ລັດຖະບານຈີນເອົາໃຈໃສ່ຊ່ວຍເຫລືອດ້ານມະນຸດສະທໍາຈາກໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື

- 37905967 1295140927296322 717855400719810560 o - ລັດຖະບານຈີນເອົາໃຈໃສ່ຊ່ວຍເຫລືອດ້ານມະນຸດສະທໍາຈາກໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື
- Untitled design - ລັດຖະບານຈີນເອົາໃຈໃສ່ຊ່ວຍເຫລືອດ້ານມະນຸດສະທໍາຈາກໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື

ຕາມແຫລ່ງຂ່າວ ຂປລ ໃຫ້ຮູ້ວ່າ: ວັນທີ 28 ກໍລະກົດນີ້, ສະຫາຍ ວາງ ເວິນທຽນ ເອກອັກຄະລັດຖະທູດ ສປຈີນ ປະຈໍາລາວ ໄດ້ໃຫ້ສໍາພາດຕໍ່ສື່ມວນຊົນລາວກ່ຽວກັບການຊ່ວຍເຫລືອຂອງລັດຖະບານຈີນຕໍ່ເຫດການນໍ້າຖ້ວມຢູ່ເມືອງສະໜາມໄຊແຂວງແດຕະປື ວ່າ: ຕໍ່ເຫດນ້ຳຖ້ວມຢ່າງຮ້າຍແຮງນີ້, ພວກຂ້າພະເຈົ້າມີຄວາມຮູ້ສຶກເສຍໃຈເປັນຢ່າງຍິ່ງ, ໂດຍສະຫາຍ ສີ ຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ, ສະຫາຍ ລີ ເຄິຊຽງ ນາຍົກລັດຖະມົນຕີແຫ່ງ ສປຈີນ ແລະ ສະຫາຍ ວັງ ຢີ ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດຈີນ ໄດ້ສົ່ງໂທລະເລກສະແດງຄວາມເສົ້າສະຫລົດໃຈເຖິງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດລາວ, ສະຫາຍ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ແລະ ສະຫາຍ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດລາວ ເພື່ອສະແດງຄວາມເສົ້າສະຫຼົດໃຈຢ່າງສຸດຊຶ້ງຕໍ່ອຸປະຕິເຫດດັ່ງກ່າວ ທີ່ສ້າງຄວາມເສຍຫາຍ ໃຫ້ແກ່ຊີວິດ ແລະ ຊັບສິນຢ່າງຫລວງຫລາຍ.

ຕໍ່ເຫດການດັ່ງກ່າວ, ລັດຖະບານຈີນ ໄດ້ຕົກລົງໃຫ້ການຊ່ວຍເຫລືອທາງດ້ານມະນຸດສະທຳຢ່າງຮີບດ່ວນແກ່ ສປປ ລາວ ລວມທັງຊ່ວຍເຄື່ອງທີ່ຕ້ອງການຢ່າງຮີບດ່ວນ ເຊັ່ນ: ເຮືອໄວ 100 ລໍາ, ເຄື່ອງຕອງນໍ້າ 100 ຊຸດ ແລະ ຜ້າເຕັ້ນ 500 ຫລັງ. ນອກນີ້, ສະພາກາແດງຈີນກໍຈະມອບເງິນຊ່ວຍເຫລືອໃຫ້ແກ່ຝ່າຍລາວອີກຈໍານວນໜຶ່ງ, ຊຶ່ງເຄື່ອງຊ່ວຍເຫລືອດັ່ງກ່າວຈະສົ່ງເຖິງ ສປປ ລາວ ໃນໄວໆນີ້.

