ຄວາມຄືບໜ້າຂອງສູນບັນຊາການພາກສະໜາມກ່ຽວກັບການຊອກຄົ້ນ ແລະ ຊ່ວຍເຫລືອຜູ້ຖືກຜົນກະທົບນໍ້າຖ້ວມຢູ່ເມືອງສະໜາມໄຊແຂວງອັດຕະປື

- late finding - ຄວາມຄືບໜ້າຂອງສູນບັນຊາການພາກສະໜາມກ່ຽວກັບການຊອກຄົ້ນ ແລະ ຊ່ວຍເຫລືອຜູ້ຖືກຜົນກະທົບນໍ້າຖ້ວມຢູ່ເມືອງສະໜາມໄຊແຂວງອັດຕະປື
- Untitled design - ຄວາມຄືບໜ້າຂອງສູນບັນຊາການພາກສະໜາມກ່ຽວກັບການຊອກຄົ້ນ ແລະ ຊ່ວຍເຫລືອຜູ້ຖືກຜົນກະທົບນໍ້າຖ້ວມຢູ່ເມືອງສະໜາມໄຊແຂວງອັດຕະປື

ສູນບັນຊາການພາກສະໜາມພາລະກິດຊອກຄົ້ນ ແລະ ຊ່ວຍເຫລືອຜູ້ຖືກຜົນກະທົບນໍ້າຖ້ວມຢູ່ເມືອງສະໜາມໄຊແຂວງອັດຕະປື ໄດ້ລາຍງານຄວາມຄືບໜ້າໃນການປະຕິບັດໜ້າກອບກູ້ຜູ້ທີຕົກຄ້າງຢູ່ໃນພື້ນທີ່ນໍ້າຖ້ວມ ແລະ ຊອກຄົ້ນຜູ້ສູນຫາຍ, ຊຶ່ງແມ່ນກໍາລັງຂອງກອງທັບປະຊາຊົນລາວເປັນກໍາລັງຕົ້ນຕໍໃນການປະຕິບັດໜ້າທີ່ ວ່າ: ພາຍຫລັງເກີດເຫດເຂື່ອນເຊປຽນເຊນໍ້ານ້ອຍແຕກໃນແລງວັນທີ 23 ກໍລະກົດຜ່ານມາ. ຄະນະນໍາກະຊວງປ້ອງກັນໄດ້ປະຊຸມໂດຍດ່ວນ ແລະ ສັ່ງນໍາໃຊ້ກໍາລັງຂອງກົມກອງທະຫານທີ່ຢູ່ໃກ້ພື້ນທີ່ເຂົ້າມາປະຕິບັດໜ້າທີ່ກອບກູ້ຊ່ວຍເຫລືອປະຊາຊົນອອກຈາກເຂດນໍ້າຖ້ວມມາສູ່ເຂດປອດໄພໂດຍດ່ວນ, ໂດຍມີກໍາລັງທະຫານເມືອງສະໜາມໄຊ 50 ສະຫາຍ, ທະຫານແຂວງອັດຕະປື 100 ສະຫາຍ ແລະ ກໍາລັງກອງພົນທະຫານຮາບທີ່ 5 ອີກ 200 ສະຫາຍ ສົມທົບກັບເຮືອຈັກປະຊາຊົນອີກ 10 ກວ່າລໍາ ເພື່ອກອບກູ້ເອົາປະຊາຊົນ ແລະ ຊອກຄົ້ນຜູ້ສູນຫາຍມາໄວ້ເຂດປອດໄພ, ພ້ອມນີ້ຍັງໄດ້ແຕ່ງຕັ້ງຄະນະຮັບພິຊອບຂັ້ນກະຊວງລົງມາສົມທົບກັບອໍານາດການປົກຄອງທ້ອງຖິ່ນ ເພື່ອຊີ້ນໍາບັນຊາໂດຍກົງຢູ່ພາກສະໜາມຢ່າງໃກ້ຊິດ, ເຊິ່ງໄດ້ທຸມເທກໍາລັງ, ພາຫະນະ ຄື: ຍົນ MA-60 ສອງລໍາ, MI-17 ສາມລໍາ, ຮ້ອງທ້ອງແບນ 6 ລໍາ, ເຮືອຢາງ 4 ລໍາ, ນອກນີ້ຍັງມີພາຫະນະຂອງໜ່ວຍງານຕ່າງທມາສົມທົບຕື່ມອີກ ຄື: ເຈັສກີ 4 ລໍາ, ເຮືອກາໂນ 2 ລໍາ, ໂດຣນ 2 ລໍາ, ເຄື່ອງຈັບຄວາມຮ້ອນ 2 ຊຸດ, ລົດບັນທຸກ 10 ຄັນ, ລົດແພດ ແລະ ອຸປະກອນອື່ນໆຈໍານວນໜຶ່ງ, ໂດຍໄດ້ກອບກູ້ ແລະ ຍົກຍ້າຍປະຊາຊົນທີ່ໄດ້ຮັບຜົນກະທົບໃນ 13 ບ້ານມາຢູ່ເຂດປອດໄພຈໍານວນ 7.324 ຄົນ, ໃນນີ້ໄດ້ຈັດສັນໄວ້ຢູ່ 5 ຈຸດໃຫຍ່ຄື: ສູນພັກເຊົາຊົ່ວຄາວຂອງເມືອງສະໜາມໄຊມີ 3.732 ຄົນ, ສູນພັກເຊົາຊົ່ວຄາວເມືອງອຸທຸມພອນ ແລະ ເມືອງປາກຊ່ອງ 1.407 ຄົນ, ຢູ່ສູນພັກເຊົາບ້ານຕໍາມາຢອດ 600 ຄົນ, ຈຸດບ້ານດອນບົກ 1.056 ຄົນ ແລະ ຈຸດບ້ານປີນດົງ 500 ຄົນ. ສ່ວນການຊອກຄົ້ນຜູ້ເສຍຊີວິດມາຮອດແລງວັນທີ 28 ກໍລະກົດນີ້ ແມ່ນໄດ້ 8 ສົບ ( ເດັກນ້ອຍ 4 ສົບ ແລະ ຜູ້ໃຫຍ່ 4 ສົບ).

