8 ເຄັດລັບຊ່ວຍຊຸກຍູ້ທ່ານໃຫ້ກ້າວໄປສູ່ຄວາມສຳເລັດ

- 012607 2018 - 8 ເຄັດລັບຊ່ວຍຊຸກຍູ້ທ່ານໃຫ້ກ້າວໄປສູ່ຄວາມສຳເລັດ
- Untitled design - 8 ເຄັດລັບຊ່ວຍຊຸກຍູ້ທ່ານໃຫ້ກ້າວໄປສູ່ຄວາມສຳເລັດ

ການປະສົບຄວາມສຳເລັດເປັນສິ່ງທີ່ໃຜຫລາຍໆຄົນລ້ວນແຕ່ໄຝ່ຝັນ, ແຕ່ກ່ວາຈະໄປເຖິງຈຸດນັ້ນບໍ່ແມ່ນເລື່ອງງ່າຍເລີຍ ເພາະທ່ານຕ້ອງພັດທະນາຕົນເອງ, ລົງມືເຮັດໃຫ້ຫລາຍຂຶ້ນ ແລະ ສິ່ງທີ່ສຳຄັນທີ່ສຸດກໍຄື ທ່ານຕ້ອງມີຄວາມປາຖະໜາຈາກໃຈຈິງທີ່ຈະກ້າວໄປສູ່ຈຸດນັ້ນ ແລະ ຕໍ່ໄປນີ້ແມ່ນເຄັດລັບທີ່ຈະຊ່ວຍໃຫ້ທ່ານມີກຳລັງໃຈທີ່ຈະກ້າວໄປສູ່ຄວາມສຳເລັດຫລາຍຂຶ້ນ :

