ອາກາດຈະຮ້ອນຂຶ້ນເລັກນ້ອຍໃນທ້າຍອາທິດນີ້

- advert banner 728 90 728x90 - ອາກາດຈະຮ້ອນຂຶ້ນເລັກນ້ອຍໃນທ້າຍອາທິດນີ້

- temperature 300x186 - ອາກາດຈະຮ້ອນຂຶ້ນເລັກນ້ອຍໃນທ້າຍອາທິດນີ້ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ແຕ່ວັນທີ 10-12 ມີນານີ້, ບໍລິເວນຄວາມກົດດັນອາກາດຕ່ຳຈະມີກຳລັງແຮງເພີ່ມຂຶ້ນແຜ່ປົກຄຸມຢູ່ທົ່ວທຸກພາກຂອງລາວ, ສົມ ທົບກັບກະແສລົມຕາເວັນຕົກພັດປົກຄຸມ, ຊຶ່ງລັກສະນະເຊັ່ນນີ້ ຈະເຮັດໃຫ້ອຸນຫະພູມອາກາດຮ້ອນ ຫາ ຮ້ອນເອົ້າຂຶ້ນຕື່ມອີກ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ. ພາກເໜືອດ້ານຕາເວັນອອກ: ອຸນຫະພູມອາກາດອຸ່ນຂຶ້ນ ແລະ ຈະມີຝົນຕົກກະຈາຍ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມຕ່ຳສຸດ 16-18 ອົງສາ ແລະ ສູງສຸດ 30-32 ອົງສາ; ພາກເໜືອດ້ານຕາເວັນຕົກ: ອາກາດຍັງຈະຮ້ອນຢູ່ຕື່ມອີກ ແລະ ຈະມີຝົນຕົກຟ້າຮ້ອງ, ຟ້າເຫລື້ອມ ພ້ອມມີລົມພັດແຮງຢູ່ບາງທ້ອງຖິ່ນ; ນະຄອນຫລວງວຽງຈັນ: ອຸນຫະພູມອາກາດຈະຮ້ອນຂຶ້ນຕື່ມອີກ, ພ້ອມີໝອກແຫ້ງປົກຫຸ້ມຢູ່ທົ່ວໄປ ແລະ ຈະມີຝົນຕົກກະຈາຍພ້ອມມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 23-35 ອົງສາ ແລະ ສູງສຸດ 35-37 ອົງສາ; ພາກໃຕ້: ອາກາດຍັງສືບຕໍ່ຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມກະຈາຍ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 36-38 ອົງສາ, ສະເພາະເຂດປາກຊ່ອງ ແລະ ນິຄົມ 34: ອຸນຫະພູມຕ່ຳສຸດ 10-12 ອົງສາ ແລະ ສູງສຸດ 26-28 ອົງສາ. ດັ່ງນັ້ນ ຈຶ່ງເຕືອນປະຊາຊົນທີ່ອາໃສຢູ່ເຂດດັ່ງກ່າວ ໃຫ້ມີສະຕິລະວັງຕົວຕໍ່ສະພາບອາກາດທີ່ມີການປ່ຽນແປງໄວດັ່ງກ່າວ, ຊຶ່ງມັນອາດຈະສົ່ງຜົນກະທົບຕໍ່ສຸຂະພາບຂອງຄົນ, ສັດລ້ຽງ ພ້ອມທັງໃຫ້ກວດກາເບິ່ງອຸປະກອນໄຟຟ້າພາຍໃນເຮືອນຂອງຕົນ ເພື່ອຫລີກລ້ຽງບໍ່ໃຫ້ເກີດອັກຄີໄພ ແລະ ໃຫ້ມີສະຕິຕໍ່ສະພາບລົມແຮງໃນໄລຍະນີ້ຕື່ມອີກ.

- new3 - ອາກາດຈະຮ້ອນຂຶ້ນເລັກນ້ອຍໃນທ້າຍອາທິດນີ້
error: Content is protected !!