MCOT ໄທຈັດລາຍການລະດົມທຶນຊ່ວຍເຫລືອຜູ້ໄດ້ຮັບຜົນກະທົບຈາກໄພນໍ້າຖ້ວມຢູ່ແຂວງອັດປື

- Untitled design - MCOT ໄທຈັດລາຍການລະດົມທຶນຊ່ວຍເຫລືອຜູ້ໄດ້ຮັບຜົນກະທົບຈາກໄພນໍ້າຖ້ວມຢູ່ແຂວງອັດປື

ໂທລະພາບ ອສມທ (MCOT) ຂອງໄທ, ໄດ້ຈັດລາຍການພິເສດເພື່ອລະດົມທຶນຊ່ວຍເຫລືອຜູ້ປະສົບໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື ສປປ ລາວ ຂຶ້ນໃນວັນທີ 26 ກໍລະກົດນີ້, ໂດຍໄດ້ເປີດໂທລະສັບສາຍດ່ວນຫລາຍສາຍ, ພ້ອມທັງເຊີນເອົານັກສະແດງ, ສີລະປິນ ທີ່ມີຊື່ສຽງມາເຮັດໜ້າທີ່ໃນການຮັບໂທລະສັບຈາກປະຊາຊົນໄທທີ່ໂທມາສົມທົບທຶນ ແລະ ບໍລິຈາກວັດຖຸສິ່ງຂອງຕ່າງໆ ເພື່ອຊ່ວຍບັນເທົາທຸກຂອງປະຊາຊົນຜູ້ປະສົບເຄາະຮ້າຍຈາກໄພພິບັດຄັ້ງຮ້າຍແຮງນີ້.

ໃນໂອກາດນີ້, ທ່ານເອກອັກຄະລັດຖະທູດແຫ່ງ ສປປ ລາວ ປະຈໍາຣາຊະອານາຈັກໄທ ແສງ ສຸຂະທິວົງ ໄດ້ຕາງໜ້າລັດຖະບານຮັບການຊ່ວຍເຫລືອຈາກພາກລັດ ແລະ ເອກະຊົນໄທ ຈໍານວນໜຶ່ງຄື: ເງິນບໍລິຈາກຈາກຂ້າລາດຊະການ ແລະ ພະນັກງານກະຊວງຍຸຕິທໍາແຫ່ງຣາຊະອານາຈັກໄທ 1 ລ້ານບາດ, ທ່ານ ສຸທັດ ເງິນໝື່ນ ອະດິດຮອງນາຍົກລັດຖະມົນຕີ, ອະດິດລັດຖະມົນຕີກະຊວງຍຸຕິທໍາ ມອບເງິນຊ່ວຍເຫລືອ 50.000 ບາດ, ບໍລິສັດ ໂອສົດສະພາ ຈໍາກັດ ມອບເຄື່ອງຊ່ວຍເຫລືອປະເພດອຸປະໂພກ-ບໍລິໂພກຕ່າງໆລວມມູນຄ່າ 1 ລ້ານບາດ, ສະມາຊິກກຸ່ມໂມບາຍ ບີເອັນເຄ 48 ໂຮມ ມອບບໍລິຈາກເງິນ 14.848 ບາດ, ພ້ອມນີ້ກໍຍັງມີພາກເອກະຊົນ, ນິຕິບຸກຄົນ ໄດ້ໃຫ້ການຊ່ວຍເຫລືອອີກຈໍານວນໜຶ່ງ ແລະ ສະເພາະໃນວັນນີ້ 25 ກໍລະກົດຜ່ານມານີ້, ກອງທັບອາກາດແຫ່ງຣາຊະອານາຈັກໄທ ໄດ້ໃຊ້ຍົນລຳລຽງແບບ C-130 ນໍາເຄື່ອງພຣະຣາຊະທານຂອງເຈົ້າມະຫາຊີວິດແຫ່ງຣາຊະອານາຈັກໄທ, ເຊິ່ງປະກອບມີ ນໍ້າດື່ມ 10.000 ຕຸກ, ຜ້າເຊັດໂຕ 2.000 ຜືນ, ເຄື່ອງກອງນໍ້າ 49 ຊຸດ, ພ້ອມດ້ວຍອາຫານ ແລະ ຢາປົວພະຍາດອີກຈຳນວນໜຶ່ງ. ນອກນີ້, ອົງສົມເດັດພຣະສັງຄະຣາຊແຫ່ງຣາຊະອານາຈັກໄທ, ກໍໄດ້ມອບເງິນ 1 ລ້ານບາດ ເພື່ອຊ່ວຍເຫລືອຜູ້ປະສົບໄພພິບັດໃນຄັ້ງນີ້ອີກດ້ວຍ ແລະ ລັດຖະບານໄທໄດ້ມອບຖົງຢັງຊີບອີກ 5.000 ຊຸດ.

- Wave100S AD to Website 2020 0 - MCOT ໄທຈັດລາຍການລະດົມທຶນຊ່ວຍເຫລືອຜູ້ໄດ້ຮັບຜົນກະທົບຈາກໄພນໍ້າຖ້ວມຢູ່ແຂວງອັດປື

ໃນໂອກາດນີ້, ທ່ານເອກອັກຄະລັດຖະທູດລາວ ໄດ້ກ່າວສະແດງຄວາມຂອບໃຈຕໍ່ເຈົ້າມະຫາຊີວິດແຫ່ງຣາຊະອານາຈັກໄທ, ລັດຖະບານ ແລະ ປະຊາຊົນໄທ ທີ່ໄດ້ໃຫ້ການຊ່ວຍເຫລືອໃນຄັ້ງນີ້, ເຊິ່ງສະແດງໃຫ້ເຫັນເຖິງຄວາມເປັນຫ່ວງເປັນໄຍຕໍ່ປະຊາຊົນລາວທີ່ໄດ້ຮັບຜົນກະທົບຈາກໄພພິບັດດັ່ງກ່າວ ແລະ ເຊື່ອວ່າການຊ່ວຍເຫລືອນີ້ຈະສ້າງຂວັນກໍາລັງໃຈໃຫ້ຜູ້ປະສົບໄພມີພະລັງແຮງເພື່ອຜ່ານຜ່າເຫດການສູນເສຍຄັ້ງນີ້ໄດ້ໂດຍໄວ.

- WhatsApp Image 2020 05 27 at 5 - MCOT ໄທຈັດລາຍການລະດົມທຶນຊ່ວຍເຫລືອຜູ້ໄດ້ຮັບຜົນກະທົບຈາກໄພນໍ້າຖ້ວມຢູ່ແຂວງອັດປື
- WhatsApp Image 2020 05 27 at 5 - MCOT ໄທຈັດລາຍການລະດົມທຶນຊ່ວຍເຫລືອຜູ້ໄດ້ຮັບຜົນກະທົບຈາກໄພນໍ້າຖ້ວມຢູ່ແຂວງອັດປື
error: Alert: ເນື້ອຫາຂ່າວມີລິຂະສິດ !!