ່າວມີລິຂະສິດ !!