  1. ສີ່ງທີ່ທ່ານເຮັດຢູ່ເປັນປະຈຳທຸກມື້ ຈະປ່ຽນເປັນນິໄສຂອງທ່ານໄດ້ : ດັ່ງນັ້ນ ທ່ານຈະຕ້ອງເລືອກກິດຈະກຳທີ່ສາມາດນຳທາງທ່ານໄປສູ່ຄວາມສຳເລັດໄດ້ ເຊັ່ນ : ການຄິດໃນດ້ານບວກ ຫລື ການບໍ່ເປັນຄົນມັກເລື່ອນມື້. ນອກຈາກນີ້ ທ່ານຕ້ອງເລືອກທີ່ຈະລະຖິ້ມນິໄສບໍ່ດີອອກໄປແດ່ ເພາະມັນຈະຂັດຂວາງທ່ານບໍ່ໃຫ້ສູ່ຄວາມສຳເລັດ.
  2. ຢ່າໃຫ້ອາລົມມາຄວບຄຸມຕົນເອງ : ຄືກັບຄື້ນໃຫຍ່ທີ່ຊັດໃສ່ເຮືອ ຈົນເຮືອຂອງທ່ານບໍ່ສາມາດແລ່ນໄປໃນທິດທາງທີ່ຕ້ອງການໄດ້ ດັ່ງນັ້ນ ຈົ່ງພັດທະນາຄວາມເຂັ້ມແຂງທາງຈິດໃຈໃຫ້ດີຍິ່ງຂຶ້ນ ເຮັດໃຫ້ເຮືອຂອງທ່ານແຂງແກ່ນຕໍ່ຄື້ນທຸກຊະນິດ ມັນຈະເຮັດໃຫ້ທ່ານໄປສູ່ຈຸດໝາຍທີ່ຕ້ອງການໄດ້ໄວຂຶ້ນ.
  3. ບາງເທື່ອການຜ່ານຜ່າອຸປະສັກທີ່ຢູ່ຕໍ່ໜ້າກໍເປັນວິທີແກ້ບັນຫາທີ່ດີ, ແຕ່ໃນບາງເທື່ອເຮົາກໍບໍ່ຈຳເປັນຕ້ອງຜ່ານຜ່າມັນໄປຢ່າງມຸທະລຸ ການແນມຫາເສັ້ນທາງໃໝ່ໆອາດຈະເປັນໂຕເລືອກທີ່ດີກ່ວາ.
  4. ຢ່າສິ້ນຫວັງ : ເຖິງວ່າທ່ານຈະພົບເລື່ອງທີ່ບໍ່ດີປານໃດກໍຕາມ ຄວາມຫວັງກໍຄືກັບເຊືອກທີ່ຊ່ວຍດຶງທ່ານຂຶ້ນມາຈາກຂຸມ ມັນແມ່ນຂັ້ນໄດທີ່ຈະເຊື່ອມຕໍ່ທ່ານໄປສູ່ຄວາມສຳເລັດ ດັ່ງນັ້ນແລ້ວ ຢ່າປ່ອຍໃຫ້ເຊືອກເສັ້ນນີ້ຫລຸດມືໄປເດັດຂາດ.
  5. ການຄິດໃນດ້ານບວກຈະໄດ້ຜົນດີກໍຕໍ່ເມື່ອທ່ານລົງມືເຮັດໃນສິ່ງທີ່ດີນຳ : ການຄິດບວກຊ່ວຍໃຫ້ທ່ານມີຄວາມສຸກ, ແຕ່ການລົງມືເຮັດສິ່ງທີ່ດີຈະຊ່ວຍເຮັດໃຫ້ຜົນໄດ້ຂອງການຄິດບວກອອກມາເປັນຮູບປະທຳຫລາຍຍິ່ງຂຶ້ນ.
  6. ມີເປົ້າໝາຍທີ່ຈະແຈ້ງ : ເບິ່ງໃຫ້ອອກວ່າທ່ານຕ້ອງການຫຍັງ ຖ້າທ່ານມີຄວາມເຊື່ອ ແລະ ຄວາມຕັ້ງໃຈແລ້ວ ທ່ານກໍສາມາດກ້າວໄປສູ່ຄວາມສຳເລັດໄດ້ຄືກັນ.
  7. ໃຊ້ເວລາໃຫ້ຄືກັບເງິນ : ທ່ານຈະໃຊ້ມັນໄປກັບຫຍັງແດ່ ? ຢ່າເຮັດໃຫ້ໂຕເອງເສຍເວລາໄປໂດຍບໍ່ເກີດປະໂຫຍດ ເວລາທີ່ຜ່ານໄປໃນແຕ່ລະມື້ກໍຄືກັບເງິນທີ່ຢູ່ໃນທະນາຄານ ທ່ານກຳລັງຖອນມັນອອກມາເລື້ອຍໆ ດັ່ງນັ້ນ ຈົ່ງໃຊ້ເວລາໄປກັບສິ່ງດີໆ, ສິ່ງທີ່ມີຄຸນຄ່າກັບທ່ານ ແລະ ເຮັດໃຫ້ທ່ານພັດທະນາຕົນເອງ.
  8. ຈົ່ງເປັນຄົນສຸຂຸມຮອບຄອບ ແລະ ໃຈກ້ວາງ : ມັນຈະເຮັດໃຫ້ທ່ານເບິ່ງເຫັນໂອກາດຫລາຍຂຶ້ນ ຫລື ຄິດຫຍັງໃໝ່ໆໄດ້ຫລາຍຂຶ້ນ ແລະ ມັນຈະເຮັດໃຫ້ທ່ານປະສົບຄວາມສຳເລັດໄດ້.
- Wave100S AD to Website 2020 0 - 8 ເຄັດລັບຊ່ວຍຊຸກຍູ້ທ່ານໃຫ້ກ້າວໄປສູ່ຄວາມສຳເລັດ
- WhatsApp Image 2020 05 27 at 5 - 8 ເຄັດລັບຊ່ວຍຊຸກຍູ້ທ່ານໃຫ້ກ້າວໄປສູ່ຄວາມສຳເລັດ
- WhatsApp Image 2020 05 27 at 5 - 8 ເຄັດລັບຊ່ວຍຊຸກຍູ້ທ່ານໃຫ້ກ້າວໄປສູ່ຄວາມສຳເລັດ
error: Alert: ເນື້ອຫາຂ່າວມີລິຂະສິດ !!