10 ເທັກນິກສ້າງນວິໄນໃຫ້ລູກກ່ອນເປັນຜູ້ໃຫຍ່

ການສ້າງວິໄນໃຫ້ກັັບລູກ ເປັນສິ່ງທີ່ພໍ່ແມ່ສາມາດເລີ່ມຕົ້ນໄດ້ຕັ້ງແຕ່ນ້ອຍ ແລະ ຮຽນຮູ້ຕົວຢ່າງທີ່ດີໄດ້ຈາກພໍ່ແມ່ ບໍ່ແມ່ນເລີ່ມຕົ້ນເມື່ອລູກເຂົ້າໂຮງຮຽນແລ້ວປ່ອຍໃຫ້ເປັນໜ້າທີ່ຂອງຄູ-ອາຈານ ເພາະເດັກນ້ອຍບາງຄົນຢູ່ໂຮງຮຽນອາດເຮັດຕາມຄູສອນທຸກຢ່າງ, ຊ່ວຍຕົນເອງໄດ້, ກິນເຂົ້າກິນນໍ້າ ແລະ ເຂົ້າຫ້ອງນໍ້າເອງໄດ້ ແຕ່ພໍກັບມາເຮືອນກັບກາຍເປັນຄົນລະຄົນ ເຮັດຫຍັງເອງກໍຮ້ອງໃຫ້ພໍ່ແມ່ຊ່ວຍ ຫາກບໍ່ໄດ້ດັ່ງໃຈກໍຮ້ອງໄຫ້ ດັ່ງນັ້ນເຮົາມາເລີ່ມຕົ້ນສ້າງວິໄນໃຫ້ລູກແບບບໍ່ຕ້ອງລໍຖ້າລູກໃຫຍ່.

1. ໃຊ້ພາບສັນຍະລັກແທນຄໍາເວົ້າ: ແທນທີ່ຈະຕ້ອງຄອຍບອກລູກສະເໜີ ລູກຟັງແດ່ ບໍ່ຟັງແດ່ ລອງຫັນມາໃຊ້ພາບສັນຍະລັກແທນ ເພື່ອຊ່ວຍເຕືອນຄວາມຈໍາລູກໆເຊັ່ນ: ການຕິດພາບຫ້າມແລ່ນລົງຂັ້ນໄດ, ພາບລ້າງມືໄວ້ຢູ່ໜ້າຫ້ອງນໍ້າ ຫຼືພາບອື່ນໆ.
2. ແຕ້ມຮູບກາຕູນເຮັດຕາຕາລາງກິດຈະກໍາເປັນລໍາດັບຂັ້ນຕອນເຊັ່ນ: ກິດຈະກໍາຫຼັງເລີກຮຽນກັບບ້ານເລີ່ມຈາກເຮັດບົດຝຶດຫັດ, ອອກໄປແລ່ນ, ກິນເຂົ້າ, ອາບນໍ້າ ລະ ອ່ານໜັງສືກ່ອນເຂົ້ານອນ ແບບນີ້ເປັນຕົ້ນ.
3. ໃຫ້ລາງວັນສະສົມເມື່ອເຮັດຄວາມດີ
4. ລົງໂທດເມື່ອລູກເຮັດຜິດ
5. ໃຊ້ວິທີເຕືອນແທນການຈົ່ມ
6. ຄວນສອນລູກໃນທິດທາງດຽວກັນ: ພໍ່ແມ່ຫັນໜ້າລົມກັນ ຫຼືບອກຜູ້ໃຫຍ່ໃນເຮືອນ ຊ່ວຍກັນຝຶກ ຫຼືສອນວິໄນໃຫ້ລູກຫຼານດ້ວຍການເຮັດແບບນັ້ນແບບນີ້ ແລະ ທຸກຄົນໃນເຮືອນຄວນຮ່ວມມືສອນລູກຫຼານໄປໃນທິດທາງດຽວກັັນ.
7. ຕັ້ງກໍານົດເວລາຊັດເຈນ: ການກໍານົດເວລາຈະເຮັດໃຫ້ຮູ້ໂຕວ່າ ຫຼັງຈາກນັ້ນເຂົາຈະເຮັດຫຍັງຕໍ່ ແລະ ຈະກາຍເປັນວິໄນຕິດຕົວທີ່ດີໄປຈົນໃຫຍ່ເຊັ່ນ: ຫຼັງຈາກເຮັດບົດຝຶກຫັດແລ້ວ ແບ່ງເວລາໃຫ້ລູກເບິ່ງໂທລະພາບ ຫຼືຫຼິ້ນໂທລະສັບບໍ່ເກີນ 10 ນາທີ ໂດຍໃຊ້ໂມງຈັບເວລາເປັນຕົວຊ່ວຍ ເມື່ອເຖິງກໍານົດກໍຈະຮູ້ຈັກຢຸດ ຫຼືຫາກມີການຕໍ່ລອງ ແມ່ອາດໃຊ້ເທັກນິກໃນການເພີ່ມເວລາ ຫຼືຫຼຸດເວລາໃນມື້ຕໍ່ໄປ.
8. ຝຶກລູກໃຫ້ຊ່ວຍເຫຼືອຕົນເອງໄດ້ຫຼາຍທີ່ສຸດ ເຊັ່ນ: ສາມາດແກ້ໂສ້ງເອງ, ເຂົ້າຫ້ອງນໍ້າເອງ, ໃສ່ເກີບເອງ ຫຼືຕິດກະດຸມເອງໄດ້ ແລະ ອື່ນໆ ໂດຍພໍ່ແມ່ເບິ່ງຢູ່ຫ່າງໆ ເປັນວິທີທີ່ຊ່ວຍໃຫ້ລູກຝຶກແກ້ບັນຫາ ແລະ ຢ່າເຂົ້າໄປຊ່ວຍຖ້າລູກບໍ່ຮ້ອງຂໍຄວາມຊ່ວຍເຫຼືອ ເຖິງແມ່ນວ່າລູກຈະຊ້າ ຫຼືເຮັດໃຫ້ພໍ່ແມ່ເສຍເວລາ ແຕ່ເຊື້ອວ່ານີ້ຄືສິ່ງທີ່ລູກພະຍາຍາມ ແລະ ຈະຊ່ວຍຕົນເອງໄດ້ ຊຶ່ງເມື່ອສໍາເລັດຈະເຮັດໃຫ້ເຂົາເກີດຄວາມພາກພູໃຈໃນຕົນເອງດ້ວຍ.
9. ໃຫ້ລູກຊ່ວຍເຮັດວຽກເຮືອນ ສິ່ງທີ່ລູກພໍເຮັດໄດ້
10. ລົງໂທດດ້ວຍການຕີ ຄວນເປັນວິທີລົງໂທດສຸດທ້າຍທີ່ພໍ່ແມ່ຄວນໃຊ້ ເພື່ອບໍ່ໃຫ້ລູກຕິດພຶດຕິກໍາຄວາມຮຸນແຮງ ຫຼືເກີດອາການຕໍ່ຕ້ານ ແລະ ບໍ່ເຊື້ອຟັງພໍ່ແມ່ໄດ້.