ຫລາຍເຂື່ອນໄດ້ປ່ອຍນໍ້າເພື່ອຄວາມປອດໄພ

- 37835266 1904776732919964 3576609452826034176 n - ຫລາຍເຂື່ອນໄດ້ປ່ອຍນໍ້າເພື່ອຄວາມປອດໄພ
- Untitled design - ຫລາຍເຂື່ອນໄດ້ປ່ອຍນໍ້າເພື່ອຄວາມປອດໄພ

ພາຍຫລັງເກີດເຫດການເຂື່ອນເຊປຽນ-ເຊນໍ້ານ້ອຍແຕກ ເມື່ອວັນທີ 23 ກໍລະກົດຜ່ານມາ, ໄດ້ເຮັດໃຫ້ມວນນໍ້າຈໍານວນມະຫາສານໄດ້ໄຫລຊຸເຂົ້າຖ້ວມຫລາຍບ້ານໃນເຂດເມືອງສະໜາມໄຊແຂວງອັດຕະປື, ສ້າງຄວາມສູນເສຍແກ່ຊີວິດ ແລະ ຊັບສີນຢ່າງຫລວງຫລາຍ. ຈາກເຫດການບໍ່ເພິ່ງປາດຖະໜາດັ່ງກ່າວ, ລັດຖະມົນຕີກະຊວງພະລັງງານ ແລະ ບໍ່ແຮ່ ຈຶ່ງໄດ້ອອກແຈ້ງການເຖິງເຈົ້າຂອງໂຄງການເຊື່ອນໄຟຟ້າທັງພາກລັດ ແລະ ເອກະຊົນໃນຂອບເຂດທົ່ວປະເທດ ໃຫ້ເພີ່ມທະວີຄວາມເອົາໃຈໃສ່ໃນການບໍລິຫານຈັດການນໍ້າ ແລະ ການຄຸ້ມຄອງການຜະລິດຂອງເຂື່ອນໄຟຟ້າແຕ່ລະແຫ່ງ, ຈາກນັ້ນໄດ້ມີຫລາຍໂຄງການເຂື່ອນສະແດງເຈດຈໍານົງຂໍປ່ອຍນໍ້າອອກຈາກເຂື່ອນຂອງຕົນ ເປັນຕົ້ນ: ເຂື່ອນໄຟຟ້ານໍ້າງຽບ 2 ໄດ້ປ່ອຍນໍ້າຜ່ານປະຕູລະບາຍນໍ້າດ້ວຍຄວາມສູງ 0,5 ແມັດ ເພື່ອລະບາຍນໍ້າຈໍານວນ 51,9 ລ້ານແມັດກ້ອນໃນເວລາ 12:00 ໂມງຂອງວັນທີ 25 ກໍລະກົດຜ່ານມານີ້, ໂດຍອໍານາດການປົກຄອງເມືອງທ່າໂທມແຂວງໄຊສົມບູນໄດ້ແຈ້ງໃຫ້ປະຊາຊົນຫລາຍບ້ານໃນເຂດທ່າວຽງມີສະຕິລະວັງຕົວໃນການໄປມາ, ເອົາໃຈໃສ່ເບິ່ງແຍງເດັກນ້ອຍ ແລະ ຜູ້ເຖົ້າ, ພ້ອມທັງກະກຽມຍົກຍ້າຍວັດຖຸສິ່ງຂອງມີຄ່າໄປໄວ້ບ່ອນສູງ ແລະ ໃນວັນທີ 22 ກໍລະກົດເຂື່ອນນໍ້າທາ 1 ກໍໄດ້ປ່ອຍນໍ້າອອກຈາກເຊື່ອນເຊັ່ນກັນ ແລະ ຈະປິດປະຕູປ່ອຍນໍ້າໃນວັນທີ 27 ກໍລະກົດນີ້, ເຊິ່ງລະຫວ່າງການປ່ອຍນໍ້ານັ້ນໄດ້ເຮັດໃຫ້ລະດັບນໍ້າໃນສາຍນໍ້າເພີ່ມຂຶ້ນຫລາຍແມັດ ແຕ່ບໍ່ໄດ້ສົ່ງຜົນກະທົບຕໍ່ສິ່ງໃດໆຢູ່ລຸ່ມເຂື່ອນ.

- Wave100S AD to Website 2020 0 - ຫລາຍເຂື່ອນໄດ້ປ່ອຍນໍ້າເພື່ອຄວາມປອດໄພ
- WhatsApp Image 2020 05 27 at 5 - ຫລາຍເຂື່ອນໄດ້ປ່ອຍນໍ້າເພື່ອຄວາມປອດໄພ
- WhatsApp Image 2020 05 27 at 5 - ຫລາຍເຂື່ອນໄດ້ປ່ອຍນໍ້າເພື່ອຄວາມປອດໄພ
error: Alert: ເນື້ອຫາຂ່າວມີລິຂະສິດ !!