ອາເມລິກາຮັບມອບກະດູກທະຫານ ຈາກ ສປປ ເກົາຫລີ

- PDVVT6ERKAI6RN3J4P77C7YGRE - ອາເມລິກາຮັບມອບກະດູກທະຫານ ຈາກ ສປປ ເກົາຫລີ
- Untitled design - ອາເມລິກາຮັບມອບກະດູກທະຫານ ຈາກ ສປປ ເກົາຫລີ

ລັດຖະບານ​ພຽງ​ຢາງ​ສົ່ງ​ມອບ​ຊິ້ນສ່ວນ​ກະດູກ​ທະຫານ​ອາ​ເມ​ລິ​ກາ ​ເຊິ່ງ​ເສຍ​ຊີວິດ​ໃນ ສປປ ​ເກົາຫລີ ລະຫວ່າງ​ສົງຄາມ​ເກົາຫລີ ກັບ​ຄືນ​ໃຫ້​ແກ່​ອາ​ເມ​ລິ​ກາ​ເປັນ​ເທື່ອ​ທຳ​ອິດ​ໃນ​ຮອບ 11 ປີ.

- O2SKCTTHXZA5BKEWZ3L4LJBOH4 - ອາເມລິກາຮັບມອບກະດູກທະຫານ ຈາກ ສປປ ເກົາຫລີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ​ເຮືອບິນ​ລຳລຽງ​ຂະໜາດ​ໃຫຍ່ C-17 ຂອງ​ກອງທັບ​ອາກາດ​ອາ​ເມ​ລິ​ກາ ​ເດີນທາງ​ໄປ​ເມືອງ​ວອນ​ຊານ ທາງ​ຕາ​ເວັນ​ອອກ​ຂອງ ສປປ ​ເກົາຫລີ ​ໃນ​ວັນ​ທີ 27 ກໍລະກົດ ກ່ອນ​ກັບ​ມາ​ລົງ​ຈອດ​ທີ່​ສະໜາມ​ບິນ​ພາຍ​ໃນ​ຖານ​ທັບ​ອາກາດ​ໂອຊາ​ນ ນອກ​ນະຄອນຫລວງ​ເຊ​ອຸນ ​ໃນ​ວັນດຽວ​ກັນ​ ພ້ອມ​ໂລງ​ຈຳນວນ 55 ​ໂລງ ​ເຊິ່ງພາຍ​ໃນ​ບັນຈຸ​ຊິ້ນສ່ວນ​ກະດູກ​ຂອງ​ທະຫານ​ອາ​ເມ​ລິ​ກາ ​ເຊິ່ງສູນຫາຍ​ໃນ ສປປ ​ເກົາຫລີ ​ໃນ​ໄລຍະ​ສົງຄາມ​ເກົາຫລີ ​ໂດຍ​ໂລງ​ທັງ​ໝົດ​ມີ​ການ​ຄຸມ​ດ້ວຍ​ທຸງ​ສັນຍາ​ລັກ​ຂອງ​ສະຫະ​ປະຊາ​ຊາດ (UN) ​ແລະ ທະຫານ​ອາ​ເມ​ລິ​ກາ ​ເຊິ່ງປະຈຳການ​ຖ້າ​ຢູ່ ສ.​ເກົາຫລີ.

- Wave100S AD to Website 2020 0 - ອາເມລິກາຮັບມອບກະດູກທະຫານ ຈາກ ສປປ ເກົາຫລີ

ສ່ວນ​ປະທານາທິບໍດີ ​ໂດ​ນັລ ທຣຳ ຜູ້ນຳ​ອາ​ເມ​ລິ​ກາ ກ່າວ​ຂອບ​ໃຈ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ທີ່​ມີ​ການ​ສົ່ງ​ມອບ​ຊິ້ນສ່ວນ​ກະດູກ​ຂອງ​ທະຫານ​ອາ​ເມ​ລິ​ກາ​ໃນ​ເທື່ອ​ນີ້​ ເປັນ​ສ່ວນ​ໜຶ່ງ​ຂອງ​ຂໍ້​ຕົກລົງ​ທີ່​ທັງ​ສອງ​ຝ່າຍລົງ​ນາມ​ຮ່ວມ​ກັນ ລະຫວ່າງ​ການ​ພົບ​ປະ​ຫາລື​ທີ່​ສິງກະ​ໂປ ​ໃນ​ວັນ​ທີ 12 ມິຖຸນາ​ຜ່ານ​ມາ. ຂະນະ​ທີ່ ພົນ​ເອກ ວິນ​ເຊ​ນ ບຣູດ ຜູ້​ບັນຊາ​ການ​ກອງ​ກຳລັງ UN ຢູ່​ແຫມ​ເກົາຫລີ ກ່າວ​ສະ​ແດງ​ຄວາມ​ຍ້ອງຍໍ​ເຫດການ​ທີ່​ເກີດ​ຂຶ້ນວ່າ: ​ເປັນ​ຜົນສຳ​ເລັດ​ຂອງ​ພາລະກິດ​ທີ່​ເປັນ​ຜົນ​ຈາກ​ການ​ຮ່ວມ​ມື​ຢ່າງ​ຕໍ່​ເນື່ອງ​ລະຫວ່າງ​ທຸກ​ປະ​ເທດ​ທີ່​ກ່ຽວຂ້ອງ.

ສຳລັບ​ການ​ສົ່ງ​ມອບ​ຊິ້ນສ່ວນ​ກະດູກ​ຂອງ​ທະຫານ​ອາ​ເມ​ລິ​ກາ​ ​ໂດຍ​ລັດຖະບານ​ພຽງ​ຢາງ​ໃນ​ຄັ້ງນີ້​ກົງ​ກັບ​ວັນ​ຄົບຮອບ 65 ປີ​ຂໍ້ຕົກລົງ​ຢຸດ​ຍິງ​ສົງຄາມ​ເກົາຫລີ ​ແລະ ຖື​ເປັນ​ການ​ສົ່ງ​ມອບ​ຊິ້ນສ່ວນ​ກະດູກ​ທະຫານ​ອາ​ເມ​ລິ​ກາ​ຈາກ ສປປ ​ເກົາຫລີ ຄັ້ງທຳ​ອິດ​ໃນ​ຮອບ 11 ປີ. ຂະນະ​ທີ່​ຢ້ອນ​ກັບ​ໄປ​ປີ 1990 ລັດຖະບານ​ພຽງ​ຢາງ​ສົ່ງ​ມອບ​ຊິ້ນສ່ວນ​ກະດູກ​ທະຫານ​ອາ​ເມ​ລິ​ກາ​ໃຫ້​ແກ່​ລັດຖະບານ​ວໍ​ຊິງ​ຕັນ​ແລ້ວ 229 ຊຸດ. ທັງ​ນີ້ ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ຢືນຢັນ​ຈຳນວນ​ທະຫານ​ອາ​ເມ​ລິ​ກາ​ສູນຫາຍ​ໃນ​ສົງຄາມ​ເກົາຫລີ​ໄວ້​ປະມານ 7.700 ຄົນ ​ໃນ​ຈຳນວນ​ນີ້ 5.300 ຄົນ​ຫາຍ​ສາບ​ສູນ​ໃນ ສປປ ​ເກົາຫລີ.

- WhatsApp Image 2020 05 27 at 5 - ອາເມລິກາຮັບມອບກະດູກທະຫານ ຈາກ ສປປ ເກົາຫລີ
- WhatsApp Image 2020 05 27 at 5 - ອາເມລິກາຮັບມອບກະດູກທະຫານ ຈາກ ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!