ຜູ້ນຳຟີລິບປິນເຊັນກົດໝາຍ ເຂດປົກຄອງບັງຊາໂມໂຣ

- 20170527 marawi siege em 2 - ຜູ້ນຳຟີລິບປິນເຊັນກົດໝາຍ ເຂດປົກຄອງບັງຊາໂມໂຣ
- Untitled design - ຜູ້ນຳຟີລິບປິນເຊັນກົດໝາຍ ເຂດປົກຄອງບັງຊາໂມໂຣ

ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ລົງ​ນາມ​ຮັບຮອງ​ກົດໝາຍ​ພື້ນຖານ​ການຈັດຕັ້ງ “​ເຂດ​ປົກຄອງ​ຕົນ​ເອງ​ບັງ​ຊາ​ໂມ​ໂຣ” ​ໃນ​ເກາະ​ມິນ​ດາ​ເນົາ ພາຍ​ໃນ​ປີ 2022.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ລົງ​ນາມ​ຮັບຮອງ​ກົດໝາຍ ”ອົງ​ປະກອບ​ບັງ​ຊາ​ໂມ​ໂຣ” ​ໃນ​ວັນ​ທີ 26 ກໍລະກົດ ຫລັງ​ຮ່າງ​ກົດໝາຍ​ຜ່ານ​ຄວາມ​ເຫັນ​ພ້ອມ​ຈາກ​ວຸດ​ທິສະພາ​ໃນ​ວັນ​ທີ 23 ກໍລະກົດ ​ແລະ ສະພາ​ຜູ້​ແທນ​ລາຊະ​ດອນ​ລົງມະຕິ​ຮັບຮອງ​ໃນ​ວັນ​ຕໍ່​ມາ ວ່າ​ດ້ວຍ​ການ​ວາງ​ຮາກ​ຖານ​ໃນ​ການ​ກຳນົດ​ອານາ​ເຂດ​ສ່ວນ​ໜຶ່ງ​ຂອງ​ເກາະ​ມິນ​ດາ​ເນົາ​ໃຫ້​ມີ​ສະຖານະ “​ເຂດ​ປົກຄອງ​ຕົນ​ເອງ​ບັງ​ຊາ​ໂມ​ໂຣ” ພາຍ​ໃນ​ປີ 2022.

ຂະນະ​ດຽວ​ກັນ, ລັດຖະບານ​ກາງ​ໃນ​ນະຄອນຫລວງ​ມະນິລາ​ຈຳ​ສຳຮອງ​ງົບປະມານ​ໄວ້​ລະຫວ່າງ 60.000-70.000 ລ້ານ​ເປ​ໂຊ​ຕໍ່​ປີ ​ເພື່ອ​ສະໜັບສະໜູນ​ໂຄງການ​ພັດທະນາ​ເຂດ​ປົກຄອງ​ຕົນ​ເອງ​ບັງ​ຊາ​ໂມ​ໂຣ. ທັງ​ນີ້ ການຈັດຕັ້ງ​ເຂດ​ປົກຄອງ​ຕົນ​ເອງ​ບັງ​ຊາ​ໂມ​ໂຣ​ເປັນ​ສ່ວນ​ໜຶ່ງ​ຂອງ​ແຜນ​ສັນຕິພາບ​ລະຫວ່າງ​ລັດຖະບານ​ຟີ​ລິບ​ປິນກັບ​ແນວ​ຮ່ວມ​ປົດ​ປ່ອຍ​ອິສລາມ​ໂມ​ໂຣ (MILF) ທີ່​ລົງ​ນາມ​ຮ່ວມ​ກັນ​ໃນ​ປີ 2014 ​ເພື່ອ​ຫວັງ​ຢຸດ​ການ​ສູ້​ຮົບ​ທີ່​ຍືດ​ເຍື້ອມາ​ເຄິ່ງສະຕະວັດ ຈົນ​ມີ​ຜູ້​ເສຍ​ຊີວິດ​ຫລາຍ​ກວ່າ 120.000 ຄົນ ​ແລະ ອີກ 2 ລ້ານ​ຄົນ​ບໍ່​ມີ​ບ່ອນຢູ່​ອາ​ໄສ.

- Wave100S AD to Website 2020 0 - ຜູ້ນຳຟີລິບປິນເຊັນກົດໝາຍ ເຂດປົກຄອງບັງຊາໂມໂຣ

ທ່ານ ​ໂມ​ຮາ​ເກີ ອິກບັລ ຫົວໜ້າ​ຄະນະ​ເຈລະຈາ​ສັນຕິພາບ​ຂອງ MILF ກ່າວ​ສະ​ແດງ​ຄວາມ​ຍ້ອງຍໍ​ການ​ກຽມ​ສະຖາປະນາ​ເຂດ​ປົກຄອງ​ຕົນ​ເອງ​ບັງ​ຊາ​ໂມ​ໂຣ, ​ເຖິງຍອມຮັບ​ວ່າຍັງ​ມີ​ເງື່ອນ​ໄຂ​ອີກ​ຫລາຍ​ຂ້ໍ​ທີ່​ຍັງ​ບໍ່​ໄດ້​ຮັບ​ການ​ຕອບ​ສະໜອງ​ຈາກ​ພາກ​ລັດ, ​ແຕ່ MILF ຫວັງ​ວ່າການ​ເຈລະຈາ​ຄັ້ງຕໍ່​ໄປ​ຈະ​ມີ​ຄວາມ​ຄືບ​ໜ້າ ​ເພື່ອ​ຫວັງ​ແກ້​ໄຂ​ເນື້ອ​ໃນ​ບາງ​ສ່ວນ​ອີກ​ເທື່ອ​ໜຶ່ງ. ຂະນະ​ທີ່​ພື້ນທີ່​ທັງ​ໝົດ​ຂອງ​ເກາະ​ມິນ​ດາ​ເນົາ​ຈະ​ຍັງ​ຢູ່​ພາຍ​ໃຕ້​ກົດ​ໄອ​ຍະ​ການ​ເສິກ​ຈົນ​ຮອດ​ທ້າຍ​ປີ​ນີ້ ​ເພື່ອ​ໃຫ້​ເຈົ້າໜ້າ​ທີ່​ຝ່າຍ​ຄວາມ​ໝັ້ນຄົງ​ປະຕິບັດ​ການ​ປາບ​ປາມ​ກຸ່ມ​ຕິດ​ອາວຸດ ​ເຊິ່ງຍັງ​ຫລົງ​ເຫລືອ​ຢູ່​ໃນ​ເມືອງ​ມາຣາວີ.

- WhatsApp Image 2020 05 27 at 5 - ຜູ້ນຳຟີລິບປິນເຊັນກົດໝາຍ ເຂດປົກຄອງບັງຊາໂມໂຣ
- WhatsApp Image 2020 05 27 at 5 - ຜູ້ນຳຟີລິບປິນເຊັນກົດໝາຍ ເຂດປົກຄອງບັງຊາໂມໂຣ
error: Alert: ເນື້ອຫາຂ່າວມີລິຂະສິດ !!