ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ

- yq myanmarflood 29072020 - ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ
- Untitled design - ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ

ມີ​ຜູ້​ເສຍ​ຊີວິດ​ແລ້ວ 10 ຄົນ ​ແລະ ອີກ​ຫລາຍ​ກວ່າ 50.000 ຄົນ​ຕ້ອງ​ອົບ​ພະຍົບ ຈາກ​ເຫດ​ອຸ​ທົກ​ກະ​ໄພ​ຄັ້ງຮຸນ​ແຮງ​ທີ່​ສຸດ​ໃນ​ຮອບ​ຫລາຍ​ປີ​ຂອງ​ມຽນມາ.

- dc Cover m72rsohmbio4okq1opkboj6601 20180729184758 - ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ຢາງ​ກຸ້ງ ປະ​ເທດ​ມຽນມາ ​ໃນ​ວັນ​ທີ 30 ກໍລະກົດ​ວ່າ: ກະຊວງ​ສະຫວັດດີ​ການ​ສັງຄົມ​ຂອງ​ມຽນມາ ລາຍ​ງານ​ຈຳນວນ​ຜູ້​ເສຍ​ຊີວິດ​ຢ່າງ​ໜ້ອຍ 10 ຄົນ ​ໃນ​ຈຳນວນ​ນີ້​ເປັນ​ທະຫານ​ຢ່າງ​ໜ້ອຍ 3 ຄົນ ຈາກ​ອຸ​ທົກ​ກະ​ໄພ​ເຊິ່ງ​ເກີດ​ຂຶ້ນ​ເປັນ​ວົງ​ກວ້າງ​ໃນ​ຫລາຍ​ພື້ນທີ່​ຂອງ​ປະ​ເທດ ສ່ວນ​ຫລາຍ​ເປັນ​ເຂດ​ລຸ່ມ​ນ້ຳອີ​ລະ​ວະ​ດີ ​ແລະ ​ແມ່ນ້ຳສາຂາ. ຂະນະ​ທີ່​ປະຊາຊົນ​ຫລາຍ​ກວ່າ 54.000 ຄົນ​ຕ້ອງ​ອົບ​ພະຍົບ ​ໂດຍ​ລັດຖະບານ​ຈັດຕັ້ງສູນ​ພັກ​ຊົ່ວຄາວ​ແລ້ວ​ຢ່າງ​ໜ້ອຍ 163 ​ແຫ່ງ.

- Wave100S AD to Website 2020 0 - ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ

ທ່ານ ມາ​ຍິນ ມາ​ຍິນ ຖັນ ໜຶ່ງ​ໃນ​ຜູ້​ປະສົບ​ໄພ​ໃນ​ເຂດ​ພະ​ໂຄ ກ່າວ​ກັບ​ສຳນັກ​ຂ່າວ AFP ວ່າ: ​ເຖິງ​ວ່າ​ມຽນມາ​ຕ້ອງ​ຜະ​ເຊີນ​ກັບ​ນ້ຳຖ້ວມ​ເກືອບ​ທຸກ​ປີ, ​ແຕ່​ສະຖານະ​ການ​ໃນ​ປີ​ນີ້​ຖື​ວ່າ​ຮ້າຍ​ແຮງ​ຫລາຍ. ລາຍ​ງານ​ຂອງ​ສະຫະ​ປະຊາຊາດ (UN) ລະບຸ​ວ່າ: ມຽນມາ​ເປັນ​ໜຶ່ງ​ໃນ​ປະ​ເທດ​ປະສົບ​ກັບ​ໄພ​ທຳ​ມະ​ຊາດ ​ໂດຍ​ສະ​ເພາະ​ອຸ​ທົກ​ກະ​ໄພ​ຫລາຍ​ທີ່​ສຸດ​ໃນ​ໂລກ ​ແລະ​ ດັດຊະນີ​ຄວາມ​ສ່ຽງ​ສະພາບ​ອາກາດ​ໂລກ​ເຄີຍ​ຈັດ​ໃຫ້​ມຽນມາ​ເປັນອັນ​ດັບ 1 ຂອງ​ປະ​ເທດ​ໄດ້​ຮັບ​ຜົນ​ກະທົບ​ຈາກ​ໄພ​ທຳ​ມະ​ຊາດ​ຫລາຍ​ທີ່​ສຸດ ​ໃນ​ປີ 2015.

- 1 1 - ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ

ທັງ​ນີ້, ​ໄພ​ທຳ​ມະ​ຊາດ​ຄັ້ງຮ້າຍ​ແຮງ​ທີ່​ສຸດ​ໃນ​ປະຫວັດສາດ​ຍຸກ​ໃໝ່​ຂອງ​ມຽນມາ ຄື​ອິດ​ທິພົນ​ຈາກ​ພາຍຸ​​ໄຊ​ໂຄນ​ນາ​ກິດ ​ໃນ​ເດືອນ​ພຶດສະພາ 2008 ຂ້າ​ຊີວິດ​ປະຊາຊົນ​ຢ່າງ​ໜ້ອຍ 138.000 ຄົນ.

- WhatsApp Image 2020 05 27 at 5 - ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ
- WhatsApp Image 2020 05 27 at 5 - ນ້ຳຖ້ວມໜັກໃນມຽນມາ ເສຍຊີວິດຢ່າງໜ້ອຍ 10 ຄົນ
error: Alert: ເນື້ອຫາຂ່າວມີລິຂະສິດ !!