ນາຍົກຖະແຫລງໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປືເປັນຄັ້ງຮ້າຍແຮງ ຮຽກຮ້ອງການຊ່ວຍເຫລືອຂອງທົ່ວສັງຄົມ

- PM Thongloun - ນາຍົກຖະແຫລງໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປືເປັນຄັ້ງຮ້າຍແຮງ ຮຽກຮ້ອງການຊ່ວຍເຫລືອຂອງທົ່ວສັງຄົມ
- Untitled design - ນາຍົກຖະແຫລງໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປືເປັນຄັ້ງຮ້າຍແຮງ ຮຽກຮ້ອງການຊ່ວຍເຫລືອຂອງທົ່ວສັງຄົມ

ແລງວັນທີ 25 ກໍລະກົດນີ້, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໄດ້ຖະແຫລງຕໍ່ສື່ມວນຊົນກ່ຽວກັບໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປືວ່າ: ຜົນກະທົບໃນຄັ້ງນີ້ແມ່ນຮ້າຍແຮງ ແລະ ໃຫຍ່ຫລວງ, ຊຶ່ງອາດເວົ້າໄດ້ວ່າເປັນຄັ້ງທໍາອິດໃນຮອບຫລາຍສິບປີກໍວ່າໄດ້, ສາເຫດເນື່ອງຈາກມີຝົນຕົກໜັກຕິດຕໍ່ກັນຫລາຍມື້, ປະລິມານນໍ້າຂຶ້ນສູງ ເຮັດໃຫ້ອ່າງເກັບນໍ້າສໍາຮອງຂອງເຂື່ອນໄຟຟ້າເຊປຽນ-ເຊນໍ້ານ້ອຍແຕກເມື່ອວັນທີ 23 ກໍລະກົດນີ້, ເຮັດໃຫ້ນໍ້າໄຫລລົງມາຖ້ວມບ້ານເຮືອນຂອງປະຊາຊົນໃນເຂດຕອນລຸ່ມຢ່າງກະທັນຫັນ, ກະແສນໍ້າໄຫລແຮງພັດເອົາເຮືອນພ້ອມດ້ວຍຜູ້ຄົນເປັນຈໍານວນຫລາຍໄຫລໄປຕາມກະແສນໍ້າ, ຈໍານວນໜຶ່ງຫາຍສາບສູນ ແລະ ຈໍານວນໜຶ່ງໜີໄພຂຶ້ນຢູ່ຕາມຫລັງຄາເຮືອນ, ຕົ້ນໄມ້ໃຫຍ່ ເພື່ອລໍຖ້າການຊ່ວຍເຫລືອຈາກເຈົ້າໜ້າທີ່. ຊຶ່ງມາຮອດຕອນແລງຂອງວັນທີ 24 ກໍລະກົດ ຈຶ່ງສາມາດຊ່ວຍເຫລືອໄດ້ທັງໝົດ, ໂດຍໄດ້ອົບພະຍົບມາຢູ່ຫ້ອງການປົກຄອງເມືອງ, ໂຮງຮຽນ, ເທສະບານເມືອງ, ຢູ່ທີ່ສູງ ແລະ ປອດໄພໝົດແລ້ວ.

ມາຮອດປັດຈຸບັນມີປະຊາຊົນໄດ້ຮັບຜົນກະທົບຂາດທີ່ຢູ່ອາໃສ 587 ຄອບຄົວ, 3.060 ຄົນ, ມີຜູ້ສູນຫາຍ 131 ຄົນ, ມີ 13 ບ້ານໄດ້ຮັບຜົນກະທົບຮ້າຍແຮງ.