ສະຫາຍເອກອັກຄະລັດຖະທູດຈີນ ກ່າວວ່າ: ປັດຈຸບັນ, ໜ່ວຍແພດຂອງກອງທັບປົດປ່ອຍປະຊາຊົນຈີນ ໄດ້ປະຕິບັດຫນ້າທີ່ການຝຶກຊ້ອມຮ່ວມກັນກູ້ໄພທາງການແພດແບບມະນຸດສະທຳທີ່ມີຊື່ວ່າ“ຂະບວນລົດໄຟສັນຕິພາບ 2018 ຢູ່ນະຄອນຫລວງວຽງຈັນ ແລະ ຈັດຕັ້ງໜ່ວຍແພດຕ້ານພະຍາດລະບາດຢ່າງຮີບດ່ວນ ແລະ ໄດ້ເດີນທາງໄປເຂດປະສົບໄພນໍ້າຖ້ວມແຕ່ວັນທີ 25 ກໍລະກົດ ເພື່ອປະຕິບັດວຽກງານຕ້ານພະຍາດລະບາດຢູ່ບ່ອນພັກເຊົາຊົ່ວຄາວຂອງປະຊາຊົນໃນຈຸດຕ່າງໆ, ເຊິ່ງເປັນໜ່ວຍກູ້ໄພທຳອິດຈາກຕ່າງປະເທດທີ່ໄປຮອດເຂດປະສົບໄພກ່ອນໝູ່.   ນອກນີ້, ສະຖານທູດຈີນປະຈຳລາວຍັງໄດ້ປຸກລະດົມໃຫ້ວິສາຫະກິດຈີນ, ຄົນຈີນ ແລະ ຈີນຕ່າງດ້າວທີ່ອາໃສຢູ່ລາວເຂົ້າຮ່ວມການກູ້ໄພນ້ຳຖ້ວມຢ່າງຕັ້ງຫນ້າ, ຫລາຍບໍລິສັດ ແລະ ບຸກຄົນຕ່າງໆ ໄດ້ບໍລິຈາກເງິນຢ່າງຫ້າວຫັນ, ເຊິ່ງໄດ້ສະແດງໃຫ້ເຫັນຈິດໃຈທີ່ດີງາມຂອງປະຊາຊົນຈີນທີ່ວ່າ: ບ່ອນໃດມີຄວາມຫຍຸ້ງຍາກ ບ່ອນນັ້ນກໍຈະໄດ້ຮັບການສະໜັບສະໜູນຈາກທົ່ວສາລະທິດ.

- Wave100S AD to Website 2020 0 - ລັດຖະບານຈີນເອົາໃຈໃສ່ຊ່ວຍເຫລືອດ້ານມະນຸດສະທໍາຈາກໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື

ສະຫາຍ ວາງ ເວີນທ່ຽນ ກ່າວວ່າ: ນອກຈາກລັດຖະບານຈີນຈັດຕັ້ງການກູ້ໄພຢ່າງມີແຜນແລ້ວ, ຍັງມີທິມງານກູ້ໄພຂອງພົນລະເມືອງຈີນຫລາຍທິມ ໄດ້ເດີນທາງໄປເຖິງເຂດປະສົບໄພຢ່າງທັນການ, ໂດຍພາຍໃຕ້ການບັນຊາການລວມຈາກຝ່າຍລາວ, ທີມງານກູ້ໄພຕ່າງໆໄດ້ເຂົ້າຮ່ວມການກູ້ໄພຢ່າງຕັ້ງໜ້າ, ເຊິ່ງໄດ້ສະທ້ອນໃຫ້ເຫັນເຖິງນໍ້າໃຈຊ່ວຍເຫລືອເຊິ່ງກັນ ແລະ ກັນ ຖານບ້ານພີ່ເມືອງນ້ອງໃນຍາມຕົກທຸກໄດ້ຍາກລະຫວ່າງປະຊາຊົນສອງຊາດຈີນ-ລາວ.

- WhatsApp Image 2020 05 27 at 5 - ລັດຖະບານຈີນເອົາໃຈໃສ່ຊ່ວຍເຫລືອດ້ານມະນຸດສະທໍາຈາກໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື
- WhatsApp Image 2020 05 27 at 5 - ລັດຖະບານຈີນເອົາໃຈໃສ່ຊ່ວຍເຫລືອດ້ານມະນຸດສະທໍາຈາກໄພນໍ້າຖ້ວມຢູ່ເມືອງສະໜາມໄຊແຂວງອັດຕະປື
error: Alert: ເນື້ອຫາຂ່າວມີລິຂະສິດ !!