ຜ່ານການປະຕິບັດພາລະກິດຕົວຈິງເຫັນວ່າຂໍ້ສະດວກແມ່ນໄດ້ຄວາມເອົາໃຈໃສ່, ເປັນຫ່ວງເປັນໄຍ,​ ການຊີ້ນໍາໃກ້ຊິດຕິດແທດຈາກການນໍາພັກ-ລັດ ກໍຄືກະຊວງປ້ອງກັນປະເທດ ທີ່ໄດ້ສຸມດ້ານວັດຖຸເງິນຄໍາ ເພື່ອໃຫ້ການຊ່ວຍເຫລືອແກ່ປະຊາຊົນທີ່ຖືກຜົນກະທົບ, ລວມທັງອໍານວຍຄວາມສະດວກຮອບດ້ານໃຫ້ກໍາລັງທະຫານ ແລະ ເຈົ້າໜ້າທີ່ພາກສ່ວນຕ່າງໆເຮັດໜ້າທີ່ກອບກູ້ ແລະ ຊອກຄົ້ນຢູ່ພາກສະໜາມຕົວຈິງ, ພ້ອມທັງໄດ້ຮັບການປະກອບສ່ວນ, ສະໜັບສະໜູນ ແລະ ຮ່ວມມືຈາກບັນດາອົງການຈັດຕັ້ງສັງຄົມທຸກພາກສ່ວນນັບທັງພາຍໃນ ແລະ ຕ່າງປະເທດ, ລວມທັງການຮ່ວມມືຂອງປະຊາຊົນໃນພື້ນທີ່ປະສົບໄພເປັນຢ່າງດີ. ຄຽງຄູ່ກັນນັ້ນກໍມີຂໍ້ຫຍຸ້ງຍາກຄື: ກະແສນໍ້າໄດ້ຊຸຜູ້ເສຍຊີວິດອອກໄປໄກ ບວກກັບເຂດປາຍທາງຂອງກະແສນໍ້າທີ່ຊຸໄປນັ້ນແມ່ນມີປ່າໄມ້ຕືບໜາຫລາຍ, ພ້ອມທັງມີຝົນຕົກລົງມາຕະຫລອດໄລຍະ ແລະ ພາຍຫລັງລະດັບນໍ້າໄດ້ຫລຸດລົງຕາມລໍາດັບ ແຕ່ຫລາຍບໍລິເວນຍັງເປັນບວກ, ເປັນຕົມສູງທັບຖົມເສັ້ນທາງ, ເຊິ່ງໄດ້ເຮັດໃຫ້ການຊອກຄົ້ນມີຄວາມຫຍຸ້ງຍາກລໍາບາກສົມຄວນ. ແນວໃດກໍຕາມ, ເມື່ອສະພາບນໍ້າບົກແຫ້ງລົງແລ້ວ ມາດຕະການຕົ້ນຕໍແມ່ນຈະເພີ່ມກໍາລັງຫລາຍຂຶ້ນໃນການຄົ້ນຫາ, ແກະໄງ້, ຄວັດຊອກຫາຕາມຂີ້ດິນ, ຂີ້ຕົມປົກຝັງ ແລະ ຮື້ໄມ້ເຮືອນທີ່ຖືກດິນທັບຖົມໃນຈຸດເປົ້າໝາຍ, ໂດຍສຸມໃສ່ບ້ານທີ່ຖືກກະທົບໜັກກວ່າໝູ່ຄື: ບ້ານຫີນລາດ, ທ່າແສງຈັນ, ບ້ານໃໝ່, ສະໝອງໃຕ້ ແລະ ບ້ານທ່າຫີນ, ເຊິ່ງຄາດວ່າຍັງມີຜູ້ສູນຫາຍຈໍານວນຫລາຍ.

- Wave100S AD to Website 2020 0 - ຄວາມຄືບໜ້າຂອງສູນບັນຊາການພາກສະໜາມກ່ຽວກັບການຊອກຄົ້ນ ແລະ ຊ່ວຍເຫລືອຜູ້ຖືກຜົນກະທົບນໍ້າຖ້ວມຢູ່ເມືອງສະໜາມໄຊແຂວງອັດຕະປື
- WhatsApp Image 2020 05 27 at 5 - ຄວາມຄືບໜ້າຂອງສູນບັນຊາການພາກສະໜາມກ່ຽວກັບການຊອກຄົ້ນ ແລະ ຊ່ວຍເຫລືອຜູ້ຖືກຜົນກະທົບນໍ້າຖ້ວມຢູ່ເມືອງສະໜາມໄຊແຂວງອັດຕະປື
- WhatsApp Image 2020 05 27 at 5 - ຄວາມຄືບໜ້າຂອງສູນບັນຊາການພາກສະໜາມກ່ຽວກັບການຊອກຄົ້ນ ແລະ ຊ່ວຍເຫລືອຜູ້ຖືກຜົນກະທົບນໍ້າຖ້ວມຢູ່ເມືອງສະໜາມໄຊແຂວງອັດຕະປື
error: Alert: ເນື້ອຫາຂ່າວມີລິຂະສິດ !!