ປັດຈະບັນ, ລັດຖະບານໄດ້ຈັດຕັ້ງໜ່ວຍງານສະເພາະກິດ ໂດຍມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີເປັນຫົວໜ້າຄະນະ ສົມທົບກັບຫລາຍພາກສ່ວນ ທັງສູນກາງ ແລະ ທ້ອງຖິ່ນຂຸ້ນຂ້ຽວຈັດຕັ້ງປະຕິບັດງານຊ່ວຍເຫລືອຜູ້ປະສົບໄພດັ່ງກ່າວ ແລະ ຄາດວ່າສະພາບຈະກັບຄືນສູ່ປົກກະຕິໃນເວລາອັນໃກ້ນີ້, ສ່ວນມູນຄ່າການເສຍຫາຍຍັງບໍ່ທັນສາມາດສະຫລຸບໄດ້ເທື່ອ.

- Wave100S AD to Website 2020 0 - ນາຍົກຖະແຫລງໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປືເປັນຄັ້ງຮ້າຍແຮງ ຮຽກຮ້ອງການຊ່ວຍເຫລືອຂອງທົ່ວສັງຄົມ

ໃນໂອກາດດັ່ງກ່າວ, ທ່ານນາຍົກລັດຖະມົນຕີ ຍັງໄດ້ກ່າວສະແດງຄໍາຂອບໃຈຕໍ່ກາຍຊ່ວຍເຫລືອຂອງທຸກພາກສ່ວນດ້ວຍນໍ້າໃຈຈິງ ດ້ວຍຄວາມເປັນຫ່ວງຂອງປະຊາຊົນລາວທີ່ມີຕໍ່ປະຊາຊົນຜູ້ຖືກເຄາະຮ້າຍໃນຄັ້ງນີ້ ແລະ ຕາງຫນ້າໃຫ້ລັດຖະບານ ແລະ ປະຊາຊົນລາວຂໍສະແດງຄວາມຂອບໃຈຈິງຕໍ່ຄວາມເຫັນໃຈ ແລະ ມີເຈດຈໍານົງໃຫ້ການຊ່ວຍເຫລືອຂອງລັດຖະບານ ແລະ ປະຊາຊົນຂອງບັນດາປະເທດເພື່ອນມິດ ແລະ ອົງການຈັດຕັ້ງສາກົນຕ່າງໆໃນຄັ້ງນີ້, ສິ່ງດັ່ງກ່າວຍັງໄດ້ສ້າງກໍາລັງແຮງ ແລະ ກຳລັງໃຈໃຫ້ແກ່ຜູ້ປະສົບເຄາະຮ້າຍດັ່ງກ່າວ ເພື່ອສາມາດຟື້ນຟູສະພາບເຂົ້າສູ່ຄວາມປົກກະຕິໂດຍໄວ. ພ້ອມຮຽກຮ້ອງໃຫ້ທຸກຄົນຕິດຕາມສະພາບຕິດຟ້າອາກາດທີ່ປ່ຽນແປງຢູ່ຕະຫລອດເວລາ ແລະ ໃຫ້ມີສະຕິລະວັງຕົວຢູ່ສະເຫມີເພື່ອກຽມຮັບມືກັບສະຖານະການທີ່ຈະເກີດຂຶ້ນຂອງໄພທຳມະຊາດ ແລະ ສິ່ງສໍາຄັນແມ່ນໃຫ້ມີສະຕິຕໍ່ຂ່າວຄາວຕ່າງໆທີ່ອອກມາ ເພື່ອບໍ່ໃຫ້ເປັນການເຂົ້າໃຈຜິດໄປຕ່າງໆນາໆ.

- WhatsApp Image 2020 05 27 at 5 - ນາຍົກຖະແຫລງໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປືເປັນຄັ້ງຮ້າຍແຮງ ຮຽກຮ້ອງການຊ່ວຍເຫລືອຂອງທົ່ວສັງຄົມ
- WhatsApp Image 2020 05 27 at 5 - ນາຍົກຖະແຫລງໄພພິບັດນໍ້າຖ້ວມຢູ່ເມືອງສະໜາມໄຊແຂວງອັດຕະປືເປັນຄັ້ງຮ້າຍແຮງ ຮຽກຮ້ອງການຊ່ວຍເຫລືອຂອງທົ່ວສັງຄົມ
error: Alert: ເນື້ອຫາຂ່າວມີລິຂະສິດ !!